عرض أفكارنا لبناء مصر أفضل !

http://www.google.com/moderator/?hl=ar#16/e=582ed

ده رابط للى حابب يضيف افكار جديده
هناك او هنا

رااائع اللنك
والاجمل انه اتنشر كمان علىصفحة خالد سعيد
أنا باثق اوى ف الولاد دول واهتمامهم بالاراء
ربنا يصلح حالنا ويولى امورنا خيارنا

موضوع جميل اوي ايمادو ممكن نخليه متنفس لينا وكلامنا عن السياسه

من اهم ايجابيات الثوره ان نمت الوعي السياسي عند اغلبنا
وخلت الكبير والصغير مهتم بمصير البلد وحالها وكله نفسه يشارك ويكون ايجابي

بصراحه
نفسي باقي الناس القياديه التابعه للنظام تمشي
وبالذات جهات التحقيق مع المتهمين والموقوفين
عارفين ليه ؟؟
مش هي دي برضو نفس جهات التحقيق القديمه ؟؟يعني النائب العام مش هو هو الي كان موجود ؟؟
طيب ليه زمان مااخدتش موقف ؟؟
ولو كان ساعتها خايف من سلطة ما يبقي كان اكرمله ان يستقيل ومايقبلش بالمنصب والامانه الملقاه علي عاتقه
وحاجات تانيه كتير
فعلا محتاجين حملة تطهير في كل حاج بس طبعا واحده واحده

ونفسي الناس تبطل اعتصامات شويه ويدو فرصه للجيش يشتغل والبلد ترجع
علي القل شهرين ويشوفو لو كل يوم بيحصل تغيير وبنمشي خطوات افضل يبقي هو ده المطلوب
وكل جهه تحدد اولوياتها وتبدأ في التغيير والاصلاح
والشرطه ترجع طبعا مش كلها الشرفاء فقط ويحاسبو المشتبه فيهم في اي شئ حصل قبل كده
وباقي الوزرا المستفذين يمشوا ونشوف ناس تانيه عايزه تصلح وتخدم وبس
وحتي لما تتم تشكيل وزاره جديده ألي ثبت انه يصلح في منصبه يفضل موجود منهم

نفسي يستعينو بالجنزوري علي القل كمستشار او خبير ويطبقو افكاره ونظرياته ونعمر البلد من اول وجديد

نفسي كل الشعب يشارك في اي انتخابات قادمه عشان لو احنا مش حافظنا علي الديمقراطيه هتضيع مننا تاني


واهم حاجه

نفسي ماحدش يزعل من طرف او رأي تاني يختلف عن رأيه او ضده
في النهايه كلنا بنحب مصر وبنخاف علي مصر

دماغك بتعجبنى يا هبه
بس بالنسبه للنائب العام
ناس كتيير تقول انه راجل محترم وكان بيتعرض لضغوط جامده
الله اعلم
نفسى ابعت كلامك ليهم والله
كل النقط عجبانى
وخصوصا الاخيرة دى
ساعات بخاف لما افكر فى انتخابات مجلس الشعب والرئاسه
مش متخيله بجد
حاجه تفرح وتخض

مش لاقية افكار احلى من اللى قالها دكتور كمال الجنزورى فى لقائة مع منى الشاذلى

الرجل ده محترم اوى وبتاع شغل اوى ودماغه رائعة منهم لله اللى مشوه
كان زمان مصر دى بقت حاجة تانية وبقينا احسن من دبى

حسبي الله ونعم الوكيل

الرجل اتكلم عن خطة ترشيد الانفاق فى الحكومة مش ممكن مش السرقة والنهب اللى كان بيحصل

كان عامل حكم عسكرى لاى حد يجرب ارض زراعية من اول الشخص للحى للمحافظ اللى وافق على كده

اتكلم على بيع الاراضى قال انه كان بيسمح بيها وبسعر قليل ماشي بس مش ياخدها ويمشيى ويومين ويبعيها لأ فى الزام انه لازم يعمل عليها مشروع مصنع ويشغل ولاد البلد فيها

مش يشتروا الارض ببلاش ويبيعوها بالافات والفرق فى جيوبهم هما بس والبلد تغور باهلها


قال والحمد لله احنا اللحم كله اتسرق عندنا وسابولنا العضم ( كتر خيرهم انهم ما سرقوش العضم كمان)

قال احنا مالناش حل بالموارد المتاحة حاليا الا الزراعة

نفسي بقى يرجعوا تانى يحاكموا الناس اللى جرفت اراضيها دى ويهدولهم البيوت اللى اتبنت عليها

ونفسي يرجعوا مصنع حديد الدخيلة يبقى بتاع البلد

بعد ما الحرامى احمد عز خسرة ووقعة وشراة ببلاش وبقى بتاعه وسبحان الله بعد ما اشتراه بدأ يكسب تانى


نفسي اسمع احكام على الناس دى كلها


نفسي ولو انى حسة انه صعب يرجعوا الفلوس المنهوبة بس شايفا صعب جدا كلة كان بيشترى بجنية ويبيع بالف والفرق صافى فى حسابات شخصية ومفيش قانون يجرم انك تشترى بجنية وتبيع بالف

كمال الجنزورى ده بجد كان رائع انا اتقهرت وانا بسمعة

وخلوه قضى باقى حياتة فى شقة ممنوع يخرج منها الا بإذن حرام والله

نفس اللى فكرت فيه يا روشانا والله فى الاراضى

معرفش ليه مصقعين المووضع كده
امريكا بتقول مفيش اى امر حتى بتجميد ارصده الناس دى
يا سلاااااااام امال مستنين ايه

طب بلاش حسنى
حاسبو رجال الاعمال
بلاش حساب خالص
بس رجعو الاراضى
والمصانع اللى كانت حكومى

هما مستنين ايه مش فاهمه

بس الاراضى اللى اتبنت اليومين دول قالو هيهدوها
وكمال الجنزورى كدب حكايه انه كان ممنوع من الكلام دى

لحفظ ماء الوجه بس

لكن هما اكيد السبب اومال اية اللى خلاه يظهر ويتكلم دلوقتى