لكل بنت
الغرض من الأجهزة دي مش اننا نشتريها كلها لكن العلم بيها كويس في حاجات فيها مهمة لناس و في حاجات رفاهية ملهاش اي تلاتين لازمة
انا بعشق التكنولوجيا من كل قلبي بس برضه العقل حلو
بعيد عن الأجهزة الأساسية في أغلب البيوت زي : التلاجة - الغسالة - البوتاجاز بالفرن - التلفزيون - الريسيفر - الكومبيوتر
نبدأ بسم الله :
ماكينة القهوة :
دي فيها منها أنواع كتير
اللي بتبقى براد بس بتبقى أرخص كتير بداية من 150 جنيه
اللي فيها الدراع بتاع البخار اللي بيعمل وش النسكافية اغلى كتير اقل سعر ليها في مصر الدلونجي delonghi ب 450 جنيه و لغاية الالاف
التوستر:
في أنواع كتير بس بما أن الموضوع عن الرفاهية فأنا هقترح النوع ده :
ده تقريبا بيبدأ من 300 و في منه اللي بيعمل العيش التوست أشكال ميكي ماوس و كدة علشان الأطفال
و نوع أخر من التوستر معروف عندنا
الساندوتش ميكر sandwich maker
ده بيدأ من 150 جنيه في بعض الانواع
الوافل ميكر : waffle maker
موجودة في مركاتو ب380 جنيه
و في بقى الجهاز اللي انا جيبته : توستر و ساندوتش ميكر و وافل ميكر ب 180 جنيه كينوود هو فيه 3 شرائح واحد بيعمل ساندوتشات مثلثات و واحد شواية ( مشغله توستر ) و واحد وافل ميكر ( مش لاقية صورة ليه)
ماكينة تسوية الأرز : rice cooker
دي منها أنواع و مقاسات كتيرة ارخص حاجة ب180 تقريبا
ماكينة تسوية الخضار بالبخار : steam cooker
ب550 جنيه الفيليبس و في مولينكس تقريبا اقل شوية
حلة التسوية البطيئة : slow cooker
الكينوود بحوالي 400 كدة و دي مش حلة الضغط بتاعت البخار
حلة القلي deep fryer
و دي في منها نوعين
النوع الاول :
بداية من 150 جنيه البرستيج و نصيحة بس علشان ماما شبطت فيها لما شافتها في برامج الطبخ لو ناويين خلاص تشتروها اشتروا اصغر مقاس لانها بتاخد زيت بالعبييييييط
النوع التاني actifry
القلي الصحي بتاعت شركة تيفال
دي النوع البرستيج منها ب 750 و بتاعت تيفال ب900 باين
نكمل بقى بمجموعة أجمد و أجمد
فرن البيتزا : pizza maker
فرن الكب كيك cup cake maker
جهاز تسوية البيض المسلوق بالبخار egg cooker
فرن البراونيز brownie maker
فرن العيش التوست : bread maker
جهاز عمل الكريب crepe maker
ماكينة العصير juice extractor
دي مش خلاط دي بتعصر الفاكهة زي عصير المعلب بدون بزر او شوائب بتطلعه عصير صافي
فتاحة علب can oppener
كهرباء مش يدوي
الجهاز الفقيع اللي حصل على اكبر قدر من التريقة :
جهاز النقع marinator
ده بيتبل الفراخ و اللحمة و كدة
ده على فكرة ب500 جنيه و موجود في هوم سنتر للي عايز تتفرج عليه في المتحف بس
ماكينة الصودا المنزلية soda maker
بحوالي 500 تقريبا شفتها في مركاتو و مقدرتش امسك نفسي من الضحك
أنتظروا الجزء الثاني
الأربعاء 21 سبتمبر - 13:18
