مواضيع للتوفير

الدنيا ولعت والاسعار بقت نار.....هنعمل اية؟؟
http://forum.hawaaworld.com/showthread.php?t=1177050



الدنيا ولعت والاسعار بقت نار.....هنعمل اية؟؟
http://forum.hawaaworld.com/showthread.php?t=1177050

الموضوع ده انا كنت متابعاة من اول جزء فيه صرخة فى وجه الغلاء
واستفدت منه كتير وغير شوية من تفكيرىوده تلخيص ليه حلو جدا ما قل ودل
http://forums.fatakat.com/thread183182
http://forums.fatakat.com/thread98955

ودول كويسين برضه
http://forums.fatakat.com/thread938060
http://forums.fatakat.com/thread1073917


اهم حاجة متنسيش ماهما كان دخلك قليل لازم تطلعى منه صدقة كل شهر عشان ربنا يبارك فيه ان شاء الله


+
----
-
وده كمان عن التوفير والميزانية
http://forums.fatakat.com/thread1462276

حلوين يا مادو

مبدأيا ممكن تستغنى عن البلسم اصلا مضر للشعر واكتفى بالكريم

وكمان منظف الزجاج ممكن استبدالة بمية وخل وامسحى بورق جرايد

روشانا


ام خالد

سما بالنسبة لمصروف البيت
واحتياجاته
انا قعدت كام شهر احسب واكتب واشيل واحط لغاية ما توصلت على جدول للأحتياجات مريحنى
يمكن تستفيدوا منه حاجة
طبعا انا بعمل سنتدوتشات كل يوم لزوجى ولخالد

الشهر اربع اسابيع

بقسم الأسبوع
يومين دجاج
ويوم واحد لحمة بعمل نصف كيلو
ويوم سمك وجمبرى
ويومين اى حاجة (ارز بالعدس الأصفر وبيض/ كشري / تونة / مسقعة / مكرونة بالتونة / فتة باذنجان بالحمص ....
)
ويوم كبدة بقرى
بعمل نصف كيلو


الحاجات بجبها بالشهر

2 كرتون بيض
1 كرتون شاى 100 فتلة
علبة نسكافيه ودى بتقعد شهور
علبة حليب بودة وبرضه بتقعد بالشهور بستعملها بس للحلويات
1 كيلو جبن ابيض
2علبة جبن نستو حجم عائلى
1 كيلو حلاوة
3 برطمان مربى


باقى الجبن بجيب منها زى الرومى والفلمنك بس لما يكون عليها عرض
اللانشون مش بجيبه
ولا البرجر ولا النجت
الحليب والزبادى والعيش بجيبه بالأسبوع

الخضار والفواكه بجيب بالأسبوع
2 كيلو طماطم
2 كيلو خيار
ونوعين فاكهة وساعات 3 انواع
وبجيب انواع الخضار اللى هعملها فى الأسبوع
وعادتا بيكون نازل عليها عرض فى السوبر ماركت

اللحوم
اللحمة 2 كيلو 1مفروم و1صحيح
كل اسبوع نصف كيلو

6 دجاج
2 كيلو صدور
وكبد دجاج 1 كيلو

2 كيلو كبدة بقري

3سمك 1جمبري


الأرز
5 كيلو ارز مصرى
5 كيلو ارز بسمتى

البقوليات
كيلو فول بدمسه
وكيلو فول مدشوش بعمله كعمية
وكيلو من كل من عدس اصفر وعدس بجبة وفريك وحمص
وذرة فشار

و4 اكياس مكرونة فى الشهر بعمل كيس فى الإسبوع
وكيسين لسان عصفور وكيسين شعرية

طبعا البقول والأرز البسمتى بيقعد اكثر من شهر
وبحاول اجيب الحاجات فى عروض السوبر ماركت

الزيت
انا بطبخ بدوار الشمس بجيب زجاجة 2 ليتر
وزجاجاة كمان للقلية 2 ليتر
وزجاجة زيت زيتون ليتر

