تورتة عيد ميلاد محمد

اخواتى وحبيباتى بنات السرب
وحشتونىىىىىىىىىىىىىىىىىىىىىىىىىىىىىىىىىىىىىىىىىى ادددددددددددددددددددددددد كده
يارب تكونوا جميعا بخير وفى احسن حال
النهاردة جيبالكم تورتة بسيطة خالص عملتها لمحمد بمناسبة عيد ميلاده
الصراحة انا ماباعملش اعياد ميلاد بس حبيت اشجعه شوية لانه كان اول يوم فى امتحاناته



المقادير

2كوب دقيق+م ص مليانة بيكنج بودر
كوب الا ربع سكر
4بيضة+فانيليا
3م ك زيت
نصف كوب ماء دافى
م ك ممسوحة محسن كيك(جل)

للحشو والتغطية
5 م ك مليانة ايس كريم شيكولاتة بودر
2م ك مليانة كريم شانتية
اقل من نصف كوب حليب او ماء +2م ك حليب بودرة
صوص شيكولاتة
كريز

الطريقة
هنضيف كل المقادير على بعضها
اللى هى السكر والبيض والماية وتكون دافية والفانيليا ومحسن الكيك والزيت كله فى المضرب لمدة 5دقايق
لحد ما تتقل وتملى الطبق




نهدى السرعة ونضيف الدقيق والبودر ونضرب كمان 5دقايق


ندهن صينية مقاس 24 بالزيت ونبطنها بورق الزبدة




وندخلها فرن سخن
وده شكلها بعد ما طلعت ماشاء الله عالية وهشة
ده شكل كريمة الحشو والتغطية


بنسيبها تبرد وتهدا خالص ونقطعها ونزوقها
انا سقيتها بمربى فراولة مخففة بالماء
وجهزت الحشو بضرب المكونات كلها بالمضرب حتى تتماسك ونحشى بين الطبقات ونغلفها كلها بالكريمة
وندخلها التلاجة تتماسك وبعدين نصب عليها صوص الشيكولاتة
الصوص اللى عملته عبارة عن 2م حليب وم زيت سخنتهم وقطعة شيكولاتة خام تسيح فيهم
وزينتها بالكريمة والكريز








اتمنى تعجبكم

ما شاء الله يا ام حازم جايه فى وقتها
وكل سنه ومحمد طيب وفرحانه بيه

روعهههههههكل سنه وانتم بخير
نفسى اعرف المحسن بيتباع فين؟

ما شاء الله تحفة
يا ام حازم
وكل سنة ومحمد بخير

ربنا يخليكم ليا يااحلى بنات
وتسلمولى يارب

لمياء
محسن الكيك موجود عند المحلات اللى بتبيع مستلزمات الحلوانية وعند العطارين الكبار

ما شاء الله عليكي ياام حازم تسلم الايادي