بيتى جميل ونظيف .......شغلى بسيط وخفيف

السلام عليكم ورحمة الله وبركاته

حبيباتى اجمل حمامات

وحشتونى جدا جدا

طبعا غبت عنكم فترة بس انتو مغبتوش عنى خالصودايما فى بالى

ورجعتلكم عالعادة بموضوع لايف للتنظيف

طبعا لتكملة باقى سلسلتنا المتميزة بفضل الله ثم جهودكم الواضحة ربنا يدينا الصحة والعافية

طبعا

لازم انوه (حلوه انوه دى ههههههههههههههههههههههههههههههه)واشيد بكل الجهود والمشاركات المبذولة فى القسم بتاعنا قسم التنظيف والتنظيم طبعا بقيادة السيدة الاولى فى التنظيف

شعلة التنظيف والتنظيم
الست ام عبدالله جزاها الله خيرا

وطبعا جهود كل المشاركات فى الحملات السابقة ا

وطبعا قائدة السرب ابلة نظيفة مادو طبعا

والمشاركة بقلبها ودعواتها الست ام سوسو الغالية حمدالله على السلامة رجعوك بيتك

يلا عاوزينك تشاركى قلبا وقالبا فى الحملة الجديدة

وطبعا زهرة المنتدى بيرو العسل طبعا موش محتاجة دعوة

وام خالد الجميلة الطيوبة وياريت تجيبى معاكى سمر كمان

وروانيو الشقية تعالى شاركينا الحملة ومتخافيش هنا برضة هتلاقى كل الوصفات الطبية عشان نظبطلك الحديد بتاعك ياجامد

وكمان ايجيبتى لازم نفسر حلم الثلاجة بتاعها ولالا هيبقى كابوس يابنات



وطبعا الحمامة المطوقة ام البنات


وطبعا الدعوة موجههة لكل الحمامات

واهلا وسهلا بكل المقترحات والافكار

خلاص يا ميس من بكره ان شاء الله ابدأ معاكي لاني نضفت من عالوش كده لما رجعت وعايزه انضف عميق قبل ما اغرق في المذاااااااااااااااااااااااااكره

ماشى يارشا يا قمر

عاوزاكى تنضفى بضمييير عاوزة ريحة الكلور توصلنى من جدة

الحمد لله انا بعملهم اول باول فاضل الخلاط كان بيصلح امبارح الراجل مسكه بايدة شحمه واخلص معاكم

ام البنات

اكيد يا فندم
دايما مترتبين

ربنا يعينك ويديكى الصحة والعافية

عاوزين صورة الخلاط قبل متنضفية وبعدلو سمحتى

وبتنضفى الشحم باية؟؟؟؟؟

صباحكم عسل وفل وياسمين

انا قلت اخلص اللى ورايا واجى لاقيت بسم الله الله اكبر كل الحبايب كلهم نشاط وحيوية

اكتب اليوميات وبعدين الصور وارد على المشاركات


من امبارح نقعتكل فوط المطبخ فى الغسالة وحطيت عليهم كلور ونشرتهم الفجر

قمت النهاردة كنت الاول مكسلة شوية بس قهرت كسلى واستعنت بالله

ودخلت على المطبخ قلت اخلص واجب اليوم وبعديناكمل الواجبات اليومية

اول حاجة فصلت الفريزر وشيلت كل اللى فية وعلى مايفك شوية الثلج رتبت فريزر الثلاجة

انا حاطة فية المعجنات والمكسرات وبعض الجبن اللى بجيب منها كمية من مصر وبس والباقى فى الديب فريزر

غسلت الديب فريزر بزمة وضمير ورجعت رتبت فية كل الاغراض و

نزلت كل الحاجات اللى فى الثلاجة وغسلت الرفوف والمفارش وسيبتهم ينشفو وبعدين غسلت الثلاجة من جوة ومن برة وفووقومننساش نغسل ظهر الثلاجة كمان

