افكار وتجارب ميرو السريع

Admin عدد المساهمات : 177

بسم الله والصلاة والسلام على رسول الله
اللهم اجعل عملنا خالصا لوجهك الكريم اللهم واجمعني واخواتي مع السفرة البررة اللهم آمين
اولا لازم نعرف حكم تعلم التجويد
بعض الناس معتقد ان قراءة القران بالتجويد ده للمشايخ اما احنا فنقراه عادي زي اي مقال اوكتاب
اما راي العلماء في تارك التجويد
بانه فاته الكمال ان كان عن جهل وآثم ان كان على علم ودراية
يعني طالما توفر للانسان وسيلة للتصحيح سواء كان بجمعيات التحفيظ او المحفظين في البيوت او عن طريق قراءة الكتب وسماع الاشرطة ورغم هذا ترك تعلم التجويد كسلا واهمالا فهو ياثم وكل انسان اعلم بنفسه ان كان مستطيع ام لا

_________________

Admin عدد المساهمات : 177

الاستعاذة اما تكون سرية أو جهرية
سرية
لو كان القارئ منفردا سواء كانت قراءته سرية او جهرية
واذا كانت في الصلاة السرية او الجهرية
واذا كانت القراءة سرية سواء كان القارئ في مجلس او منفردا
وتكون جهرية
عند افتتاح القراءة في المحافل او في مجال التعلم

Admin عدد المساهمات : 177

أعوذ بالله السميع العليم من الشيطان الرجيم
بسم الله الرحمن الرحيم
نبدأ بمخارج الحروف
المخرج : محل خروج الحرف عند النطق به وتميزه عن غيره
والمخرج اما يكون
مخرج محقق : هو الذي يعتمد على جزء معين من اجزاء الحلق او اللسان او الشفتين ويكون عنده انقطاع الصوت
بمعنى لما انطق مثلا حرف زي الباء اقول ابْ الصوت بيقف اول مانطق الباء
امافي المخرج المقدر :وهو المخرج الذي لايعتمد على جزء معين من اجزاء الحلق او اللسان او الشفتين وينتهي فيه النطق بالحرف بانتهاء الهواء
بمعنى لو هنطق حرف من حروف المد مثلا الواو هقول اووووو
طبعا كررت الحرف عشان بس تفهموا اني همد النطق بالحرف هنا مش هينقطع الا بانقطاع النفس عكس المخرج المحقق

Admin عدد المساهمات : 177

كيفية تحديد المخرج
تسكين الحرف بْ
ندخل عليه همزة وصل ابْ
نحرك همزة الوصل باحدى الحركات الفتح او الضم او الكسر
النطق بالحرف وحيث ينقطع الصوت يكون المخرج
يعني اي حرف عاوزين نعرف مخرجه نمشي على الخطوات دي ونتحسس بلساننا انتهينا فين والمكان ده هيكون هو المخرج

مخارج الحروف العامة او الرئيسية هي: الجوف -الحلق -اللسان - الشفتان -الخيشوم

اولا مخرج الجوف

الجوف :هو الخلاء الداخل في الفم والحلق
وحروف هذا المخرج هي حروف المد الثلاثة ا- و -ى
وتسمى حروف مدية جوفية هوائية مقدرة

كفاية كده والمرة الجاية نكمل ان شاء الله باقي المخارج

سبحانك اللهم وبحمدك اشهد الا اله الا انت استغفرك واتوب اليك

فنانه السرب عدد المساهمات : 450

نفسى بجد اتعلم
بس حاسه صعب ولا ايه

Admin عدد المساهمات : 177

ابدا والله يا دوللي ده سهل جدا جدا
بس المهم يكون فيه عزيمة واخلاص
واي حاجة تحسي انها مش مفهومه قوليلي ونحاول فيها تاني
وادعي ربنا كتير اللهم يسر ولا تعسر اللهم علمنا ماينفعنا وانفعنا بما علمنا

فنانه السرب عدد المساهمات : 450

ربنا يكرمك يارب
اصلى جوزى بدا فى الإجازه وبيتعلم
مخارج الحروف

وبحاول

Admin عدد المساهمات : 177

دوللي
استغلي بقى الفرصة وخليه يعلمك كل اللي هو بيتعلمه وربنا يفتحها عليكي وعليه

Admin عدد المساهمات : 177

ثانيا : مخرج الحلق
هو مخرج عام محقق لستة حروف وينقسم الى
اقصى الحلق: ويخرج منه حرفان هما ء - هـ
وسط الحلق : ويخرج منه حرفان وهما ع - ح
ادنى الحلق :ويخرج منه حرفان هما غ - خ
وتسمى هذه الحروف الست بالحروف الحلقية لخروجها من الحلق

متنسوش اي مخرج ناخده عشان نتدرب عليه ونعرف هو صحيح عندنا ولا لأ
نمشي على الخطوات السابقة لتحديد المخرج
يعني مثلا الهمزة نسكنها ونضيف لها همزة وصل مفتوحة اَءْ وننطق ونشوف الصوت هينقطع فين في الحلق ومكان ما هينقطع معانا الصوت هو ده مخرج الهمزة لازم نطبق عملي المخارج مش مجرد قراية ونفس الطريقة مع باقي الحروف

Admin عدد المساهمات : 177

ثالثا : مخرج اللسان
وهو مخرج عام محقق لـ 18 حرف وينقسم الى
اقصى اللسان : وفيه مخرجان لحرفين هما ق - ك
القاف : تخرج من اقصى اللسان مع ما يحاذيه من الحنك الاعلى من المنطقة الرخوة
الكاف : تخرج من اقص اللسان مع ما يحاذيه من الحنك الاعلى من المنطقة القاسية

