كنت عاملة في العزومة:
نبدا بسم الله
شوربة كريمة بالماشروم
محشي كرنب
محشي ورق عنب
صينيه فراخ بالبطاطس بالصوص الابيض
لحمة بالصويا صوص والفلفل الملون
كفته بطاطس
رز بالخلطة بالمكسرات والكبد والقوانص
صينيه كور البطاطس بالمايونيز
سمبوسك بالجبنه وسبرينج رولز بالماشروم
سلطة بنجر بالزبادي
سلطة خضرا او حمرا لان البنجر كان محمرها ههههههه
مخللات
العصائر:
فيمتو
قمر الدين
تانج مانجا
تمر هندي على كركديه(عناب)
الحلو:
بلح باللبن
صينيه حلويات شرقيه مشكله(هما جابوها)
تورته ايس كريم(هما جابوها)
صينيه بسبوسه بالبندق(جاهزة)
كحك وبتيفور العيد لان ده كان اخر سبت قبل العيد
اي سؤال على اي صنف انا جاهزة ولو اني مش عاملاهم كلهم (بس ده بيني وبينكوا ههههه)
الموف ده سلطة بنجر بالزبادي
بحط في الكبة علبتين زبادي وعيهم بنجراية كبيرة وملح وفلفل وفص توم واضرب
بيطلع لونه فوشيا مش مووف
بس كل الناس بيسالوا عليه وبيبقى شيك
وعلى الوش في النص حطيت بنجر خفيف بيدي لون برضه
اللحمة بالصويا صوص والفلف الملون
بحط اللحمة بتكون شرايح تخينه شوية من الانتركوت
وعليها شرايح بصل وفلفل كل الالوان وملح وفلفل وبهارات
والسر بحط شوية قرفة
واشوحهم لاية ما يادوب اللحمة تاخد لون واحط عليها شوية صويا صوص
والسر برضو في طراوتها بحط نقطتين خل
وازود ميه مناسبة واسيبها تستوي على الهادي
السبرينج رولز بالماشروم كانت جاهزة هي والسمبوسك فروزن من السوبر ماركت
الأحد 26 سبتمبر - 11:46
