الخيار المخلل بس بطريقة جديدة جامدة مووووووووت:
أولاً بأغلى ماء حوالى نص حجم البرطمان اللى ح اخلل فيه الخيار ويترك على جنب
ثانياً باجيب برطمان كبير وأضع فيه الآتى:
بصلة صغيرة مقطعة إربع - 2 فص ثوم صغير كل فص مقسوم نصفين - كرفس طازج حوالى 2-3 فروع مقطعين بالايد عشوائى - 3 فلفل حامى مقطع نصفين - 3 ملعقة كبيرة ملح - نصف ملعقة صغيرة فلفل اسود مطحون - مقدار 2 قيراط خل (حوالى صباعين) - جزرة صغيرة مقطعة حلقات
يخلط كل ذلك فى البرطمان ما عدا الفلفل الحامى
نصب عليه الماء المغلى حتى يملأ الماء حوالى نصف البرطمان (عشان لما نضيف الخيار ما نرميش الماء هو ح يعلى لوحده)
نترك الماء حتى يبرد نهائياً ويصبح كأنه ماء من الحنفية بارد خاااااالص
يغسل الخيار الرفيع ويقطع إلى نصفين أو حلقات أو بالطول بأى طريقة تفضلونها ثم نضع الفلفل الحامى وعشان يختلطوا كلهم مع بعض باجيب طبق غويط وافرغ محتويات البرطمان فيه واخلطهم مع الخيار فى الطبق وارجعهم تانى فى البرطمان عشان ما يبقاش البصل والجزر متركزين تحت وأضعهم تانى فى البرطمان وكل فترة أقلب البرطمان على ظهره ثم بعد فتره أعدله تانى ويصبح الخيار جاهز تانى يوم على طول ............... الطريقة دى أنا مجرباها وطعم الخيار مختلف جدااااااااا وأحلى 100 مرة من الطريقة العادية
ملحوظة: لو مافيش كرفس ممكن أحط بقدونس بس طبعا الكرفس بيعطى الخيار ناكهة حلوة قوى...................... جربوها وقولوا لى رأيكم ........... وبالهناء والشفاء
الأحد 25 سبتمبر - 9:40