السكر بجيب الشكارة ال10 كيلو بتقعد كتير اوى يمكن 5 شهور
لاني بشرب بدون سكر
والولاد بحللهم الحليب بالعسل الأبيض
مفيش إلا زوجى بيشرب 3 ملاعق
والحلويات فقط



تعبت هكمل فى المشاركة الجاية ههه

+
----
-
مسحوق الغسيل
مش فاكرة الكيس 3 او 4 كيلو للشهر وبيفيض
بس انا بجيب الحجم الكبير وبيكون عليه تخفيض بيبقى 6 او 8 كيلو
بيقعد 3 شهور مثلا

المنظفات
صابون المواعين والصابون السائل للأيدى والصابون العادى
ورق الفويل والكلور بالستيك شفاف
اكياس للثلاجة العملاق الأخضر
بجبهم من محل منظفات للشهر كله
واسعاره كويسة

طبعا عشان التغيير فى الأكل
ساعات اجيب سمان او بوفتيك او اى حاجى كتغير فى اكل الشهر
يعنى مثلا كل شهر اجيب حاجة مختلفة

ايه تانى

طبعا باقى الدجاج او اللحمة بشيله فى الثلاجة وممكن اطلعه اعمل بيه اكلة ليوم

واى سؤال انا فى الخدمة

ورده مفتحه

اكتر حاجه بحسها بتاخد فلوس هي الاجبان في ناس بتحيب تجيب انواع اجبان كتير زي الريكفور الموزريلا او الجبن المدخنه
دي طبعا بتصرف عليها فلوس كتير و انواع اللنشونات
انا رايي تقللي فيهم علي اد ما تقدري

تجيبي لحمه مفرومه هتوفر معاكي
هاتي اللحمه من عند جزار مضمون و اسعاره كويسه طبعا اللحمه ف السوبر ماركت بتكون غاليه جدا يعني ب 70 الكيلو و اكتر اما الجزار لا
و الفراخ كمان

اكتر حاجه بقي بحسها بتظبط عندي الميزانيه جدول الطبيخ بتاع الشهر ببقي عارفه انا عاوزه ايه و اجيب علي قده بجد بيفرق جدا الشهر اللي اعملش فيه الجدول الشهر بيبوظ عندي
مش برمي حاجه طبعا غير نادر
الرز او المكرونه كله مش برمي
حتي لو سنتوفه لحمه اتبقت بضربها ف الكبه مع شويه جبنه شيدر و اعملهم مع بيض مقلي
لو المبلغ اللي بتقولي عليه اكل و شرب بسسسسسسس من غير بامبرز و لا فواتير ممكن توفري نصه
اللبن هاتي السايب و للشاي باللبن او النسكافيه باللبن هاتي بخيره الالبان التانيه متهيال اغلي
و في لبن اسمه صباحو بردوه سعره حلو
حتي الاجبان اللي تتبقي ممكن تعمليهم مع فطيره او تخلطيهم مع بعض و معاهم حبه البركه و بنجر مبشور و جزر مبشور و زيت زيتون
تجيبي الخضار الرخيصه و تخزنيها و تطلعي منها للاستخدام لما تبقي غاليه
متشتريش المجمدات بتبقي غاليه جدا
هاتيه من بتاع الخضرا و لو عندك وقت نضفيهم ف البيت معندكيش اديهم لمرات البواب او لبتاعت الخضار ينضفوهم لك
طبعا الخضار ف السوبر ماركت بردوه بيكون اغلي بكتيرررررررررررر
و طبعا في عروض علي العصير و الشوكولاتات لو بتحبوها و بالنسبه لكم اساسيه هاتوا من العروض

و الزبادي هاتي جهينه ميكس او من عند بتاع اللبن العاديه لو بتحبوها
الرز باللبن و المهلبيه تعمليهم ف البيت
انا بعمل المربي ف البيت مضمونه و موفره
و كمان التونه بيتعمل عليها عروض كتير