كيكة اليوسفى بالصوص

الكيكة دى انا عملتها من يومين هى من اختراعى بس حلوة اوى وخفيفة وان شاء الله تعجبكم

المقادير
2كوب دقيق
1كوب سكر
3بيضة+فانيليا
م ك بيكنج بودر
2م ك زبدة وزيهم زيت
3 حبة يوسفى
الطريقة
قشرت اليوسفى وكان من غير بذر وقطعته وحطيته فى الخلاط مع معلقتين مياه وضربتهم كويس وبعدين صفيتهم بمصفاة ناعمة واخدت كوب الا ربع للكيكة والباقى حطيت عليه ربع كوباية سكر وحطيتهم على النار يغلوا مع بعض شوية وده الصوص
حطيت عصير اليوسفى ومعاه البيض والفانيليا وباقى السكروالزبدة كله فى الخلاط بتاع الطماطم وضربتهم شوية
وبعدين حطيتهم فى طبق ونزلت عليهم بالدقيق والبودر المنخولين وقلبت بالراحة وبعدين حطيت الزيت وقلبت خفيف وصبيتهم فى صينية مدهونة ومرشوشة بالدقيق ودخلتها فرن ساخن ولما خرجت سقيتها بالصوص
بجد يا بنات طعمها خطير

شكلها يفتح النفس يا ام حازم
تسلم ايدك

ما شاء الله يا ام حازم
شكلها جميل واكيد الطعم احلى ان شاء الله
تسلم اديكى

ووووووووووواو ياام حازم ولونها دهبي وجميل تسلم اديكي

بسم الله ما شاء الله

تحفة يا ام حازم

تسلم ايدك

شكلها روعة تسلم اديكى

تسلم ايدك ياام حازم شكلها روعه الف هنا عليكم