طريقه عمل العيش الشامي لرانيا سبانيش

كيلو دقيق
معلقه ملح صغيره
معلقه سكر صغيره
معلقه كبيره خميره فوريه
حوالي 2 كوب ماء دافي للعجن
تلت كوب زيت
سهله جدااا نخلط كله علي بعض و نسيبها تخمر حوالي ساعتين
بعد كده قسميها كور علي الحجم اللي انتي عايزاه و افرديها بالنشابه بالشكل ده

حضري طاسه تيفال علي البوتاجاز و بعد كده حطي الرغيف الاول لمده ثانيتين لحد ما يتشمع بس

زي الصوره كده




بعد كده اول ما العيش يبداء يتنفخ اقلبيه علي الناحيه التانيه
هتلاقي الرغيف بداء يتنفخ كله زي البالونه




دلوقتي خلاص العيش استويهتلاقي الرغيف بداء يتنفخ كله زي البالونه


خلاص شيليه من الطاسه هيبدا ينزل الهوا منه متقلقيش اول ما تيجي تسخنيه تاني هتلاقيه بتفتح معاكي

انا باشيله في الفريزر و ووقت الاستخدام باسخنه في المايكروويف

بالهنا و الشفاااااااااااااااااااااااااا

يتشمع معناها ان وجه الرغيف المواجه للنار يقعد ثانيتين بالظبط و لما تقلبيه تلاقيه اخد طبقه شبيهه بالشمع فمجرد وصف لشكل الرغيف
بعد ما تعملي العجينه كور انا بافردها علي طول و احطها علي النار علي طول مبتخمرش تاني
و اي سؤال انا معاكي