السلام عليكم ورحمة الله وبركاته
المره دي الاكله غير كل اكله هههههههههه
طبعا الوز والبط المصري لا يعلي عليه
واخيرا حد جه من مصر وماما ربنا يخليها بعتتلي معاه وقلت لازم ااعمله واصوره لعيونكم
الاول حشيت الوزه فريك وعملت جنبها صينية رقاق باللحمه المفرومه ومحشي كرنب
والمفاجأه ان جوزي كسل يروح يجيبلي رقاق وبمنتهي الاصرار قلت مش هتنازل عن صينية رقاق بمرقة الوزه هههههههههههه
روحت عجنت عجينه صغيره وعملت الرقاق
لا استنوا اكتب التفاصيل عشان ماحدش يتهمني بالكروته
الاول الوزه
طبعا هي جايالي متنضفه يادوبك نضفتها علي السريع وغسلتها بالدقيق والملح
وتبلتها من جوه بشوية فلفل اسود
وخليت رجيليها بالشكل ده عشان تسهل علية التقفيل بعد الحشو
وفيه كمان حركه بعملها اقفل بيها فتحة الرقبه عشان الحشو مش يطلع
طبعا رقبتها طويله جداا قطعتها بالسكينه وقفلت بالجزء الي قطعته الفتحه بتاعتها
وممكن تخيطيها لو تحبي او تقفليها بخلة سنان
[ندعوك للتسجيل في المنتدى أو التعريف بنفسك لمعاينة هذه الصورة]وجبت شوية فريك وغسلتهم كويس ونقعتهم لمدة ربع ساعه
[ندعوك للتسجيل في المنتدى أو التعريف بنفسك لمعاينة هذه الصورة]وصفيتهم من المايه وجبت الكبده بتاعة الوزه وقطعتها حتت صغيره
وحطيت معلقتين زبده كبار في صينيه وعليها بصل متقطع ولما دبلت حطيت الكبد وعليها فلفل اسود وقلبت كويس
لمدة 5 دقايق وبعدين ضيفت توم مفروم حوالي 3 فصوص وبعدين حطيت الفريك وقلبت كويس اوي لحد مااتشوح كويس
حوالي 10 دقايق وبعدين طفيت وحشيت الوزه
| [ندعوك للتسجيل في المنتدى أو التعريف بنفسك لمعاينة هذه الصورة] | هذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 640x480 و بحجم 123KB. |
مليتها فريك لحد بداية الفتحه عشان لما يستوي هيكبر ويملاها كلها
وفي الاخر قفلت بالقونصه بتاعتها والرجل التانيه دخلتها تحت الرجل الاولي بالشكل ده
| [ندعوك للتسجيل في المنتدى أو التعريف بنفسك لمعاينة هذه الصورة] | هذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 640x480 و بحجم 111KB. |
وحطيت حلة الضغط علي النار مليتها مايه ولما غلت حطيت الوزه بالراحه وقشرت بصله كبيره وحطيتها معاها طبعا بصله صحيحه ولما طلعت رغوه شلتها
وبعدين حطيت اضافاتي في اي شوربه ( توم مفروم +ملح+هيل_فلفل ابيض_ورق لوري_مستكه )
وقفلتها كويس لمدة ساعه كامله وبعدين طفيت وطبعا مش قادره اوصف ريحة الشوربه مجرد ماشميتها فكرتني
بمصر وخير مصر
وبعدين دخلتها تحت الشوايه في الفرن وحمرتها من كل الجوانب
| [ندعوك للتسجيل في المنتدى أو التعريف بنفسك لمعاينة هذه الصورة] | هذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 640x480 و بحجم 124KB. |
الرقاق
هو هنا بيتباع في المنفوحه بسسسسسسس
ولما مش عرفت اجيبه عجنت مايه ورشة ملح ودقيق وعجنتهم كويس شبه عجينة الفطير وسبتها ترتاح شويه
وبعدين قسمتها حوالي 10 كور صغيرين ورشيت دقيق عيل رخامة المطبخ وفردت واحده واحده بالنشابه
طبعا برش دقيق عليها عشان مش تلزق وولعت عين البوتجاز وقلبت صينيه عليها علشان اسوي الرقاق عليقعر الصينيه وسويت واحده واحده
يعني افرد واحده واحطها علي الصينيه وافرد التانيه وطبعا اقلب الي علي النار وهكذا لحد مااستوي كله
وفردته عيل صينيه واسعه لحد مانشف شويه
وجيت صينيه دهنت قعرها زبده وفي صينيه واسعه جداا حطيت الرقاق فوق بعض وجبت سلطانيه كبيره فيها مرقه من بتاعة الوزه وسقيت الرقاقه بالمعلقه من الجنبين وحطيت اول رقاقه وبعدين رشة زبده بالمعلقه وربعدين رقاقه تانيه سقيتها بالمرقه وحطيتها في الصينيه
لحد ما وصلت لنص المقدار حطيت لحمه عصاج وكملت النص التاني وفي الاخر رشة زبده من فوق علشان التحمير
| [ندعوك للتسجيل في المنتدى أو التعريف بنفسك لمعاينة هذه الصورة] | هذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 640x480 و بحجم 109KB. |
انا عارفه هتقولوا الاكله دسمه بس هي لازم كده
وده شكلها بعد التقطيع وبرضو قطعتها بسرعه عشان جوزي كان بيستعجلني وكنت عايزه الحق اصور
| [ندعوك للتسجيل في المنتدى أو التعريف بنفسك لمعاينة هذه الصورة] | هذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 640x480 و بحجم 116KB. |
محشي الكرنب
طبعا بعد ماسلقنا الورق في مايه وهيل وورق لوري وقطعنا بالحجم المناسب عملنا الحشوه بالطريقه المصريه الاصيله
حله عيل النار وفيها زيت وبصل متقطع وتوم ولما اصفرت حطينا الصلصه او عصير الطماطم وملح وبهارات وتاخد نص تسبيك وبعدين حطينا خضره متقطعه ( كزبره وبقدونس وشبت ) ورز مصري مغسول ورشة صغيره نعناع وملح وبهراات وشطه حاميه جدااا وقلبنا تقليبتين عيل النار وطفينا
وحشيت الورق كله وقطعت في قعر الحله كرنب عشان مش يلزق او يشيط وفي الاخر قلبت عليه طبق صيني كبير وظبطت المرقه ( طبعا مرقة الوزه هههههههه ) ولما اخد غلوتين وطيت النار علي الااااااااااخر
ودي صورته بعد مااستوي
| [ندعوك للتسجيل في المنتدى أو التعريف بنفسك لمعاينة هذه الصورة] | هذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 640x480 و بحجم 122KB. |
السبت 9 أكتوبر - 15:21
