بسبوسة بالمكسرات

كل سنة وانتو طيبين

بمناسبة رمضان كل شوية هنزل الحلو بتاعنا

النهاردة عملتلكو بسبوسة رووووعه وتحفة ومفيش اسهل منها

الاول المقادير

1ونص كوب سميد خشن

نص كوب جوزهند

نص كوب سكر

نص كوب زيت عافيه

ملعقة كبيرة بودر

علبة قشطة

بيضة+رشةفانيليا

مكسرات مجروشة

مقادير الشربات

2كوب سكر -كوب وربع ماء يغلو مرة ونعصر ليمونه صغيرة ويغلى دقيقتين ونطفى النار

الطريقة

نخلط كل المقادير مع بعض

مفيش اسهل من كدة ونكون مولعين الفرن

ونجيب صينية وندهنها بطحينه لازم طحينه عشان لونها هيبقى زهبى روووعه وهتشوفو

نحط الخليط فى الصينية وتبللى ايدك مية وتساوى سطحها عشان متلزقش قى ايدك وبعدين رشى المكسرات

انا مكنش عندى فستق فحطيت بندق وعين جمل مجروشين

وندخلها الفرن حوالى ربع ساعة

ونسقيها بالشربات السخن
انا بدات اعمل الشربات مع البسبوسة وطفيت علية لما دخلتها الفرن

وبالهنا والشفا

[ندعوك للتسجيل في المنتدى أو التعريف بنفسك لمعاينة هذه الصورة]

روووعه يالولو

والمكسرات عطتها شكل

تسلم الايادي

ملعقة كبيرة بودر
سلم ايد الحلوين بس ما ذا قصدك بالبودر بيكنج بودر ولا لبن بودر ولا بودر خدود جاوبينى ولا استعين بصديق

ام البنات

بيكنج بودر يا عسسسسسسسسسسسل