وردة البريوش وممكن تعملي بنفس الطريقه كرواسون ولاااااااااا احلي ولا اسهل من كده

بسم الله الرحمن الرحيم

الطريقه لأخت في منتدي تاني ربنا يكرمها ويباركلها
هنزل مقاديرها وصورتها الاول

[ندعوك للتسجيل في المنتدى أو التعريف بنفسك لمعاينة هذه الصورة]


روحت اعمل كوبي من هناك لقيت المنتدي مش بيقبل
يالا ماعلينا

ده الرابط
[ندعوك للتسجيل في المنتدى أو التعريف بنفسك لمعاينة هذا الرابط]

هكتبلكم الطريقه الي عملتها بيها باتفصيل وصورتي

المقادير

700 جرام دقيق
250 حليب
125 زيت
معلقة سكر
معلقة ملح
100 جم زبده بحارة الغرفه للعجينه
100 جم زبده سايحه لدهن الطبقات
بيضتين
معلقه كبيره خميره
صفار بيضه لدهن الوجه انا مش بحب البيض علي الوش بدهن بحلي ببودر مدوب بنقطتين مايه



الطريقه

دوبت الخميره والسكر في الحليب الفاتر واوعي يكون سخن احسن يبوظ الخميره

االدقيق عليه الزبده والملح الاول ويتعجن كويس ونضيف الزيت والبيض والفانيليا واخر حاجه الحلي بمع العجن كويس بين كل اضافه
ولما يتعجن كويس جداااااااااااااا
يعني العجينه تتلم وتبقي حته واحده متملكه نغطيها ونسيبها نص ساعه تخمر
[ندعوك للتسجيل في المنتدى أو التعريف بنفسك لمعاينة هذه الصورة]

علي الرخامه نلف العجينه رول وبالسكينه نقسمها نصين
وناخد نص ونقطع منه تقريبا ربعه او اقل عشان الدايره الصغيره ايل في النص
ونقسم النص ده عيل اربع اجزاء ونسيبه علي جنب لأنه هيشكل الجزء الداخلي للورده

والنص الاكبر ايل في الاول هنقسمه اربع اجزاء وكل جزي نفرده بالنشابه ( علي فكره العجين بيتفرد من غير دقيق سهل اوي ماشاء الله )
وبعد مافردنا 4 دواير بقطر علي قد الصينيه الي هعمل فيها
احط اول دايره وادهنا زبده وفوقيها التانيه وهكذا واخر دايره مش ادهنا حاجه
واحطها في الصينيه واقطع القطرين ( علامة + ) طبعا مش نوصل السكينه لحرف الدايره الخارجي
ونقلبها زي طريقة صاحبة الموضوع
[ندعوك للتسجيل في المنتدى أو التعريف بنفسك لمعاينة هذه الصورة]


والجزء التاني بتاع العجينه نعمل فيه نفس الطريقه
فيه هنا ملاحظه مهمه
بعد ماحطيت الاربع طبقات عشان اساويهم ويبقو علي قد المساحه الداخليه ايل في الصينيه جبت طبق مدور تقريبا قدها
وقطعت الدواير عيل قده

[ندعوك للتسجيل في المنتدى أو التعريف بنفسك لمعاينة هذه الصورة]
والحتت ايل باقيه شيلتها في الفريزر ممكن اطلعها يف اي وقت والفها بأي طريقه وعيل الفرن عدل ماهي جاهزه بزبدتها وتمام


نرجع للورده
نقطع الدايره التانيه بنفس الطريقه بحيث ان كل قطر بنقطعه يكون في منتصف ورقه من الطبقه الخارجيه
وطبعا مش بنقطع للاخر



[ندعوك للتسجيل في المنتدى أو التعريف بنفسك لمعاينة هذه الصورة]

ونقلب الورق براحه وفي الاخر نحط الكوره ايل في النص وندهن لبن بودره او بيض ونرش سمسم وحبة البركه زي ماتحبي

ونخبزها يف فرن حرارته متوسطه تقريبا اخدت ساعه الا ربع


ودي صورتي





علي فكره انا لخطت في الرسمه شويه ههههههه بس عشان اول مره
وكتبتلكم الحاجات ايل اتعلمتها عشان تعملوها احلي مني ان شاء الله
ولو عملتها تاني هنزلها بأذن الله