ام يوسف
الرز بالخلطه ياريت كل واحده تكتب طريقتها بالتفصيل والمقادير بالظبط
انا عملته ب 3 طرق اكتر مره ظبطت طريقة ابله دينا بتاعة قلي الرز في الاول واخر حاجه شوية شربات
انا هكتبلكم كل الطرق ايل عندي
طريق ادينا علي حسب ماانا فاكره
بقلي الرز الاول في زيت كتييييييير حوالي كوبايتين وبعدين اصفي الرز واعمل الكبد علي جنب بالصبل والتوم
واحمر المكسرات علي جنب
واجي بالحله احط الرز وعليه الشوربه عادي وقبل مايتشرب اضيف شوي شربات مش كتير حوايل ربع كوبايه ونص الكبد ونص المكسرات
ولما يستوي اغرفه واضيف الباقي علي الوش
الطريقه التانيه
احرق سكر حوالي معلقتين طبعا علي كوباية رز
احرق الاول السكر في الحله لما يبقي كراميل وبعدين اضيف المكسرات واضيف المايه او الشوربه ولما تغلي انزل بالرز ويستوي عادي
دي طريقة اخت جوزي كانت سريعه بس طعم المكسرات مش عجبني
انهارده عملت كوبايتين رز
الاول حطيت معلقة سمنه وزيت كتيير شويه وحمرت اللوز والصنوبر
ولما اصفرو شيلتهم من الزت عشان بيكملو تحمير حتي بعد ماتشيليهم
وفي نفس الطاسه عملت الكبد والقوانص عادي بالبصل والتوم
وفي حله كرملت 4 معالق سكر وحطيت عليهم 3 كوبايات مايه ومكعبي مرقه ولما غلي زلت بالرز المنقوع طبعا
وسيبته شويه وفي نص السوا ضيفت عليه نص الكبد ايل عملتهم ومعاهم الزيت ايل في الطاسه وقلبت تقليبه وغطيته لحد مااستوي خالص
وغرفته في سرفيس وعليه باق يالكبد والمكسرات علي الوش
بصراحه كان حلو اوي وعجب جوزي اه مش مسكر يعني تحسو طعمه رز بنكهه غريبه حلوه مش مسكره
بس لونه كان اصفر متهيألي عشان الماجي او يمكن السكر كان قليل ومش اداله لون
بس طعمه كان حلو وقالي اثبتي علي كده لكن لونه ايل غاظني
الثلاثاء 16 أغسطس - 23:17
