اهم احتياجات العروسه من خبراتنا

بسم الله الرحمن الرحيم

نبدا بحاجات المطبخ

راى عطر الشموع

انا رايي بما اني بقى لي ست سنين بس عروسه يعني ههههههههه
انك تقللي اد ما تقدري
يعني طقم ستانليس و طقم تيفال بسسسسس
طقمين كاسات كريستال
و طقم للاستعمال اليومي
طقم صيني للضيوف و عدد قطعه قليله مش كتير على الفاضي
و طقم ستات للاستعمال اليومي
طقم شوك و سكاكين للضيوف و طقم صغير للاستعمال اليومي
طقم خشاف كريستال و بس
و الباقي تخاطيف يعني تزودي طاسه هنا تزودي كوبايات هناك
مثلا طقم ماجات عاجبها زياده على الكلام دا

لان والله انا كان جايلي اعداد مهووله و اساسا ملقيتش لهم استخدام
و كانت فلوس على الفاضي ووزعت اغلب الحاجات دي و مسيبتش غير اللي
فعلا بستعمله
يعني حرررام الكتره على الفاضي
و مبقاش حد بيحط كريستال في النيش خلاص لان اساسا اغلب الناس
مش بتجيب نييش دلوقتي
و رايي تفتحي موضوع تجهيز العروسه و كل حد يقوللك افكار و انت تجيبي اجنده تكتبي فيها بقى الاساسيات و كل ما تشتري حاجه علمي عليها
بس باماااااااااااااااانه شديده متكتريشششششششششششششش

http://www.shabab100100.com/shabab/showthread.php?t=10917

دى لسته بكل الاحتياجات
http://forums.fatakat.com/thread211674
ودى واحده كمان بالصور

بس طبعا كتبين الضرورى والغير ضرورى
والكماليات وكووووووول حاجه

انا رئى 3 اطقم حلل استنلس

لان الصاج بيبوظ بسرعه واصلا ملوش لازمه غير فى السلق

والتيفال مع الوقت بيبوظ واى خدش فيه بتبقى الحله غير قابله للاستخدام صحيا

يعنى الاستنلس انضف حاجه
وبرده الالمنيوم بيتفاعل مع الاكل وتنضيفه سىء جدااااا


الكاسات بتستخدم فى الاول اللى فى النيش طقمين غاليين
وبعد كده طقم للاسخدام يعنى 3 زى انجى ما بتقول


الصينى
طقم للعزومات ويتعان وطقم للاستخدام
صغير
فى ناس تجيب ازاز او ميلامين للاستخادام
بس الصينى احلى واشيك

صوانى بيركس
حلوة طبعا 2 او 3
احجام

وصوانى تيفال مهمه 2
2و المنيوم

2طاسات تيفال
كبيرو وصغيرة

من اقامة مطبخيه 26 سنه

طقم قدور استانلستيل

صينيتين بايركس كبير ووسط

صينيتين تيفال مقاسيين او استيل

طقم كاسات للاستعمال اليومي وواحد للضيوف

طقم شوك وملاعق للضيوف

وواحد للاستعمال اليومي

طقم شاي صيني

طاسه استيل ومقلى تيفال الي للاومليت

طقم صيني للضيوف وزي ماقالت انووج هاتي بس صحون الشوربه

والصحون اللي للغرف والي اكبر منها وزبادي الشربه

طقم صحون للمهلبيه الي زي الكاسات

مجاات تقريبا 4 لان عندي هوس فيهم

دورقين شييك زجاج وواحد كريستال

لبانه استيل او تيفال

صينتيين او 3 تقديم متوسطه وصغييره ميلاميين

طقم فناجيين قهوه تركي والكنكه

سراويس للتقديم 3 استيل او صيني

صفايات للخضار 2 ووحده سلك للرز

قدر للقلي غويط

صواني تشييزكيك 2

ملاعق خشب للتحريك وقطاعات بسكويت

صينيتين حرفها قصير للبيتزا

علب للبهارات وعلب للسكر والشاي

ملاعق للشاي وقطاعات للحلو

سكريه حلووه ابريقين للشاي

هذا الي في بالي وكل مااتذكر شئ رح احطه

أنا راي

طقم او طقمين حلل أستنلس
بلاش تيفال ولا المونيوم

2 مقلاية تيفال
صوانى 2تيفال و2بيركس أو أكثر
طقم صينى وطقم اركوبال
واحد للضيوف وواحد للأستعمال اليومى

4 أطقم كاسات اشكال منوعة
2 اطقم شربات بالدورق
مجات للشاى
ودستة مجات للشاى شفافة ضيوف
طقم خشاف او سلطة فواكه

دستة ملاعق وشوك وملاعق صغيرة للضيوف
ونصف دستة ملاعق وشوك وملاعق صغيرة للاستعمال اليومى

طقم صوانى اسنلس استيل للتقديم

وربنا يقدرك يا أم البنات وتجبلهم
ويرزقهم بالأزواج الصالحين
هما وبنات ام عبدالله

على راى انجى رجعتونا للذى مضى وفات وانقضى

ما علينا


انا ماما اصرت تجيبلى طقم حلل الومنيا
ااوكد لسيادتك انى ما استخدمتوش غير نادرا

اكبر حلة لو عايزة اسلق كذا فرخة مثلا او طيور كبيرة ودى محصلتش فى حياتى الزوجية كتير


