القرص الطرية بالقشطة الفلاحى

اخواتى الحمامات
ازيكم جميعا
ان شاء الله تكونوا بخير

النهاردة جايبة لكم طريقة عمل القرص الطرية بالقشطة الفلاحى حاجة كده اخر جمال لو جربتوها هتعجبكم وتعجب اولادكم وازواجكم
هتقولوا ايه الثقة دى كلها هاقوللكم والله ولادى وجوزى بياكلوها من الصينية وهى سخنة مولعة
[ندعوك للتسجيل في المنتدى أو التعريف بنفسك لمعاينة هذه الصورة]
المقادير
كيلو دقيق
كوب سمن
نصف كوب قشطة
2كوب حليب
كيس خميرة فورية
م ك بيكنج بودر
فانيليا
م ك سكر
رشة ملح

الطريقة

الحليب والسكر والقشطة والسمن كله على النار يدوب يسخن حاجة بسيطة والسمن يسيح
ونضيف الفانيليا
وبعدين الخميرة بس نتاكد ان الخليط دافى عشان الخميرة تشتغل ونسيب الخليط 10 دقايق
نخلط الدقيق والبودر والملح ونضيفه لخليط الحليب ونعجن كله مع بعض حتى تتكون عجينة متماسكة
ونغطيها ونسيبها تخمر
وبعد ماتخمر نشكلها وممكن نحشيها عجوة او مربى او شيكولاتة او جبنة حسب الرغبة او نسيبها من غير حشو ووقت الاكل نفتحها من النصف بس مش للاخر ونحشيها
انا باعملها سادة وباحبها كدة جنب الشاى وجوزى والولاد كل واحد حسب رغبته اللى بيحب الجبنة واللى بيحب العسل والقشطة والنوتيلا زى ماقلت وقت الاكل بافتحها واحشيها
بعد التشكيل بنسيبها ترتاح شوية وبعدين نخبزها فى فرن ساخن
ده شكل العجينة
[ندعوك للتسجيل في المنتدى أو التعريف بنفسك لمعاينة هذه الصورة]

وهنا بعد ماخمرت
[ندعوك للتسجيل في المنتدى أو التعريف بنفسك لمعاينة هذه الصورة]

وهنا شكلتها
[ندعوك للتسجيل في المنتدى أو التعريف بنفسك لمعاينة هذه الصورة]

بعد ماخرجت من الفرن حطيتها فى علبة
[ندعوك للتسجيل في المنتدى أو التعريف بنفسك لمعاينة هذه الصورة]

وهنا غطيتها بفوطة لحد ماتهدا وتبرد وبعدين نغطيها بالغطاء
[ندعوك للتسجيل في المنتدى أو التعريف بنفسك لمعاينة هذه الصورة]

ممكن نحتفظ بيها فى الفريزر ونطلعها قبل الاكل تفك حوالى ربع ساعة او نحطها ثوانى فى الميكرويف وبتبقى كانها لسة معمولة

اتمنى تعجبكم وتجربوها

ما شاء الله
انا بحب الفطار ده اوى يا ام حازم
تسلم ايدك
شيميهالى عشان بحب ريحتها اوىىىىىىىى ههههه

ما شاء الله جميلة
تسلم ايديكى يا ام حازم

ما شاء الله

ربنا يحرم ايديك وجسدك كله على النار

تسلمي يا احلى خيبرة في المعجنات

ما شاء الله تبارك الله

الله اكبر عليكي

ماشاء الله

ام حازم رووعه شكلها

بس هي طعمها قريب للخبز والا ايش

وباكو خميره حوالي كاام

الله يسلم هلايدين

الف شكر ليكم يااحلى بنات على مروركم وردودكم الجميلة زيكم
ربنا يبارك فيكم ويجازيكم كل خير يارب

مها كتب:

ام حازم انا حماتي الله يرحمها كانت بتعملها برضه بالقشطه وتحفه ماشاء الله بس سؤال هي تنفع تتعمل بالقشطه بس ولا لازم سمنه وتقصدي بالقشطه الفلاحي قشطه اللبن ولا قشطه مخصوص
جايه من الارياف والبلاد لان اظن البيوت كلها في مصر فيها قشطه اللبن وجزاكي الله خيرا دوما مبدعه
وربنا يطعمكم من ثمار الجنه .

ربنا يغفر لحماتك ويرحمها
بصى ياقمر انا ماعملتهاش ابدا بالقشطة لوحدها بس اعتقد انها هتبقى جميلة واحلى
وعموما هاجرب مرة ان شاء الله وارد عليكى بس بيتهيالى كده انها هتحتاج كوبايتين قشطة
انا اوقات باعملها بقشطة اللبن وكتير بالقشطة الفلاحى لان بنت خالة جوزى فى الارياف وبتبعت لنا كل فترة اللبن والجبنة القريش والقشطة وانا باشيلها فى الفريزر واستخدمها فى القرص وممكن الباشميل
بتبقى حلوة اوى

ام عبودي كتب:

ام حازم رووعه شكلها

بس هي طعمها قريب للخبز والا ايش

وباكو خميره حوالي كاام

الله يسلم هلايدين

ام عبودى حبيبتى تسلمى لى يارب
هى طعمها مش قريب للخبز احلى بكتير حتى وهى سادة من غير حشو
باكو الخميرة حوالى واحد ونصف معلقة كبيرة

راااااااائعة ما شاء الله

ان شاء الله اجربها

بس مش بتطى عليها ينسون ولا حبة بركة ولا محلب؟؟؟

ام حازم تسلميلي من كل شر

باذن الله اجربها واقولك

لان حتى مهمهه تمدحها كثير

وشفت شيف بس نسيت اسمه عاملها وشكلها تحفه