تجربه لروشانا
بالنسبة لامبولات ايفا انا باستخكدها من زمان من ايام ما كانت امبولات زجاج مش عارفة تعرفوها ولا لأ وكان بيبقى معاها مشرط كده
زى بتاع امبولات الحقن هى ظريفة بس مع المداومة لفترات
بالنسب للمنتج الجديد ببروتينات الحرير انا بقيت استخدمة لشعر بناتى بعد الشاور بدل من البالمرز وزيوت والكريمات
اخرمرة كان عندنا مناسبة ووديت البنات للكوافيرة فقالتلى ان شعر بنتى ملزق ومش حلو والفروة ضعيفة وواخده رطوبة قالتلى انتى بتحطيلها زيوت فى شعرها كتير
قولتلها اساسى مرتين على الاقل فى الاسبوع بعد الشاور واحيانا فى وسط الايام وانا بسرح شعرها الصبح ادهنة عشان يسلك فى التسريح
قالتلى خطأ جدا الزيوت للشعر غير صحية قالتلى الافضل استخدملها بديل الزيت او سيرم
انا بقيت اجيبلها انبولات ايفا بالبروتينات الحرير بتنيم الشعر عشان مايهيش
كمان قالتى الفروة ضعيفة وواخدة رطوبة قالتلى انتى اكيد بعد الحمام بتلمى شعرها على طول
وفعلا انا بعمل كده مباشرة ادهنة واضفرة
قالتلى كده غلط لازم بعد الحمام اسيب الفروة تتهوى وتنشف وبعدين المة
قالتلى كده لما تكبر مش هتستحمل تكة تتحط فى شعرها
مش عارفة كلامها صح فعلا ولا بتبقى طبيعة الراس كده اصل انا طول عمرى فروة راسي حساسة جدا والبنسة بتوجعنى ولو لفيته طاقية كان بيبقى تعذيب
وكان ممقصف كتير فقصيناه شوية قالتلى بسبب استخدام الفرشه
الأحد 12 ديسمبر - 8:50
