[ندعوك للتسجيل في المنتدى أو التعريف بنفسك لمعاينة هذه الصورة]صنف لذيذ وسهل ومغذى والولاد بيحبوه
المقادير والطريقة مع بعض
كوب لبن وبيضة وفانيليا و3م ك سكر كله فى بولة وضربتهم بالمضرب اليدوى
م ك زبدة سيحتها وحطيتها على الخليط وتفاحة مبشورة ونخلت كوب ونصف دقيق و م ص بيكنج بودروقلبت كله بالمضرب وبعدين سيبت الخليط يريح شوية
ممكن نحط كل المكونات مع بعض فى الخلاط ماعدا التفاح ونخلط حوالى دقيقتين وبعدين نضيف التفاح ونسيبها تريح شوية
[ندعوك للتسجيل في المنتدى أو التعريف بنفسك لمعاينة هذه الصورة]جبت طاسة تيفال ودهنتها زيت خفيف وسخنتها كويس
وابتديت اعمل اقراص بنملى كبشة بالخليط ونصبه على الطاسة بيكون حجمها اكبر من القطايف واول ماتظهر فقاقيع نقلبها على الناحية التانية مابتاخدش وقت
الكمية دى بتعمل حوالى 9 اقراص
حطيت على شوية سكر بودرة وشوية عسل وقشطة وشوية مربى وقشطة وممكن نوتيلا او صوص فراولة كل واحد حسب رغبته
[ندعوك للتسجيل في المنتدى أو التعريف بنفسك لمعاينة هذه الصورة] 
الأربعاء 6 أبريل - 2:34
