عزومتي لأصحاب زوجي

[img:24d0][ندعوك للتسجيل في المنتدى أو التعريف بنفسك لمعاينة هذا الرابط][ندعوك للتسجيل في المنتدى أو التعريف بنفسك لمعاينة هذه الصورة][/img]السلام عليكم ورحمة الله وبركاته

دي صورة السفره معلش كنت بصور بسرعه جدااااا ونسيت انور النور

الاول التحضير للعزومه كان قبلها بيومين و زي ماميرو دايما بتفكرنا استحضرت النيه لله وابتغاء مرضاة زوجي
وافتكرتك ياميرو ربنا يجازيكي خير

كتبت في ورقه كل الي محتاجاه ورتبت الاصناف
لحوم (( حمام محشي بالفريك + فخدتين هشويهم في الفرن + بانيه مشوي بالصويا صوص الحلو))

خضار(( طاجن باميه + جزر وبطاطس مكعبات جنب الفخده ))

اصناف جانبيه (( لازانيا باللحمه + رز بالشعريه والكبد))

سلطات (( كول سلو + فتوش ))

مقبلات
هوت صوص + فلفل احمر حراق دول الي في الاطباق الصغيره

شوربة كريمه

الحلو
حلا بلكاكاو والكريم كراميل

فروت سلاط


الاول غسلت الحمام كويس ومش خليت الراجل يفتحه من جوه عشان مش يبوظ منطقة الصدر عشان اعرف احشيه
نضفته كويس ومسكت كل واحده من بداية الرقبه وشيلت جلده صغيره مابين الجلد وجسم الحمامه بيقولو عليها الحوصله
وبعدين غسلته كويس من جوه بالملح والدقيق وتبلته بالفلفل الاسود والتوم المفروم علي خفيف من جوه

كنت ناقعه الفريك ربع ساعه
جبت كبد الحمام وقطعتها ودبلت بصله في زيت علي النار وحطيت الكبد والفلفل الاسود والبهارات وبعد مااتشوحت حطيت الفريك بعد ماصفيته
وحطيت عليهم معلقتين زبده وملح وتوم مفروم وشوحتهم كويس اوي لمدة 5 دقايق وبعدين زودتهم نص كوباية مايه وسبته لحد ماشرب مايته يعني نص سوا

وحشيت الحمام بس طبعا مش مليته اوي عشان مش يفرقع في الشوربه وهو بيستوي
وتاني يوم وقت السوا سلقته بالظبط ساعه الا ربع وحمرته في زيت مع زبده نص تحميره عشان بيغمق بعد كده
( معلومه من ام مريم )

معلش نسيت اصوره لوحده لكن تقريبا هو باين في الصوره

الفخده
من بليل تبلتها ب ( ملح وفلفل وبهارات وصلصة باربيكيو بتاعة الشوي وممكن من غيرها
وعملت فتحات بالسكينه جواها حشيتها فصوص توم وحلقات بصل يعني مش كتير تقريبا 6 فتحات صغيره
ولفيت الصينيه بالفويل وقبل الاكل ب 3 ساعات دخلتها الفرن بعد مازودت جنبها بطاطس وجزر متقطعين كبار عشان يستحملوا وقت الشوي
وبالظبط اخدت ساعتين ونص
[ندعوك للتسجيل في المنتدى أو التعريف بنفسك لمعاينة هذه الصورة]

البانيه المشوي

تبلته من قبلها بليله ( صويا صوص حلو ( معلومه من ام عبدالله ) وصويا صوص عادي وفلفل وبهارات وبودرة توم
وقبل الاكل شويته بمعلقة زيت في طاسه تيفال لمدة 5 دقايق علي كل جهه

[ندعوك للتسجيل في المنتدى أو التعريف بنفسك لمعاينة هذه الصورة]
اللازانيا
عصجت اللحمه من قبلها بيوم وزودتها بصلصه طماطم وشوية مايه

وسلقت قطع اللازانيا نص سلق في مايه وزيت

وعملت البشاميل عادي ( معلقتين دقيق وزيت وبيضه وكوباية حليب ومكعب مرقه وملح وبهار حلو وفلفل اسود

وبشرت جبنه شيدر وموتزاريللا وحتة جبنه رومي صغيره بتخلي طعمها حلو اوي

وجبت البيركس وحطيت معلقتين بشاميل وعليهم رصيت 4 لازانيا وعليهم بشاميل وعليهماللحمه وعليهم الجبنه وكررت الترتيب ده مره كمان وفوق الوش طبعا الجبنه كتير
ودخلتها التلاجه وسويتها تاني يوم قبل الاكل
[ندعوك للتسجيل في المنتدى أو التعريف بنفسك لمعاينة هذه الصورة]

