فخدة ضانى ورريش مشوية بالفرن

السلام عليكم ورحمة الله وبركاته

بناء على طلب الجماهير الغفيرة

دى طريقة الفخدة الضانى والريش اللى كنت نزلتهم فى عزومة اخت زوجى

ويلا بالهنا والشفا

الاول المقادير
[ندعوك للتسجيل في المنتدى أو التعريف بنفسك لمعاينة هذه الصورة]

فخدة ضانى متوسطة

فصوص ثوم

بهارات متنوعة وملح

صوص الباربيكيو ولو معندكيش (تعملي بقي صلصله باربكيو اللي هي
بصل يتحمر ف شوية زيت
و نحط عليك كوبايه كاتشاب و ربع خل احمر
و كمون و كاري و بابريكا و خردل بودر و سكر)

علبة زبادى

[ندعوك للتسجيل في المنتدى أو التعريف بنفسك لمعاينة هذه الصورة]


على فكرة دا يوم تانى غير اليوم بتاع العزومة ودمجت صور المرتين

نغسل الفخدة كويس بملح وليمون وخل
نشقق الفخدة بالسكين ونحشيها بالتوم

نقلب البهارات والزبادى والصوص وننقع فية الفخدة والريش ليلة كاملة

[ندعوك للتسجيل في المنتدى أو التعريف بنفسك لمعاينة هذه الصورة]





ونحطها بصينية ونلفها بفويل وتدخل الفرن ساعة وبعدين نخرجها ونحط الخضار زى متحبو بدون اضافة اى سوايل هى هتستوى من الصوص بتاع الفخدة

وكانت(جزر وبطاطس وكوسة وممكن تضيفو بروكلى بيبقى حلو اوىىىىى)

وبعدين نسيبها كمان ساعة او ساعة ونص الفخدة كل كيلو بياخد ساعة سوى ودى كانت تقريبا 2ونص كيلو

وبعدين نشيل الفويل ونسيبها تتحمر شوية

وتقدم بالهنا والشفا

وانا قدمتها مع رز كبسة





[ندعوك للتسجيل في المنتدى أو التعريف بنفسك لمعاينة هذه الصورة]

وااااااااااااااو ماشاء الله

كنت باقولك اكتبي طريقة الفخذه

باذن الله لما بابانا يجيب لحمة الشهر باخليه يترك لي فخذه صحيحه

واجربها

تسلم الايادي يارب