فطير مشلتت وبالصووووووور

[ندعوك للتسجيل في المنتدى أو التعريف بنفسك لمعاينة هذه الصورة]


ازيكم ياحلوين


الفطير الشملتت باسهل طرقه ممكن تعمليه

انا حاولت اظبطلكم مقدار العجينه لأني كنت بعملها بالبركه


المقادير

3 كوب دقيق

كوب ونص مايه

رشة ملح ومعلقة سكر كبيره

زيت لفرد الفطير
وسمنه



3 كوب دقيق اخدوا تقريبا كوب ونص مايه طبعا ده بيختلف حسب نوع الدقيق الي عندك
المهم العجينه تكون مش بتلزق في الايد وناعمه زي اللبان كده

وطبعا بنحط رشة ملح ومعلقة سكر في الدقيق الاول

وبعدين ندهن الرخامه زيت ونقسمها 12 كوره

ونسيبها ترتاح مش اقل من نص ساعه
ونبتدي نفرد كوره كوره بالطريقه دي

اننا ندهن ايدينا زيت ونفرد براحه اول كوره ولو اتقطعت شويه مش مهم بعد ماتتفرد خالص ندهنا زبده او سمنه ونطبقها علي بعض

ونشيلها علي جنب

ونجيب الكوره ايل بعد كده نفردها بالزيت بنفس الطريقه وندهنها سمنه ونحط الكوره الاولانيه جواها ونطبقها عليها
هتكبر طبعا شويه ونشيلها برضو علي جنب

ونجيب الكوره الي بعد كده ونعملها بنفس الطريقه لحد مانخلص العدد الي عندنا

ا شاء الله لما اعملوا تاين انزل الخطوات بالتفصيل مصوره

انا هنا عملتها فطيرتين يعني كل 6 كور عملوا فطيره بس لو عايزياها سميكه وفيها طبقات كتير جوه بعض ممكن تعمليهم فطيره واحده كبيره

وبعد ماطبقنا الطبقات جوه بعض نحطها في صينيه مدهونه ونسيبها ترتاح ( الخطوه دي مهمه جدااا )
وبعدين نبططها بايدنا عشان تتفرد علي قد الصينيه الي هنسويها جواها

وبعدين نسخن الفرن كويس اوي ونشيل الصاجه ايل علي النار ونحط الشبك في الوسط ونحط صينية الفطير ونخلي النار هاديه
ولما تستوي من تحت نقلبها وبعد ماتستوي نطلعها وندهن ايدينا سمنه ونخبط عليها ونغطيها


وده شكلها
[ندعوك للتسجيل في المنتدى أو التعريف بنفسك لمعاينة هذه الصورة]





علي فكره انا بحب احمره اوي من بره عشان بموت في الطبقه المقرمشه لكن انتوا ممكن تخلوه اصفر هيبقي اطري


ودي صورته من جوه

[ندعوك للتسجيل في المنتدى أو التعريف بنفسك لمعاينة هذه الصورة]