زوجى شرقى جنوبى أو تقليدى
تزوجته عن حب و كان علاقتنا ممتازة و أنجبنا 3أطفال و منذ سنتين أو تلاته تقريباً و بعد مشاحنات الحياة و مشاكلها تغير معى تماماً ليس فى العلاقة الحميمة أو فى الحياة العادية و لكن أحسست أننى لست اﻷولى فى نظره يعنى بدأ يلفت نظره البنات و خاصة صغار السن و أى واحدة ملفته لﻷنتباه بقت بتلفت نظره مع انه مكنش كده خالص بالعكس كنت بحس أنى ماليه عينه جداً و مش بيشوف ستات غيرى على اﻷرض و بدأ يقول بطريقه غير مباشرة أنه حس بالتشبع من تجاهى و طبعاً أنا مش متقبله تغييره ده خالص مع العلم إنى شماليه جنوبيه أو متطرفه و بدأت أبقى عصبيه جداً و أغلط و أعمل أشياء كتير خارجه عن إرادتى و أندم عليها و هوا هادى جداً و مش بيغلط و لو غلط بيبقى رد فعل لكلام أنا قولته و بقالنا سنى تقريبا أو أقل شوية مستقريين نفسياً أو بمعنى أصح من وقت ما حملت بأبنى اﻷخير و لغاية دلوقتى و هوا عنده أربع شهور و لظروف الحياة أضطر أنه يسافر للعمل بالخارج مع أقارب لى و من وقت ما سافر تغير معى تماما بقى كل سؤاله منحصر على اﻷولاد و بيكلمنى أنا تحصيل حاصل مش أكتر و أنشغل عنى تماماً بالخروج و الفسح بعد الشغل و فى أيام العطلات مع أقاربى هناك و تقريباً نسانى خالص و علشان أرجعه يتعامل معايا كويس تانى حاولت أتكلم معاه كويس و أضغط على أعصابى بس لقيته زى ما هوا و بعد كده أضطريت أقوله أنه لازم يرجع علشان يربى معايا اﻷولاد ﻷنى مش قادرة أربيهم لوحدى و صممت على كلامى بعد كده رجع يكلمنى كويس تانى بس أعتقد أنه مش رجع تانى علشانى أو علشان بيحبنى بيتهيألى هوا رجع علشان مايرجعش من السفر و كمان علشان البيت و اﻷولاد.. المهم ان انا حسه إنى خسرته و مبقتش عارفه أتعامل معاه خالص و حسه إنى كل يوم بتدمر أكتر نفسى يرجع يحبنى و هوا دلوقتى بيقولى لنه بيحبنى و أنى واحشاه بس تصرفاته بتقول غير كده تماماً محتاجه حد يدلنى أعمل إيه؟؟
الثلاثاء 27 نوفمبر - 9:10
