زراعه الجرجير والبقدونس فى البيت

تجربتى الخاصه لزراعه الجرجير و البقدونس بالبلكونه






انا كنت حكيت لكم عن محاولتى للزراعه و انهارده حاعرض زراعتى للجرجير و البقدونس بالتفصيل و الصور ان شاء الله - الزراعه في اي اوعيه تصلح انا زرعت في اواني بلاستك للزراعه و ايضا في علب عندي
بالنسبه للتربه
اي تربه تصلح انا زرعت في بتموس مخلوط مع رمل لان البتموس لوحده خفيف
الرمل بيتقل و يثبت التربه معاه و النسبه2 بيتموس ل 1 رمل لكن لو زرعتو في
بتموس بس مفيش مشكله انا اشتريت البتموس من كارفور من قسم الحدائق ال 3
كيلو ب 7 جنيه مصري و البتموس ميزته انه نضيف مفيهوش امراض او ديدان او اي
حاجه زي التربه العاديه فا بيكون مناسب للبلكون والمنزل




بذور جرجير

 بالنسبه للبذور من
عند العطار و رخيصه جدا جيبي ب واحد جنيه من كل نوع انتى عايزاه و لو قالك
دي مش للزراعه عادي لانهم بيبيعوها كوصفات علشان تتغلي و تتشرب -هيه
بتتزرع و هما ممكن ما يكونوش عارفين اللي بيبيعو فا قولي عايزه بذر بقدونس
و بذر جرجير


بالنسبه للجرجير
حطي التربه و فوقيها البذر و فوقها رشه تربه تاني خفيفه و بالنسبه للمياه
ضيفي الميه باي رشاش عندك فاضي ممكن رشاش ملمع زجاج فاضي اشطفيه و امليه
ميه و رشي بيه على التربه علشان لو صبيتي ميه بكوبايه البذور حتتحرك و تطفو
بس
بذور الجرجير بتطلع بسرعه و طعمه حلو اوي








بذور بقدونس





البقدونس نفس الفكره في طريقه الزراعه بس بذوره بتتأخر في التنبيت فا ما تقلقيش لانه اتاخر عندي كتير بالنسبه للجرجير














جربي الزراعه في اي علب فاضيه عندك
لما تاخدي من الزرع قصي بالمقص ما تشديش من تحت لانه المفروض تقصي الزرع و يطلع غيره
كمان خللي الزرع في حته فيها شمس كويسه

ريحان

كزبره شرحت زراعتها بموضوع سابق

ماشاء الله بجد نفسى اعمل كده بس خايفه من الفشل والحشرات كمان

ان شاء الله مش هيكون فيه حشرات
خصوصا ان المساحة صغيرة
جربى واتشجعى انا بدات امبارح وجهزت التربة امبارح على ما زوجى يجيبلى البذور ان شاء الله او انا اخرج

منى جهزتيها بنفس اللى مكتوب والا عملتى ايه

تسلم ايدكم انا نفسي من زمان اعمل كدة ان شاء الله في المستقبل القرييييييييب

ام جميلة
انا عمت التربة تربة طينية عادية وخلطها بشوية رمل
وما شاء الله الجرجير بدا يزهر

جزاك الله خيرا على موضوعك