الكول سلو
قطعت الكرنب وبشرت الجزر وحطيت عليهم معلقتين حليب ومعلقتين مايونيز ومعلقة سكر وبسسسسسسسس وشيلته في التلاجه لتاني يوم

وعملت الفروت سلاط والحلا

[ندعوك للتسجيل في المنتدى أو التعريف بنفسك لمعاينة هذه الصورة]

طبعا دي طريقة سمر في الاصل ربنا يجازيها خير هي ورشا

نعمل خلطه )2 كيس دريم ويب + 2 علبة قشطه +2 باكيت بودرة الكريم كراميل ( ونضربهم كويس اوي بالمضرب

نجيب القالب ونرص طبقة بسكوت مشرب الحليب وعليهم طبقة من الخليط ونكررها مره كمان وندخلها التلاجه

وقبل التقديم نرش كاكاو من فوق بالمصفاه

[ندعوك للتسجيل في المنتدى أو التعريف بنفسك لمعاينة هذه الصورة]


وه كان استعدادي من قبلها بيوم


يوم العزومه الصبح


اول حاجه حطيت الحمام يتسلق وولعت الفرن علي صواني الفخده

وروقت البيت ورتبت السفره وكنت لسه مش جبت مناديل للسفره ودبل وكده
لفيت كل شوكه وسكينه ومعلقه مع بعض بمناديل كلينكس وحطيتهم جوه كل طبق اكل
وجوه الطبق طبق للشوربه وكنت جايبه زجاجات مايه صغيره وكانز عشان يبقي اسهل من غير كاسات او كده

وعملت الرز نقعت رز بسمتي وكان عندي كبد فراخ عملتها بالبصل والتوم وسبتها علي جنب وعملت الرز بالشعريه وحطيت علي الوش الكبد وحمرت صنوبر ورشيته عليهم وقت التقديم

[ندعوك للتسجيل في المنتدى أو التعريف بنفسك لمعاينة هذه الصورة]


عملت الفتوش
قطعت خيار وطماطم وخس وبصل وعليهم لمون وزيت زتون وسماق وحمرت عيش متقطع وحطيته علي الوش

[ندعوك للتسجيل في المنتدى أو التعريف بنفسك لمعاينة هذه الصورة]


الشوربه
جبت باكتات شوربة كنور جاهزه وعملتها بشوربة الحمام

طاجن الباميه
دبلت بصل متقطع مع رشة سكر ( معلومه من ريهام (
وحطيت الباميه مع رشة بهارات وبعدين الصلصه والشوربه وعلي جنب حمرت توم مع كزبره ناشفه وزبده وطشيت بيها الباميه ونقلتها في الطاجن ودخلته الفرن

[ندعوك للتسجيل في المنتدى أو التعريف بنفسك لمعاينة هذه الصورة]

ما شاء الله لا قوة إلا بالله
ظاهرة يا أم يوسف
شاطرة ما شاء الله عليك
ممكن اسم كل اللي على السفرة باقة

female كتب:

ما شاء الله لا قوة إلا بالله
ظاهرة يا أم يوسف
شاطرة ما شاء الله عليك
ممكن اسم كل اللي على السفرة باقة

ربنا يخليكي يارب يافيمل
هكتب كل حاجه بالتفصيل وكمان الصور الي لحقت اصورها

بس معلش هستأذنكم اقوم عشان اخو جوزي جاي في الطريق وطبعا مافيش عشا هقوم الحق اعمل اي حاجه
شويه وارجع ان شاء الله

لا ملفيش حاجه ظاهرة عندي مش عارفه عندي صورة غريبه

ام يوسف مفيش صووووووووووووووور

أيه ده أنا بس اللي ظاهرة عندي
هي صورة واحدة يا بنات ل السفرة كاملة
مش شايفنها
طيب مش شايفين الحمام الي في النص

يابنات الصور كده ظاهره كلها

؟؟؟؟؟؟؟؟؟؟؟؟؟؟؟؟؟؟

بجد طلع عيني

أيوة يا أم يوسف
ظاهرة كلها عندي
بس لسة ها أقراها بالتفصيل
ما شاء الله تسلم إيديكي

بسم الله ماشاء الله



السفرة شكلها روعة خاجة تفتح النفس



تسلم ايديكى با هبه

lماشاء الله تبارك الله استاذة ورئيسه مجلس ادارة بالهنا والشفا وعقبال العزومه الى هنا يارب

بسم الله ما شاء الله

عظممه
تحفه بجد تسلم ايدك
حاجه تشرف

جوعتينىىىىىىىىىىىىىىىىىى مووووووووووووووووووت

تسلم ايديكى

موش لاقية وصف

ماشاء الله رهييييييييييييييييييييبه

بسم الله ما شاءالله لا قوة الا بالله..

