عجينة فعلا فعلا زي القطنة

المقادير
٢ كوب لبن دافئ
نص كوب زيت
٢ معلقة صغيرة خميرة
معلقة صغيرة ملح
٢ معلقة كبيرة سكر
أربع كوب دقيق و أحيانا تحتاج أكتر حسب نوع الدقيق

الطريقة
نضع اللبن الدافئ و الخميرة و الملح و السكر و زيت كله على بعضو و نقلب
و بعدين نضع إتنين كوب دقيق و نقلب
و بعدين نضع باقي الدقيق بس شوي شوي و نعجن
لغاية لما نحس إن العجينة لمت في إيدينا و مش تلزق
و نتركها حوالي ساعة تخمر
و بس

ممكن تعمل بها كازا حاجة
عيش فينو -- خلية نحل‎ ‎--فطاير -- بيتزا

إمبارح عملت بها خلية نحل
بعد ما خمرت
دهنت صينية زيت
و كورت العجينة و كل كرة أحط جواها جبنا زي الكيري كدة
و روص الكور جنب بعض
و بعدين دهنت الوش صفار بيض و رشيت سمسم على الوش
و سبتها تان في الصينية لغاية لما ارتفعت شوية كمان و هي في الصينية
أخذت مني حوالي نص ساعة كمان
ده على حسب جو المطبخ بارد أو دافي
و بعدين سخنت الفرن على ٣٥٠ وسط حوالي ١٠ دقايق
و حطيت الصينية من تحت حوالي تلت ساعة تكون احمرت من تحت
أنقلها في الرف اللي من فوق لغاية لما الوش يحمر
و أطلعها و اسقيها بي شربات بارد
الصينية حوالي كوب أو كوب و نص شربات على حسب حجمها
و بس


اللبن الدافئ ممكن بدل منو الزبادي أنا عملت كدة إمبارح
عملتها بي زبادي

و أخيرا يا ريت تجربوها ل أنها فعلا حلوة و سهلا

[ندعوك للتسجيل في المنتدى أو التعريف بنفسك لمعاينة هذا الرابط]

فيميل ماشاء الله

ايش الحركاات هذي

تجنن تسلم ايدياتك

بس لو سمحتي اقلبي الدنيا على قالب الهارت

ولو مالقييتي اعملي من القصدير قالب على شكله

علشان خاطر البنوته الجميله

ماشاء الله يا فيميل العجينه من جوه فعلا شكلها تحفه ان شاء الله اجرب مقاديرك المره الجايه

ما شاء الله تسلم ايديكى تحفنننننن

بسم الله ما شاء الله

تحفة..

تسلم ايدك وبإنتظار المزيد من الأبداعات المخفية

ما شاء الله يا فيميل ان شاء الله اجربها

ماشاء الله تبارك الله سلم ايديك

كوووووول ده عشان تقولى ان العجينه هى اللى حلوة
لا يا ستى الرك على اللى عاجن العجينه
تسلم الايادى

ما شاء الله يافيميل جميله جميله بجد تسلم الايادي ياجميل

ملاحظات

هو من كتر التجارب تقريبا كل العجين زي بعض
مع إختلاف تكنيك العجن نفسو
بس أنا بقيت مثبتة مقادير
يعني كوب سائل إعملي عليه إتنين كوب دقيق
ممكن يزيد شوية على حسب نوع الدقيق
يعني لمقادير اللي أنا كنت كتبها
كتبت أربع كوب دقيق و ممكن يزيد تواصل ل خمسة مثلا حسب نوع الدقيق
و عليهم إتنين كوب سائل
السائل يكون لبن ماشي
زبادي شغال
مايا شغال برضو على فكرة عادي
طيب ما هي عجينة العشر دقايق مفهاش لبن خالص و شغالة
مع إختلاف تكنيك العجن
أنا حكيت كتير معليش
اللي عايزة أوصله إنك لما تحب تعمل نص المقدار مثلا
تعمل كوب سائل على ٢ دقيق و ممكن كمان تاخد نص دقيق كمان

تكنيك العجن ده صراحة أنا ريحني أوي و بزبط معايا
و هو إني أحط كل السوائل مع بعض و بعدين نص الدقيق
و أعمل النص التاني شوية شوي لغاية لما تلم
علشان أنا بعجين بي إيدي النظام دي بي يكون خفيف على إيدي

و تكوني شاطرة جدا إنك تنخلي الدقيق قبل الاستعمال يبقى برافو عليك
في أي حاجة كل ما تنخلي الدقيق يدي نتيجة رائعة و هشا

عارفة مقادير شمس اللي في الأصل أيه
2كوب مايا على لبن بودرة مش فاكرة أد أيه

أنا عادة مش بشتري لبن بودرة
علشان كدة خالتها لبن سائل دافئ
يعني إنت فعلا تحاولي على حسب الموجود عندك في البيت