الخيار المخلل

طريقه روشانا
طريقتى المعتمدة فى تخليل الخيار
اانا بعملة بمعدل فى الاسبوع مرة او 2 بالكتير فى علبة ازاز بتاعة المخلل الجاهز دى عارفاها اكيد فى السوبر ماركت

الخيار يكون طازة وبلدى بلاش بتاع الصوب بيتهرى اوى مش حلو

بقطع الخيار حلقات تخينة ومعاه 3 فصوص توم
(بجمع فصوص التوم الصغير اللى مش بعرف ااقشرها واخليها للتخليل اضربهم فى الكبه واحطهم على البرطمان)

عودين كرفس مقطعين(التوم والكرفس اساسي وادعيلى)
قرن فلفل حامى مقطع 4
3 معالق خل
و3 معالق ملح خشن ومية
واقفلى البرطمان وافضلى هزى فيه شوية عشان المح يدوب ودوقى المية المفروض تبقى ازيد سنة بسيطة من الملح العادى بتاعنا فى الاكل

بس واقفلى البرطمان كويس وتانى يوم افتحية ودوقى وادعيلى وحطية فى التلاجة متسيبهوش برة عشان هيعمل ريم ويبوظ

فى التلاجة بيفضل اسبوع 2 زى الفل

تسلم الايادى احلى خيار مخلل وبشهادة جوزو ودى مش اى شهادة دة الذواقه بتاع بلدهم

الحمد لله جزاكى الله خيرا يا رب دايما يعجبة اكلك

وانا كمان يا رب