نصائح عن اهميه الرياضه وبدائلها فى المنزل
الرياضه اهم من اي حاجه في حياه الاطفال
بتحسن تنفسهم و نومهم و تركيزهم و بتزود ثقتهم في نفسهم
بتزود لياقتهم و بالتالي قدرتهم على المذاكره
تنشيط الدزوره الدمويه و بالتالي ميحسوش بالتعب بسرعه و يقدروا يقوموا باكتر من نشاط في نفس الوقت
بجد انا شايفه الرياضه بتبني ولادنا
و كمان تحميهم من اوقات الفراغ و تطلع طاقتهم
دا غير ان البنات كل ما بيكبروا الدهون بتترسب في جسمهم زياده و ييجوا بقى
على سن المراهقه تبقى ماساه و عشان تقنعيهم يلعبوا رياضه بمنتهى الصعووبه
فلازم تبني حب الرياضه فيهم من صغرهم
طيب دلوقتي مفيش وقت كفايه
و مفيش جيم قريب منك
يبقى من غير نقاش تجيبي جهاز رياضي في البيت
ممكن العجله الثابته ولو اني افضل الاوربت تراك راااااااااائع و بيحرك العضلات كلها
و نص ساعه في اليوم لكل بنوته و ليكي كمان و سعره حلو اوووي حوالي 650
بحيث يبقى زي الدواء كدا ميعاد محدد و اساااااااااااااسي يوميا ماعدا الويك اند
يااما تنزلي فيديوهات الرياضه في البيت و تشتغلي معاهم نص ساعه في اليوم برده
و نفس القصه يبقى اساااااااااااسي في حياتكم
ولا زم تغيري نظام اكلهم
تقللي النشويات و تزودي السلاطه و الفاكهه و العصاير الطبيعيه
تمنعي تماما المياه الغازيه دي كارثه و بتسبب كرش
تزودي عدد الوجبات على مدار اليوم يعني 6 وجبات بدل 3 عشان عضلات البطن تفضل قويه
متضعفش من كتر ما المعده مليانه
في العشاء يبقى زبادي و فاكهه و مكسرات
حاولي تستبدلي العيش الابيض بالبلدي او التوست الاسمر
يعني شويه تغييرات بسيطه هيتظبطوا و هيستجيبوا بسرعه جدااا لانهم لسه صغيرين
بس نصييييييييييحه متتاخريش و انت تشتغلي معاهم عشان تكوني قدوه ليهم
لعطر الشموع