[ندعوك للتسجيل في المنتدى أو التعريف بنفسك لمعاينة هذه الصورة]يااهلا بالحلوين
طبعا الحواوشي المصري من احلي وألذ الاكلات المصريه الخفيفه وينفع للغدا او العشا
واقتصادي جداااااااااا
المقادير بسرعه
نص كيلو لحمه مفرومه
3 بصله متوسطه مفرومه
فلفل اخضر او فلفل حامي
قطعة دهن صغيره مجمده
زيت
فلفل اسود وملح وبهارات وقرفه
ورق فويل
عيش للحواوشي ويستحسن يكون عيش مصري
الطريقه
اول حاجه نبشر قطعة الدهن بالمبشره ونحطها في حله علي النار وعليها معقتين زيت والبصل المفروم
وفلفل اسود وسنة بهارات والفلفل الاخضر المتقطع ونقلب كويس علي النار لحد ماالبصل يدبل ونطفي النار
نضيف اللحمه المفرومه والملح والبهارات ومعلقه صغيره قرفه
ونقلب كويس اوي
وده شكلها
[ندعوك للتسجيل في المنتدى أو التعريف بنفسك لمعاينة هذه الصورة]ونجهز العيش عشان الحشو
الكميه دي عملت عندي 5 ارغفه كبار
نجيب الرغيف ونفتحه من الحرف بالسكينه فتحه صغيره
ونحط جوه مقدار الحشو ونقفلها عادي بالشكل ده
[ندعوك للتسجيل في المنتدى أو التعريف بنفسك لمعاينة هذه الصورة]نقطع قطعة فويل كبيره شويه تكفي اننا نلف الرغيف فيها
نفردها ونحط جواها معلقتين زيت ونحط عليه الرغيف من الناحيتين عشان يتشرب من بره بالزيت
ونقفل عليه بالشكل ده
[ندعوك للتسجيل في المنتدى أو التعريف بنفسك لمعاينة هذه الصورة]وندخله فرن حاميه نص ساعه ونقلبه ونسيبه تلت ساعه كمان
وكلي احلي حواوشي وادعيلي
[ندعوك للتسجيل في المنتدى أو التعريف بنفسك لمعاينة هذه الصورة] 
الأربعاء 10 نوفمبر - 0:11
