أفكار لبواقى الطعام

السلام عليكم ورحمة الله وبركاته
اخواتى سوف اعرض تجربتى مع بواقى الطعام ونحتسب النيه انها للمحافظة على النعم
وعدم التبذير لاننا سوف نحاسب على هذه النعم
بواقى اللحوم
تقطع صغير وتشوح مع بصله وتوابل وتتعمل شاورما
او تجمعيها فى الفريزر وتضعيها على خلطة البيتزا
او تعملى منها بيتزا المكرونه
او تحشى بيها البطاطس المسلوقه وتقليها ببيض وبقسماط
او تعملى منها بيوريه البطاطس
ونفس الشىء الدجاج لكن ممكن نعمل اضافه جديده للدجاج
انك تفرميها وتضيفى لها بيضه وتوابل وتشكل اصابع وتقليها
بواقى السمك
تفتت ويضاف لها توابل وليمون
وتسلقى بطاطس وتنعميها وتضيفى لها توم والسمك وتشكل اصابع
وتدحرج فى الدقيق وتقلى

بواقى الخبز
يقطع مربعات وعليه ملعقة زبده ويحمص فى الفرن
ووتضيفى له جبن مبشور
او زعتر ويكون تسالى للولاد
او تحتفظى بيه لعمل الفته
او اضافته للسلطات والشوربه
وفى اصناف كثيره للحلويات ببواقى الخبز
ومنها الكنافه الكذابه
او تطحنيها وتبقى بقسماط للقلى
بواقى الرز
وانتى بتعملى رز جديد قرب نهاية التسويه بتضيفيه للرز الجديد
او تجمعيه فى الفريزر وتعمليه مندى دجاج او لحم
او بتجمعيه فى الفريزر وتضيفى له عدى بجبه وحمص مسلوق وباقى مكونات الكشرى
ولما تخرجيه من الفريزر لخنيه على البخار بيكون كانه معمول حالا
بواقى المكرونه
تجمعيها فى الفريزر
وتعمليها بالبشاميل
او تضيفى لها حليب وبيض وعلى الوش جبنه رومى مبشوره ودخليها الفرن
ولو سلقتى مكرونه واكتشفتى بعد السلق انها كتيره
اعملى منها مكرونه بلبن وبتكون صنف حلو
بواقى المحشى
احتفظى بيها فى الفريزر
ويوم ما تعملى محشى جديد حطيه على الوش فى نهاية التسويه

تسلم ايدك يا سمسمه
وطبعا بواقى العش الفينو بعمل بيها بقسماط
ولو عيش ابيض بعينه فى الفريزر
واحمصه للفته او العدس او الفتوش

الطماطم باه
اهم حاجه عمله ليها علبه
لو قطعت شويه ومتكلوش اجمعهم واعمل صلصه

اى جبنا لو معجبتنيش طعهمها ببشرها واحطها فى الفريزر للبيتزا طعمها بيبقى احلى
وكذلك التونه
واى جبن عموما

ده اللى جاى على بالى دلوقت

تسلم افكاركم يا بنات
بعمل كتير منها


لو جبنة وطعمها مش عجبنى او بقالها فترة
بغسلها واحطها فى كيس فى الفريزر
وبطلعها بعد كده أعمل بيها حشوات معجنات او سمبوسة
بعد اضافة الزعتر او البقدونس او الكمون
بتبقى حلوة اوى

بشر البرتقال واحطة فى علبة صغيرة فى الفريزر والكيكات


لو عندى قرص جبنة رومى كامل
بنظفه بسيط وبقطع الطبقة الأولى واحطها فى كيس فى الفريزر
بستعملها فى البتزا او الحشوات او المكرونات

أفكار لبواقى الاكل
[ندعوك للتسجيل في المنتدى أو التعريف بنفسك لمعاينة هذا الرابط]