[size=21]جوزي جابلي سبيط المستورد وجمبري مستورد بقشره وجمبري بلدي متقشر
الجمبري المستورد اللي بقشره نقعته وقصيت شنباته الطويله وفتحت ضهره عشان اشيل العرق وسبت راسه وعملت الخلطه بطريقة الشيف شربيني
عباره عن طماطم وبصل وكسبره وتوم وزيت زيتون وكاتشاب وزعتر وانا زودت جنزبيل لاني فرماه مع التوم وزودت كاري وشوية خل تفاح والملح طبعا وضربتهم في الخلاط وضفتهم للجمبري وسبتهم شويه
وفرشت ورق فويل على شبكة الفرن وفرشت الجمبري عليها يادوبك كام دقيقه هوه قال حوالي دقيقتين واقلب الوش التاني ويبقى استوى ومش بحطه بالخلطه عشان مايغرقش الدنيا ومايطلعش في مايه وكدا
بس كان واللهي نفس الجاهز بظبط بس مش حطيت كسبره خضرا عشان ماكنش عندي وسعره حلو اوي 48 جنيه وكبير بحجم الصباع او اكبر كمان
قطعت بصل وطماطم وفلفل اخضر والسبيط طرنشات ورشيت عليهم ملح وكاري وتوم بزنجبيل وحطيت في الطاجن طبقة طماطم وطبقة سبيط وبعين البصل والفلفل واخر طبقه طماطم ودخلتهم الفرن بس على فكره حجمه بينقص كتيرررررررررررر اكتر يمكن من النصف ليه مش عارفه
وعملت شوربة سي فود شوحت بصله بثوم وزنجبيل وبعدين جبت 5 رؤس جمبري وشوحتهم معها لانهم هما اللي بيعملو المرقه حلوه الشيف قال كدا وبعدين السبيط شوحته ثم الجمبري وسبتهم لحد ما دبلو وضفت مايه سخنه بالمقدار اللي انت عايزاه وحسب الكميه اللي عندك وسبتها تغلي شويه وبعدين ضفت الكريمه اللباني وقلبتها وطفيت ورشيت عالوش ريحان وغطيت بسرعه عشان يدي طعم
[/size]