طاجن بطاطس باللحمه والخضار روووووعه والطعم خطير

[ندعوك للتسجيل في المنتدى أو التعريف بنفسك لمعاينة هذه الصورة]






الطريقه دي واحده من افتكاساتي المطبخيه ويارب تعجبكم
واجمل حاجه انها سريعه مووووووووووووت
يعني تنفع لو مزنوقه ومافيش وقت

وهتشوفوا انها مغذيه جداا وطعمها حلو في نفس الوقت
وممكن تعمليها صنف لوحده وجنبها سلطه ومخلل وعيش وبسسسسسسسسس

طيب ندخل علي الوصفه
شوفوا الصوره الاول

[ندعوك للتسجيل في المنتدى أو التعريف بنفسك لمعاينة هذه الصورة]

هذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 548x411 و بحجم 116KB.

المقادير
2 ثمرة بطاطس مسلوقه
معلقتين زبده
ربع كوب حليب

لحمه عصاج ( طبعا علي طول عندي في الفريزر جاهزه )
خضار مشكل ( وياريت يكون نوع حلو من ايل بيستوي بسرعه انا بجيب بسمه حلو اوي
بصله متقطعه صغير اوي
ملح وفلفل وبهارات
جبنه موتزاريللا



الطريقه
[ندعوك للتسجيل في المنتدى أو التعريف بنفسك لمعاينة هذه الصورة]


ندبل البصله مع معلقتين زيت ونضيف الخضار ونشوحه شويه وبعدين نضيف اللحمه وممكن نزود معلقتين مايه لو الخضار بتاعك مااستواش
وطبعا ملح وبهارات
ولما تنشف مايتها نطفي النار

نهرس البطاطس مع الزبده كويس ونضيف الحليب والملح والفلفل والبهارات

[ندعوك للتسجيل في المنتدى أو التعريف بنفسك لمعاينة هذه الصورة]

هذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 548x411 و بحجم 123KB.

نجيب البيركس ونحط نص مقدار البطاطس وبعدين خلطة الخضار وبعدين النص التاني
وعلي الوش جبنه موتزاريللا

[ندعوك للتسجيل في المنتدى أو التعريف بنفسك لمعاينة هذه الصورة]

هذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 548x411 و بحجم 116KB.

وندخلها فرن سخن بس ربع ساعه
لحد ماالجبنه تسيح وتاخد لون حلو
وبالف عافيه

[ندعوك للتسجيل في المنتدى أو التعريف بنفسك لمعاينة هذه الصورة]

هذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 548x411 و بحجم 116KB.

وماتنسوش تدعولي بتيسير الحال

روعة يا بوبوش

تسلم الايادى

اية الحاجات الحلوة دى

بالهنا والشفا

تحفففففففففففففففففففة
ان شاء الله اعملها قريب

بس انا قرفانة اليومين دول من البطاطس ريحتها بودرة

حسبي الله ونعم الوكيل

بسم الله ما شاء الله يا هبة..

روووووووعة

انا اعمله بس من غير خضار ان شاء الله نجرب طريقتك يا حلوة..

تسلم ايديك

ام يوسف ماشاء الله جميله

وجربيها بالدجااج والجزر المبشور

تحفه وخفيفه

تسلم ايدك

روعه يام يوف
يعنى طبقه بطاطس وطبقه خضار وطبقه لحمه وطلقه بطاطس طيب احنا مش بنحب الموتزرلا ايه البديل

عملتها النهاردة ياهبة

بس لحم بدون الخضار

ام البنات المصريه كتب:

روعه يام يوف
يعنى طبقه بطاطس وطبقه خضار وطبقه لحمه وطلقه بطاطس طيب احنا مش بنحب الموتزرلا ايه البديل

تمام ياقمر ممكن تقلبي الخضار مع اللحمه علي النا رعشان ياخد الطعم
وبديل الوتزاريللا جبنه شيدر او رومي بس خلي بالك تظبطي الملح عشان الرومي حادقه اوي

ام مريومه بالف هنا ياقمر
انا عملتها امبارح وماشاء الله اكلنا منها في العشا كمان مع زتون مخلل كانت تحفه