لعروس النيل
ياريت تجربوا فكرة علبة الصدقه كل يوم حطى فيها حتى لو ربع جنيه بس اكسبى دعاء الملائكه
اللهم اعطى منفقا خلفا وبعد ما تجمعى مبلغ تصدقى بيه
ده غير النفحات ال ربنا ميسرها ليكى بس فكرة علبة الصدقه لتعويد الطفل على هذا الامر وعينه شايفه قدامه
الفكره وانتى بتجمعى فيها المبلغ وخليه يعد الفلوس معاكى كل فترة وكنت ادى منه لعمر فلوس يعطيها لاى عامل من عمال النظافه فى المدرسه
كان يبقى يومها طاير من الفرحه
وعملت معاه فكرة زجاجه بلاستيك وخرمناها وحطينا فيها رز عشان نعلقها فى البكونه للعصافير وتبقى صدقه
بس الجو هوا شديد مش قادرين ندخلها البلكونه
وما تنسوش الصدقه تقى مصارع السوء
كونى مع الله فى الرخاء يكون معاكى فى الشده
تفسير جميل للكلمه دى اننا احيانا لما بنمر بموقف خطير ربنا يعافينا حريق امر شديد فى ناس مش بتعرف تتصرف نهائى
وفى
ناس بدون ما تدرى ربنا يلهمها التصرف السليم وتكون فى منتهى القوة وتتصرف
صح وبعد انتهاء الموقف تتعجب ازاى هى قدرت تتصرف بالقوة دى
فنكون مع الله فى الرخاء ليلهمنا التصرف السليم فى الشده