مش حاجة جديدة عنك يا شيف هبة..

بجد تحففففففففففففففففففففففففففة بسم الله عليكي الله اكبر..

انا وانجي خلاص حانجز الاسبوع الجاي وجايين عندك..

كل حاجة تحفة ولو كتبت عن كل صنف صفحة مش حاعبر عن الحلاوة..

تسلم ايدك ..وربنا يزيدك وربنا يكتب لك اجر حسن التبعل وحسن اكرام الضيف ان شاء الله

في امان الله حبي..

تسلم ايدك ماشاء الله

حلووه السفره جدااا

بس بعد اذنك جبتي الطاجن من فيين

لاني نفسي فيهم والي عند اهلي موصيين عليهم من تركيا

وانا محتاجه 2 منهم بس ماعرف فين

وماارح استنى علشان اطلب من هناك

ما شاء الله لا قوة إلا بالله
تسلم الأيادى يا أم يوسف

ما شاء الله روعة يا هبة كل الاصناف جميلة
تسلم ايدك يا قمر
وعقبال ما تعزمى كل العائلة فى شقتك بمصر

فيمل وانوج ونيرفانا وام البنات ومادو وام مريم وريهام وام سوسو وام عبودي وام خالد وام دينا
ربنا يكرمكم يارب علي التشجيع ورفع المعنويات

والله نفسي اعمل عزومه وتكون اعمل من دي للكو كلكو
قريت كلامك ياجيجي انيت وملوكه وام البنات والله تخيلت اننا كلنا قاعدين مع بعض
يارب جمعنا عيل خير سبحان الله ماحدش عارف يمكن فعلا يحصل

ام عبدالله الطاجن جوزي جابهولي من اول طريق الشفا فيه عيل اليسار وانيت رايحه محلين بيبيعو الحاجه الفخار بكل الاحجام
لو ماعرفتيش توصليلهم قوليلي ياجميل

هبه الله يرضى عليك عرفت المحلات كنت اخذ منهم حصالات للاولاد

وقلل للمويه

بس هي جاهزه ولا طلبها منهم وانتي استعملتيها على طول

والا سويتي حاجه معينه قبل استخدامها

ام عبدالله ايوووووووون هما دول وجبنا فعلا الحصاله من هناك وكسرتها لما جينا نعزل ههههههههه لقيت فيها مبلغ انما ايه ..............

25 ريال ههههههههه

انا فعلا كنت خايفه اسوي فيهم قبل مااحرقهم عارفه الطريقه دي
لكن والله سويت فيهم علي طول تقريبا كان اللحمه بالجبنه بتاعة ام مريم وتمام الحمدلله
وكانت جاهزه عنده بس الاحجام انيت وحظك انا كان نفسي اكبر من كده لكن لقيت ان الحجم ده مناسب
هو فيه هناك حجم كبير برضو بس ينفع لعيله كبيره

هبه ياظالممممممممممممممممممه ما شاء الله عليكي هاموت هاموت وتنزلي مصر ياهوبا عشان ازورك ياحبيبتي لاني طبعا نفسي اشوفك ووانت نازله عايزه هديه اه هديه

من الااطباق اللي فيها مكان للكوب دي خلاص

الله يسامحك ياهبه

مرمر ربنا يخليكي يارب انتي وكل البنات عيل دعواتكم الحلوه
ربنا يجمعنا كلنا بالخير يارب

موئه ياروح قلبي
بجدددد انيت سكر والله من عنية الاتنين اول ماانزل مصر لا اول مااتبشر بالخبر الحلو هنا هروح اجيبلك واحد زيه ان شاء الله
واي واحده والله يابنات عايزه حاجه من هنا
اقسم بالله مش كلام وخلاص تقولي عليها وربنا يقدرني واجيبها
الرسول صلي الله عليه وسلم قال تهادو تحابو مش كده ولا ايه