فبصراحة لا ارشح الالومنيوم ابدا

الافضل حلل استانلش بس نوع نضيف جدا لا ن الانواع العادية وحشة وبتحرق الاكل

ماما كانت جايبلى حلحل استانلس بتاعة المصانع الحربية حاجة كده مصرى يعنى هتأكد من الماركة لما اروح

ودى ممتازة وليها قاعدة من تحت برة الحلة تخينة عشان ما تشيطش الاكل وكمان يبقى توزيع الحرارة كويس بعمل فيها كل حاجة طبيخ او رز


للفرن افضل واصح شيء صوانى البيركس المستطيلة بس اللى بأيد خدى بالك فى انواع من غير ايدين دى بتبقى غلسة انك تمسكيها جوة الفرن

وافضل انواع جربتها "بايركس" ومارينكس تقريبا موجوديا عند التوحيد والنور هاتيهم وقت التخفيضات

كيتل المية السخنة هام جدا وهاتية ماركة نضيفة ويكون استانلس وكبير

رائع فى كل حاجة مش الشاى بس كتير اسخن فيه مية عشان الطبخ او الرز بيسعفى ويسرع الوقت

الكاسات طقمين كفاية 24 كاس عمر ما هيجيلها ضيوف اكتر من 24 فى نفس الوقت

كوبايات المج الابيض طقمين برضة

كوبايات العصير اللى عليها اشكال طقمين اشكال مختلفة


طقم معلاق وشوك شيك

وشوية مفرد للاستخدام العادى

طقم الصينى انا مش مقتنعة بية عندى فى النيش ماا ستخدمتوش كله لحد دلوقتى هاتية بس ماتغاليش فيه انا كنت جايبة بتاعى مصرى الامانى وشكلة شيك جدا

طقم سكاكين

طقم غرف

طقم اطباق اركوبال للاستخدام اليومى العادى

مضرب بيض

كويك للبصل والطماطم ومعاها قطعة الهرس للشوربات

خلاط للطماطم والعصير

شواية بوتجاز

التيفال متكتريش منه لانة مش صحى وضار لو اتقشر وكل المصرى بيتقشر بسرعة واحنا كمصريين اقتصاديين مش هنرمية ونفضل نستخدمة ربنا يستر علينا

بس اللى فعلا مش لاقيالها بديل طاسة تيفال للبيض والبان كيك دى لازم تبقى تيفال

عصارة ليمون يدوى
عصارة برتقال يدوى

طقم علب بلاستيك احجام مختلفة وانصحك لوك اند لوك نوع نضيف

طقم علب توابل وبلاش تجيبية بلاستك هاتية زجاج صحى ويحفظ الحاجة وبيبين شكل الحاجة اللى جواة

ليف مطبخ نوع فيلدا المانى
سلك مواعين فيلدا برضه

طقم مشابك للغسيل بلاستيك نوع نضيف عشان الانواع الرخيصة بتصدى على الهدوم
وهاتى مشابك كبيرة عشان لو هتنشر كوفرتة او حاجة تقيلة تمسكها كويس ومتتكسرش

ولو انى افضل المنشر المسطح داخل البلكونة لو فيه مكان

مادو وانجى وام عبدالله وام خالد ورووشانا وكل اخواتى ربنا يارب بفرحكم بولادكم يارب ويرزقكم من فضله عاجلا غير اجل ويرزقنا برهم يارب

طيب انا جبت طقم تفال ايطالىاسمه مونيتا 2 حله و2 طاسه و2 صنيه اجيب كمان صنيه وقالب كيك وطاستين كمان كدة كويس كدة
روشانا وانا لقيت طقم صوانى بيركس فرنساوى 3 قطع متدرجين وبايد ب120 جنيه سعرهم كويس ولا غالين
وانا عارفه الطقم بتاعك ياروشانا المصانع هشوف كدة اسعارة او اجيب تركى ثقيل
وجبت طقم شاى مصرى المانى وعندى طقم 180 قطعه هقسمه عليها هى واختها هو اركوبال وفرنساوى اجيب طقم صينى الاساسى عليه وطقم العشاء المربع وكفيه

طيب هى معجبه بطقم الحلل الصاج الى من جوة تفال ومنقوش من برة

انا جبت كوبيات قهوة الوان الطيف وجبت طقم كوبيات للمطبخ متدرج و6 مج شفاف لونمارك

انا تقريبا كنت جايبة ال 3 صوانى بايركس مستطيل بايد فى الحدود دى من التوحيد والنور

خدى بالك ان المستطيل اغلى من المدور

واللى بايد اغلى من اللى من غير ايد


الحل الصاج نفس مشكلة التيفال لو اتجرحت مشالمفروض نستخدمها

بس اسمع انها صحية فى حفظ الاكل فى التلاجة

انا مجربتهاش الحقيقة

انا مش هقدر ازود علي اللي قالو البنات كتير بس اختي جابت من المعرض طقم حلل حلو قوي اسمه تاتنيوم زي التيفال بس مبيتقشرش ومن بره شبه التيفال برضه انا مش فاكره كم قطعه بس هوفي حدود 700 جنيه من المعرض بتاع مدينه نصر اللي الشهر ده
انا شفته وعجبني خالص قلت بدل التيفال والاستلس