والحنك الاعلى ده بالعامية يعني سقف الحنك البق يعني وده بيكون فيه حتة ناشفة فيها تعرجات هي دي القاسية ودي اللي بيخرج منها الكاف وحتة طرية وراها لجوة شوية ودي الرخوة ويخرج منا القاف

Admin عدد المساهمات : 177

والقاف والكاف يسميان حرفان لهويان لخروجهما بالقرب من اللهاة وهي اللحمة المشرفة على الحلق
اللهاة دي اللي لو فتحنا بقنا شوية كتير وبصينا في المراية بنشوفها في الاخر واللي كتير مننا واحنا صغيرين كان فاكرها لسان المزمار وده خطأ طبعا

يارب اكون قدرت اوصلكم ولو معلومة بسيطة وتكونوا فاهمين مني ولو في اي حاجة مش مفهومة يا ريت تقولولي عشان مبقاش بكتب وخلاص والله المستعان
سبحانك اللهم وبحمدك اشهد الا اله الا انت استغفرك واتوب اليك

عدد المساهمات : 238

جزاك الله خيرا يا ميرو
وجعله الله فى ميزان حسناتك

Admin عدد المساهمات : 177

وسط اللسان

وفيه مخرج لثلاثة حروف هي
ج - ش- ي الغير مدية
وتخرج من وسط اللسان مع ما يحاذيه من الحنك الاعلى
وتسمى بالحروف الشجرية لخروجها من شجر الفم وهو ماانفتح من منطبق الفم

حافة اللسان

وفيها مخرجان لحرفين وهما

ل - ض

اللام : تخرج من ادنى حافتي اللسان الى منتهى الطرف مع ما يحاذيه من لثة الاسنان العليا
يعني لما ننطق حرف اللام زي ماتفقنا نضع همزة وصل مفتوحة قبل اللام الساكنة الْ ونترك لسانا مكانه منفكهوش ونشوف هنلاقي اللسان لامس لثة اسنانا من اول الضاحكين اللي هما اول ضرسين بعد الانياب العليا يمين وشمال لغاية الثنيتين ودول السنتين الكبار اللي في النص فوق يعني كل الجزء ده من اللسان بيبقى مفروش في المكان ده مش زي ما بعضنا بينطق اللام من طرف اللسان بس اتمنى انكم تفهموني لان شرح التجويد بالكتابة بس انا اكتشفت انه صعب جدا لازم بالمشافهة يعني تكونوا شايفين وسامعين فسامحوني على جهدي

Admin عدد المساهمات : 177

الضاد : يخرج من اقصى حافتي اللسان الخلفية مع ما يحاذيه من الصفحة الداخلية للاضراس العليا

بمعنى حافتي اللسان اللي هما جانبين اللسان يمين وشمال اقصى الحافتين يعني اللي جوه خالص من عند منبت اللسان مع الاضراس العليا من الداخل

طرف اللسان

وفيه خمسة مخارج تفصيلية لاحد عشر حرفا
النون : يخرج من طرف اللسان مع ما يحاذيه من لثة الثنيتين العلويتين
يعني طرف اللسان مع لثة الاسنان اللي فوق في النص على بداية التعرجات اللي في اللثة في المكان ده لان بعد كده الراء هتكون بعدها شويه لورا في منطقة التعرجات دي

الراء : يخرج من طرف اللسان من جهة ظهره مع ما يحاذيه من لثة الثنيتين العلويتين
نفس اللي قولناه في النون من طرف اللسان وظهره يعني الجهة الخشنة للسان اللي فوق يعني مع مايحاذيه من لثة السنتين الوسطانية لورا اكتر في منطقة التعرجات من النون يعني مخرج الراء ورا مخرج النون شوية

تسمى النون والراء واللام بالحروف الذلقية لخروجها من ذلق اللسان وهو طرفه

Admin عدد المساهمات : 177

٣– الحروف النطعية : وهى (ط – د – ت) وتخرج من طرف اللسان من جهة
ظهره مع ما يحاذيها من أصول الثنايا العليا.
سميت بذلك : لمجاورة مخرجها نطع الحنك الأعلى (الغار).

اصول يعني المكان اللي بتنبت منه السنه
نطع الحنك او الغار يعني سقف الحنك والحنك يعني الفم

عدد المساهمات : 2612

انا قلت ده ممكن يساعد يا ميرو
موقع يعلمك التجويد خطوة بخطوة بالصوت والصورة

[size=12]بسم الله الرحمن الرحيم
موقع لتعليم التجويدموقع

http://forum.hawaaworld.com/showthread.php?t=2594166

Admin عدد المساهمات : 177

http://www.moslim.se/download/html/ayman/ayman_vuxen/ayman_vuxen.html

ده موقع رائع رائع رائع للدكتور ايمن رشدي سويد بيشرح كل التجويد صوت وصورة وكمان بالصور اللي قولتلكوا
عليها في كتاب حلية التلاوة وهيكون افضل قطعا من الدروس اللي انا بكتبها ربنا ينفعنا بيه

افكار وتجارب ميرو السريع

التورلي بالفراخ والبشاميل

ماكينه البيتزا وتطبيقاتها

العشر الأوائل من ذي الحجة

طريقه تجليد الكتب والدفاتر

اسرار و فنون التعامل مع الشرقي

كيك الفواكه المجففه حلوه اويييييييي

مجموعة كبيرة من الألعاب الحركية

كنتاكى الفراخ المقرمشه في الفرن بطريقة منال العالم

القطن بالخياااااااااار خياااااااال فعلا...

زراعه الجرجير والبقدونس فى البيت

تحميل كتب المدارس الأنترناشيونال

الاطعمه التي ترفع نسبه الذكاء عند الاطفال

حكاية التجويد