بسم الله الرحمن الرحيم
الاكله دي بناكلها بره وبنعشقها اول مره اجربها في البيت بصراحه سهله جداا وطعمها بجد وهمممم
المقادير
قطع استيك ويستحسن تجيبيهم من الجزار تكون لحمه صغيره ويظبطها من الحته الي بيقطع منها استيك اللحم
نتبلها من قبلها بيوم
اول حاجه بطحن عليها فلفل اسود واتبلها كويس بيه وبعدين اعمل خلطة التتبيله
صوص باربيكيو +معلقتين كبار خل +ملح +بهارات +معلق توم بودره
واضيفهم علي اللحمه وابيتهم في التلاجه ليله عشان اللحم يطري
[ندعوك للتسجيل في المنتدى أو التعريف بنفسك لمعاينة هذه الصورة]تاني يوم احضر الشوايه انا عنديكهربا ولو الي علي البوتجاز بتكون احلي واسرع
ادهنها زيت واسخنها جداااااااااا ودي اهم خطوه وبعدين اشوي الاستيك عليها عشان تاخد صدمه زي مابيقولو وتاخد علامات الشوي
طبعا مش كتير هو 5 دقايق علي كل جههوبعدين انقلهم في بايركس وعليهم باقي التتبيله الي في العلبه
[ندعوك للتسجيل في المنتدى أو التعريف بنفسك لمعاينة هذه الصورة]غطيت البيركس بفويل ودخلته الفرن ساعه وكان استوي ولو حسيتي انها لسه بتشد ممكن تزودي شوية مايه لو مايتها نشفت وتسيبيها شويه
صوص المشروم
المقادير
[ندعوك للتسجيل في المنتدى أو التعريف بنفسك لمعاينة هذه الصورة]مشروم طازه او معلب حسب المتاح
كوب كريمة طبخ (( ماكانش عندي استخدمت علب قشطه وكوباي مايه وضربتهم مع بعض ادت نفس النتيجه))
بصل وتوم
زبده او سمنه او زيت زي ماتحبي
معلقتين كبار دقيق
واللمون ماستعملتوش ههههههه كنت ناويه اعمل حاجه تانيه
نقطع المشروم ونحط السمنه علي النار ونضيف عليها البصل والتوم والمشروم ولما يدبلو نضيف الدقيق
ونقلب كويس ونضيف الملح والفلفل الاسود ونضيف الكريمه ونتبلهم بالبهارات
وهنا ضيفت عليها الباقي من الصوص في الصينيه بعد ماالستيك استوي
طبعا نقلبها كو س علي النار لحد ماتاخد القوام المظبوط
وبسسسسسسسس
وعملت جنبها رز ابيض بالخضار
واحلي لو عملتي الخضار سوتيه لوحده بس انا استسهلت
وده شكل الطبق والله كانت اكله حلوه اوي وخفيفه
[ندعوك للتسجيل في المنتدى أو التعريف بنفسك لمعاينة هذه الصورة]
الجمعة 22 يوليو - 1:56