نشفت الثلاجة كويس وحطيت جواها مستكة فى المبخرة وسيبتها تتبخر

فرزت كل الحاجات ورميت خضار بايظ وكمان ادوية تقريبا خلصت

ورجعت فرشت المفارش ورتبت كل العلب والخضار

وبعدين غسلت البرادة ولازال الوضع قائم والبرادة خربانة وجوزو موش راضى يصلحهابس بغسلها برضه

نزلت كل الاجهزة بتاعتى هى كلها نضيفة بس انا قلت اديها تلميعة كمان

ورتبت الرف بتاعها وكمان نزلت الشفاط وغسلت الشباك بالمرة

ونزلت على الحوض دعكته بزمة وضمير وكمان فكيته من تحت وشيلت المواسير ونضفتها بفرشة طويلة ونقعتها فى كلور وبعدين ركبتها تانى

وطبعا مسحت الارضية

وريحة الكلور وصلت لحدالجيران ومطبخى فل الفل


لسة هقوم دلوقت اشيك على باقى البيت هو ماشى الحال مترتب ونضيف لانى برتبة قبل ماانام

بس همشى بالمكنسة فى كل الغرف والمع ملمع الزجاج

غدانا اليوم لحم وبسلة وارز بالشعرية

لالالالالا
انا فهمت الواجب غلط باين هههه
احنا متفقناش على كل ده
بس والله اليوم كان حلو النهارده ماشاء الله مبروك شويه

انا عملت سلم البيت لحد شقتى توضيب وزعفته وكنسته ووضبت الجزامه ورتبتها
على فكرة انا لاحظت ان الواحد لو زعف يوميا الاماكن حوالين البيت وباب الشقه الابراص عمرها ما تيجى
لانه بياكل العنكبوت حتى لو مش متشاف بيجى عليه
دعكت سناده واحده للبوتاجاز ههههه فاضل واحده
لما بيكون فى حاجه عايزة دعك جامد اعمل كل يوم حاجه
عشان اكون فى اول صحتى والدعك يبقى تمام هههه

وبعدين رحت مشوار لخالى باركتله على جواز ابنه
وبعدها حسيت بنشاط بجد سبحان الله صله الرحم فعلا بتجيب الصحه بس تقيله على قلبى جداااااا
بس والله بعد ما بعمل حاجه ببقى فرحانه اوى
وبتبقى سهله بس هو الشيطان بقى

المهم
ابنى رجع من المدرسه انا جيباله طقم واحد عشان لو نقلته الاسبوع ده
فلميت الهدوم وغسلتها يدوى وغسلت الشراب وقلت بالمرة جبت حاجه بنت اختى غسلتها هى كمان
والله غسيل الايد احسن من الاتوماتيك بس طبعا منقدرش
انا كنت فرحانه اوى انى عملت حاجه على ايدى هههه
والجديد بقى كويتهم
ههههههههه انا مليش فى الكوى خالص

وعملت محشى وفراخ
ربنا يدينا البركه فى الوقت يا رب
وشيكت على الخلاط والكيتش ماشين والادوات الصغيرة دى
وفرن الكهربا كان فى عيش فينو
ضربته فى الخلاط بيبقى ناعم وجميل وبغربله برده
وكيسته وحطيته فى البرطمان عشان استخدم القديم الاول
وبحط معاه ملح وتوابل فى الخلاط

وغسلت الفرن الكهربا
والشقه والمطبخ الحمد لله اليومين دول اول باول
وبس خلاص

لا ودعكت حوض الحمام والارضيه بتاعته بالمقشه

ياد النور والهنا والسرور

الست ماما زوزو منورانا

طيب اتفضلى حضرتك على مااعمل شاى قهوة نسكافية كل اللى تحبيه

مبسوطة اوى ان الموضوع عجبك

وفعلا زى ماحضرتك قولتى اهم من التنظيف التنظيم

عاوزين حضرتك دايما تطلى علينا وتدينى من افكارك وخبراتك

جزاكى الله خيرا

مها

منورانا يا قمر

يلا تعالى شاركينا عاوزين نشوف صورك الحلوة


ام عبدالله تسلم الايادى

ربنا يديكى الصحة والعافية

طبعا نزولا على رغبة الجماهير اى الميس الغلبانة

هنقسم شغل النهاردة على اليوم وبكرة

وهو كالتالى

البوتجاز والشفاط

الجدران

دواليب المطبخ

الشباك والباب

الارضية


ومننساش نغسل اسطوانة الغاز وننظف مواسير الحوض وكمان نشيك على البالوعة ونرمى فيها منظف قوى انا بنضفها بفرشة زى بتاعة التواليت

هو كده اتقسم خلاص

انا استسلمت

السلام عليكم ورحمة الله وبركاته..

