فراخ مشويه ولا اجدع مطعم مشويات وتعالي واحكمي بنفسك

بسم الله الرحمن الرحيم



بلا اي مقدمات





انهارده جربت فراخ مشويه لمنال العالم

اقل ماتوصف به انها رهيييييييييييبه



بجد يابنات جربوها ومش هتندمو شوي في الفرن ولا احسن باربيكيو كمان







المقادير





فراخ كبيره شويه كيلو او اكتر ننضفها ونغسلها كويس ونسيب الجلد ونقلبها عيل بطنها ونشيل العضمه بتاعة الضهر

ولو مابتعرفيش خلاص افتحيها من الضهر بس



4 فصوص توم

معلقة برش لمون

معلقة صغيره زعفران ولو مافيش مش مشكله

عود بصل اخضر

4 معالق زيت زتون

معلقة صغيره بابريكا

معلقة بهارات. نص معلقة بوردة زعفران او صبغة عيش

معلقة فلفل اسود

كوب كزبره خضره مفروم ( انا عملتها من غيره )

ربع كوب عصير لمون

ملح



الطريقه بعد مافتحنا الدجاجه من الضهر وخلطنا التتبيله علي بعض ننقعها فيها حوالي ساعتين او لا مش مهم



نجيب صينيه عيل النار وفيها معلقة زيت ونسخنها جدااااااااااااا

ونحط الفرخه علي بطنها عشان تاخد لون احمر غامق



بالشكل ده





[ندعوك للتسجيل في المنتدى أو التعريف بنفسك لمعاينة هذه الصورة]





وبعد حوايل 5 دقايق عيل النار العاليه نقلبها ونحط تقل عليها عشان تاخد لون علي الناحيه التانيه

انا مش عندي تقل حطيت طواجن زي دي فوق بعض ههههههه ( الجيش قالك اتصرف )



[ندعوك للتسجيل في المنتدى أو التعريف بنفسك لمعاينة هذه الصورة]



وبعدين نرص فيها ترنشات لمون وندخلها الفرن





[ندعوك للتسجيل في المنتدى أو التعريف بنفسك لمعاينة هذه الصورة]





وحبيت ازود عليها خضار ودي افتكاسه من عندي

قطعت بتنجان وفلفل وجزر وقلبته في التتبيله بتاعة الفراخ وعليهم رشة زعتر وملح





[ندعوك للتسجيل في المنتدى أو التعريف بنفسك لمعاينة هذه الصورة]





بعد ربع ساعه بعد مادخلنا الفراخ نحط حواليها ونسيبها ساعه الا ربع كمان



وبالف عافيه كلي وادعيلي







[ندعوك للتسجيل في المنتدى أو التعريف بنفسك لمعاينة هذه الصورة]





صوره اقرب





[ندعوك للتسجيل في المنتدى أو التعريف بنفسك لمعاينة هذه الصورة]





هاه مين ياكل



[ندعوك للتسجيل في المنتدى أو التعريف بنفسك لمعاينة هذه الصورة]