ملف صغير للكيك من مطبخى

ازيكم يااحلى بنات
يارب الجميع بخير وفى احسن حال
اليوم جيبالكم شوية كيكات من مطبخى واتمنى تعجبكم

الكيكة الرخامية


المقادير
2كوب دقيق+م ك بيكنج بودر
3بيضة+فانيليا
كوب الا ربع حليب
نصف كوب زيت
كوب سكر
2م ك كريم شانتيه بودر
م ك كاكاو خام
الطريقة
نخفق البيض والفانيليا بالمضرب الكهربى مع اضافة السكر شوية بشوية ونستمر فى الخفق لحد ماتبقى زى الكريمة
ونضيف الزيت مع الخفق والكريم شانتيه والحليب
ننخل الدقيق والبودر ونضيفه للخليط مع التقليب بخفة
يصب الخليط فى صينية مدهونة ومرشوشة بالدقيق مع ترك جزء من الخليط ويضاف له الكاكاو ويوضع بشكل عشوائى
تخبز فى فرن حار


كيكة الشاتوه

المقادير
كوب وربع دقيق+م ك مليانة بيكنج بودر
3بيضة+فانيليا
كوب حليب بارد
نصف كوب زيت
كوب سكر
2م ك كاكاو خام+2م ك نسكويك+ربع م ص نسكافيه
الطريقة
فى خلاط العصير نخلط السكر والحليب البارد والكاكاو والنسكويك والنسكافيه مع اضافة الزيت بالراحة على شكل خيط رفيع
تخلط كله حتى الحصول على صوص تقيل
ناخد كوب من الصوص ونضعه فى التلاجة
ثم نضيف البيض والفانيليا على باقى الصوص ونخلط شوية مع مراعاة ترك الغطاء الصغير للخلاط مفتوح حتى يسمح بدخول الهواء
ننخل الدقيق والبودر ونضيف عليه الخليط ونقلب بخفة
يصب فى صينية مدهونة ومرشوشة
انا استعملت صينية بالشكل ده


وباقى الخليط صبيته فى قوالب الكب
نخبزها فى فرن حار
وبعد ماتبرد نسقيها بالصوص اللى شيلناه فى التلاجة ونزينها
انا رشيت عليها فرماسيل



كيكة الموز


المقادير والطريقة معا

فى خلاط العصير نضع 2موزة ونصف كوب حليب وكوب سكر و3م ك زبدة و3بيضة وفانيليا
ونخلط كله مع بعض
ننخل 2كوب دقيق وعليهم م ك بيكنج بودر وننزل عليهم بالخليط السائل مع التقليب بخفة
يصب الخليط فى صينية مدهونة ومرشوشة بالدقيق وتخبز فى فرن حار

وبعد ماتخرج من الفرن وتبرد ندهنها بالمربى ونزينها

كب كيك مخملى

المقادير والطريقة معا
فى خلاط العصير نضع كوب سكر وكوب حليب وربع كوب زيت و2م ك زبدة و3بيضة وفانيليا و م ك كاكاو خام ولون احمر على طرف معلقة صغيرة ونخلط كله مع بعض
ننخل 2كوب دقيق وعليهم م ك بيكنج بودر وننزل عليهم بالخليط السائل مع التقليب بخفة
تصب فى قوالب الكب ويرش على الوجه حبيبات الفرماسيل اوحبيبات الهيرشى
تخبز فى فرن حار

اتمنى ان كيكاتى المتواضعة تكون عجبتكم

تسلمى يا انوج ياقمر
بصى ياحبيبتى اهم الحاجات اللى بتخلى الكيك ناجح ان الخامات كلها اللى بتستخدميها من بيض لدقيق لحليب لزبدة او سمنة انها تكون بدرجة حرارة المطبخ يعنى تطلعيها من التلاجة قبل الشغل بنصف ساعة على الاقل
وكمان تضربى المكونات كويس اوى سواء بالمضرب او الخلاط
وتشغلى الفرن قبل ماتبداى قى عمل الكيك
وفى حاجة ظريفة انا باعملها من سنين باحط صينية فيها مياه سخنة فى ارضية الفرن دى بتساعد على توزيع الحرارة فى الفرنوماتخليش الحاجة تتحمر من تحت قبل فوق

وعينية ليكى ياقمر فى اى سؤال
والا اقوللك اجيب لك الكيك لحد عندك والله

هههههههههههههههه تسلملي ايديكي و عنيكي
و مش هقوللك لااا ابعتي انت و هاااااااكله على طووووووووووووووول

ما شاء الله تبارك الله
استاذه ورئيسه قسم يا ام حازم
تسلم ايدك يا جميل

ما شاء الله عليكى يا مايوس

روعة يا قمر تسلم ايدك

تسلم ايديكي يا ام حازم

رووووووووووعه
روووووعه
روووووووووعه

ماشاء الله عليكي كللللللللله احلي من بعض

تسلم ايدك ياشيف ياجامد اوييييييييي