لانجى
عندي ليكم يا بنات شويه نصايح لولادكم بجد لاااااازم تعلموهملهم
اولا::لازم الطفل من يوم ما يبدا ياكل يتعلم ان في مكان محدد للاكل
مفيش حاجه اسمها يمسك الاكل و يتمشى و يلعب بيه و يفتفت و يرمي و يتف
في مكان للاكل مش عايز ياكل خلااااااص
بس مره في مره هيلتزم بميعاد و مكان الاكل
و ده مش هيعرضك لاحراج ادام اي حد لان ممكن يحصل اي ظروف و تضطروا تسيبوا ولادكم عند حد
ثانيا::::لااااااااااااازم الطفل لما يروح لحد يتعلم يلم اللعب اللي بهدلها مينفعش الطفل المضيف يتحمل العبا كله
دي نقطه قمه في الاهميه والله و بتخلي الطفل يحترم الاخرين و يحترم ممتلكاتهم
ثالثاااا:::::
لازم تعلموا الطفل من بدري يعتمد على نفسه في الحمام
يعني
من سن اربع سنين لازم يتعلم يشطف نفسه و يغسل ايده و يستخدم ورق التواليت
لاااااااازم عشان محدش ينفع يتحمل اطفال الاخرين في النقطه دي
رابعا::::
المفروض اني قبل ما اروح لحد و معايا اطفال ابقى مغديه ولادي و مشبعاهم كويس
مينفعش اسيب ولادي للساعه 9 ليلا من غير غداء عشان بجد بيبقى موقف قمه في الاحراج
خامسا :::::
اهم نقطه على الاطلاق ان الام تكون هي القدوه مينفعش ابقى انا الام و اروح للناس اكل عندهم و افرفت في كل حته و الاكل يقع على الارض و اسيبه
يبقى هعلم ابني ايييييييه بقى؟؟؟
الأربعاء 1 ديسمبر - 3:34
