لطريقة دى ان شاء الله هتجيب نتيجة حلوة
عشر معالق حنة-قهوة-نسكافيه-كمون حب-قرفة خشب "عشان ما تكلكعش-قرنفل -فلفل اسود اسود حب-نص لمونة-كوب زبادى-
"أنا اضفت جنزبيل كمان اللى هو بتاع الشرب اصلا من سيكم"
عملت كنكة قهوة تركى وسبتها تغلى حبة وعليها معلقة نسكافيه
ف كوباية هنحط كل التوابل اللى فوق دى ،ونصب عليها القهوة سخنة ونغطيها
هو الهدف اانا نستفيد من الزيوت اللى ف التوابل دى وكلها مفيدة للشعر،ونغطى الكوباية عشان فيها زيوت متطايرة
خمس دقايق كده ونبتدى نعجن الحنة
احتياطى نشيل معلقتين من الحنة على جنب عشاننظبط القوام
ونبتدى نعجن بالقهوة وهى دافية كده، وبعدها الزبادى
وآخر حاجة نص اللمونة
اول هنت لازم تبات ليلة -من 8لـ10 ساعات
لانى عرفت انها بتحتاج المدة دى عشان اللون بتعها يبتدى يظهر
تانى يوم خدى جزء منها على طرف صباعك لمدة ثوانى وامسحيه،لو ساب لون اورانج تبقى كده جاهزة للاستعمال
وده تانى هنت
لاننا ساعات بنستعجل وفيه حنة جاهزة مكتوب عليها سيبها ساعتين او تلاتة واشتغلى
تالت
هنت"هو أنا بأقول بالتفصيل عشان بجد الطريقة مهمة" غطى شعرك ببلاستيك
فيلم مش بونيه شاور ولفى كذا طبقة عشان يكون محكم وفوقه لفى طرحة كده زى
التربون لمدة 3 ىساعات ونغسله بالبلسم بس ممكن تانى يوم حمام زيت وشامبو
الطريقة نفسها اكيد عارفينها للتوزيع حوالين الشعر وكده
اهم حاجة ما تنسوش تدهنوا فازلين ع القورة وحوالين الودان والرقبة
النتيجة بقى الحمدلله
الشعر الابيض بقى نحاسى غامق بعيد خالص عن الاورانج اللذيذ
فيه تغيير ملحوظ برضه نسبيا ف طبيعته
ان شاءالله هاكتب برضه روتين لقيته لاستعمال الحنة بشكل دورى بس مش كعجينة
اللى تجرب ويعجبها تدعيلى بصلاح الحال
لزوجه مصريه