عملت شوربة خضار
محشي كرنب
صنية مكرونة بالبشاميل
فتة شاورما سورى بالفراخ والرز البسمتى ومعاها سلطة زبادى
لحمة مسلوقة ومحمراها فى سمن وزت وصلصة وتوم
والحلو موز ويوسفى وعملت فروت سلاد واختى جابت تورتة اكلناها
بس الحمد لله الاكل كان ما شاء الله جميل جدا وعجبهم
شوربة الخضارشوحت
جزر وكوسة وبطاطس فى معلقة زيت وحتة سمن بلدى ورشة فلفل اسود ومعاهم كررات
متقطع صغير خالص وبعدين نزلت بالبسلة وبعدين الشوربة واخر حاجة عودين كرفس
مفرومين صغير خالص
الكرات والكرفس ما شاء الله عملوا شغل حلو اوى
المكرونة بشاميل بعمل
عصاج وبضيف عليه رشة قرفة ومعلقة كبيرة صلصة وقلبة ينشف اخلبطة كله مع
المكرونة واحطة فى صنية وعلى وشة البشاميل دقيق ولين وشوربة وملح وفلفل ونص
كيس موتزريلا
بيبقى وااااااااااااااااو باعتراف الحضور
فتة السورى
بحمر عيش شامى مقطع صغير فى زيت بس امبارح اتزنقت فى الوقت فحمصته فى الفرن وكمان اخف
وبعمل رز بسمتى ابيض عادى
والفراخ
بانية كنت متبلاها امبارح فى ملح وفلفل وبصل وخل وحبهانه واحدة وشوية
بهارات شاورما بضربهم فى كبة واصفيهم وانقع البانية فيهم
بس فى طاسة
فىها شوية زيت بقطع البانية صغير وانزل بيه واقلب اقلب لما يشرب ميتة احط
الخضار فلفل - كرات -طماطم وقلب قلب واضيف ملح وفلفل وبهارات والاخر اقلب
معاه معلقة بقدونس مفروم
وبعمل تقليةتوم صلصة وخل وشوربة زى بتاعى الفتة العادية
وارص الصوانى طبقة عيش وارشرشهم بشوية شوربة وصوص
وبعدي نعليها الرز وارشرشه وبعدين طبقة الفراخ وارش برضه صوص عليها وبس
روشانا
الثلاثاء 16 أغسطس - 22:53