اللهم بارك لنا في يومنا وبارك لنا في وقتنا وقوتنا..

اللهم أعنا على ذكرك وشكرك وحسن عبادتك..

كيف حالكم يا حلوين..

امبارح الحمد لله عملت (الفرن الكهربائي -الثلاجة والفريز الصغير-براد الماي-والغسالة-والمروحة)

والصور في منها قبل وبعد والفضايح باينة معلش..

هذا الفرن قبل..


من الداخل..



من الخارج

ولعت الفرن شوية ورشيته بمزيل الدهون للأفران



ودعكته كويس بس المشكلة انه صار فيه مكان الرش للمنظف وبعد ما خلصت قريت انه لازم واحد يكون حذر في اسطح الألمنيوم
يلا مش مشكلة لازم يكون في ضحايا بس المهم نظافة ومافيش دهون..



من الخارج



فاصل ونواصل

يلا نكمل

يا دي الكوسوف يا دي الكوسوف

شايفين الثلج ..طبعا عندي فريز كبيييير جدا وفيه ادراج واسعة بس زي ما تعرفوا عشان الكهرباء صار فاضي وباستعمل بس الفريز الصغير

فحاجاتي محدودة..




فضيت الفريز كله وشلت الثلج



وهذا بعد ما نظفته ونشفته



وهذا بعد ما رجعت الأغراض ورتبتها



وهذه الثلاجة قبل ..



وهذه بعد التنظيف



ثلاجة بعد

رميت حاجات واختصرت حاجات وحطيتها في حافظات اصغر




وهذه من الخارج







هذه الثلاجة اللي تجي تحت براد الماي حاطة فيها الدوا
طبعا رميت كتير عشان كان اكسباير


ونظفتها كويس



وهذا من برة



وهذه الغسالة قبل


وهذه بعد




والمروحة ما صورتها قبل لان كان لونها بني ههه

واستنيت زوجي عشان ينزلها وقطعها حتت..

ونظفتها كويس والحمد لله رجعت للونها الاصلي..


وباقي الأجهزة صراحة ما استعملها كتير عشان الكهرباء فانظفها اول اول وهي بالدولاب ومش محتاجة ..

وطبعا يا ام مريم والله بدعي لك طول الوقت عشان شجعتيني

لاني المطبخ قبل ما اسافر نظفته وطول هذه الفترة بس انظف على الوش

بس باطلب منك طلب يا حلوة

شوية شوية علينا يا مس..

ياريت تخففي عنا الواجبات

يعني واجب اليوم مستحيل اقدر اكمله كله ..

عشان وراية كمان حاجات تانية ..بنات ودراسة وباقي البيت وطبيخ وصيام

فلو تتفضلي علينا وتتكرمي تخففي عشان يكون العنوان مزبوط(( بيتي جميل ولطيف شغله بسيط وخفيف))

ده مش خفيف دي اشغال شاقة هههههههه

وبإنتظار باقي اراء المشاهدين

وكمان لازم نحط في الحسبان موضوع الصور

ده بياخذ وقت كتيييييييير

اولا نصور
ثانيا نعمل بلوتوث للجهاز
ثالثا افتح الصور من برنامج الرسام واصغر حجمها وكل واحدة اسميها
رابعا احمله من الرابط

وبس

يلا خليني اتشجع واعمل اللي اقدر عليه
ربنا يقوينا جميعا..

السلام عليكم

ماشاء الله تبارك الله الله ينعم بالعافيه يارب على الجميع والله يام مريم هتحايل على نورهان لان هى الى موبيلها بكاميرا تصورلى