كيك الفواكه المجففه حلوه اويييييييي

بسم الله الرحمن الرحيم



عملت الكيك دي بطريقة اخت في منتدي تاني بصراحه حلوه اوي واكيد مغذيه

انا هنزل مقاديرها مع اضافات بسيطه




كوب ونصف سكر (او حسب الرغبه)
3 بيضات
2 كوب دقيق
3/4 كوب زيت
1 كوب لبن
3/4 كوب زيت
بيكنج بودر+فانليا
ملعقه تانج برتقال او فروتى برتقال
فواكه مجففه(تين- زبيب) تكون منقوعه وطريه

الطريقه
مفيش اسهل من كده
شغلى الفرن قبل ما تبدأى على 190-200
حطى كل المقادير (البيض+السكر+اللبن+الزيت+ملعقة الفروتى+الفانليا) فى الخلاط واضربيهم كويس قوى
فرغى محتويات الخلاط فى اناء وابدأى فى اضافه الدقيق مع البيكنج بودر واخلطيهم بإيدك او بمضرب البيض
أنا شخصيا بأخلطهم بمضرب البيض
يصب الخليط فى قالب الكيك ويكون مدهون ومبدر بالدقيق نبدأ بوضع الفاكهه الزبيب والتين المقطع على العجين
ونحط الصينيه فى الفرن لمده 10 دقائق على الدرجه العاليه وده علشان الفاكهه المجففه ما تنزلش فى قعر الصينيه وتنحرق نخفض درجه حرارة الفرن الى 180-170 الى تمام السوا اعمليها وادعى لى لو جربتيها بالطريقه دى مش هتبطلى تعمليها





بالنسبه بأه للمقادير

انا زودت تانج البرتقال خليته معلقتين كبار

وحطيت معلقة صغيره بيكنج ونص معلقه بيكربونات

ودي اول مره عملتها في قالب الانجليش كيك وكان فويل















والكب كيك بالعافيه لحقت اصور دول اتنسفوووووو ههههههه







وده التطبيق التاني عملتها امبرح وزودت الفاكهه اوي خليت الوش كله فاكهه مافيش مساحه فاضيه ونزلت لتحت وبقت فظيعه

وبالمناسبه القالب ده بيسخن اوي لما حسيت انها احمرت من الجناب بعد حوالي ساعه الا ربه حطيت في الفرن من تحت صينيه فيها مايه











جربوها وعلي ضمانتي وشوفو الولاد هيحبوها ازاي وتنفع للمدرسه اوي

واووووووووووووووو
تسلمى نجرب طبعا

هجربها بإذن واحد احد بكرة ويا رب تعجبهم ادعيلى دول جننونى فى اللانش بوكس بتاعهم

ما شاء الله رووووووووعة ياهبة تسلم ايدك

وان شاء الله احطها في الخطة

فظيييييييييييييييييييعه ياهوبا

شكله تحفه يا هوبا تسلم ايديكي

جربتها النهاردة



تسلم ايدك



بس من غير فواكة مجففة وزودت معلقة تانج وعملت نص كوب اللبن سفن اب