احلى واسهل واوفر 3انواع بسكوت من مطبخى

[ندعوك للتسجيل في المنتدى أو التعريف بنفسك لمعاينة هذه الصورة]

ازيكم يا احلى بنات
يارب تكونوا بخير وفى احسن حال
النهاردة جيبالكم 3انواع بسكوت من مطبخى حلوين وسهلين وموفرين كمان
اول نوع
بسكوت الينسون
[ندعوك للتسجيل في المنتدى أو التعريف بنفسك لمعاينة هذه الصورة]


المقادير:
2.5 كوب دقيق
1/3 كوب زيت
1 كوب سكر بودرة
4 بيضات
1 ملعقة صغيرة فانيليا
1 ملعقة كبيرة بيكنج بودر
1 ملعقة كبيرة يانسون
الطريقة
يضرب البيض جيدا مع الفانيليا بالمضرب مع اضافة السكر حتى يغلظ قوامه ويصبح كالكريمة
ثم يضاف الزيت والينسون مع الاستمرار الخفق
ينخل الدقيق والبودر ويضاف مع التقليب بخفة وبنلاحظ ان القوام اتقل من خليط الكيك
تدهن صينية مربعة مقاس 30*30 او اى صينية كبيرة بالسمن وترش بالدقيق ويصب فيها الخليط ويساوى السطح وممكن تبلى ايدك بالمياه وتساوى الخليط
[ندعوك للتسجيل في المنتدى أو التعريف بنفسك لمعاينة هذه الصورة]
تدخل فرن حار

وبعد ما تخرج من الفرن تترك لتهدأ وتقطع شرائح بالطول والعرض ثم ترص فى الصوانى مرة اخرى
[ندعوك للتسجيل في المنتدى أو التعريف بنفسك لمعاينة هذه الصورة]

وتدخل فرن هادى حوالى 10 دقائق
وده شكلها
[ندعوك للتسجيل في المنتدى أو التعريف بنفسك لمعاينة هذه الصورة]

تانى نوع
بسكوت البرتقال
[ندعوك للتسجيل في المنتدى أو التعريف بنفسك لمعاينة هذه الصورة]
بنفس مقادير وطريقة بسكوت الينسون مع اختلافات بسيطة
بدل الينسون بنضيف بشر برتقالة وعصيرها
وبنزيد كمية الزيت لتصبح نصف كوب

وهنا النوعين مع بعض
[ندعوك للتسجيل في المنتدى أو التعريف بنفسك لمعاينة هذه الصورة]
تالت نوع
بسكوت الزبدة البسيط والرائع

[ندعوك للتسجيل في المنتدى أو التعريف بنفسك لمعاينة هذه الصورة]

المقادير
3كوب دقيق
2م ص بيكنج بودر
1كوب سكر بودرة
2بيضة
فانيليا
5م ك مليانة زبدة لينة
الطريقة
بالمضرب الكهربا بنخفق السكر والزبدة حتى يصبح القوام كريمى
ثم نضيف البيض والفانيليا مع الخفق
ثم الدقيق والبودر ونلم العجينة بايدنا وندخلها التلاجة تتماسك حوالى 10 دقائق
ثم نشكلها بالماكينة
[ندعوك للتسجيل في المنتدى أو التعريف بنفسك لمعاينة هذه الصورة]

ونخبزها فى فرن حار

اتمنى تكون بسكوتاتى البسيطة عجبتكم
فى رعاية الله وحفظه

تسلم ايديكى وعنيكى يا ام حازم
شكلهم روووووووعه

ما شاء الله اشكالهم رائعة يا ام زومة
تسلم ايدك يا قمر
على فكرة انا نازلة مصر قريب ورقمك معايا هكلمك لما اوصل باذن الله
اخبار دينا ايه فى الاختبارت يارب تكون كويسة
وتكون الاختبارات سهلة

تحفة ما شاء الله

اخر نوع شبة البتيفور شوية ؟؟
والفرن على كام وقد اية وقت ؟؟

mado كتب:

تسلم ايديكى وعنيكى يا ام حازم
شكلهم روووووووعه

تسلمى يامادو ياقمر ربنا يكرمك

عطرالشموع كتب:

رااااااااائع فوووق الرائع كمان
تسلم ايديكي يا ام حازم
والله حاجتك الفرجه عليها بس ممتع امال لو دقناها

انجى حبيبتى ربنا يخليكى وتسلمى لى على كلامك الجميل

أم دينا كتب:

ما شاء الله اشكالهم رائعة يا ام زومة
تسلم ايدك يا قمر
على فكرة انا نازلة مصر قريب ورقمك معايا هكلمك لما اوصل باذن الله
اخبار دينا ايه فى الاختبارت يارب تكون كويسة
وتكون الاختبارات سهلة

مصر كلها هتنور بوصولك ان شاء الله ومستنية اسمع صوتك بفارغ الصبر
ودينا الحمد لله الاختبارات اللى عدت تمام عقبال الباقى ان شاء الله

roshana كتب:

تحفة ما شاء الله

اخر نوع شبة البتيفور شوية ؟؟
والفرن على كام وقد اية وقت ؟؟

هو فعلا قريب اوى من البيتيفور
والفرن اعلى من المتوسط يعنى تقريبا على200 وبياخد حوالى من 10 ل15 دقيقة
بس خلى معالق الزبدة مليانة واستعملى سكر بودرة
وان شاء الله هيعجبك

روووعه ياام زوما

عجبني الي بالزبده

وسهل جدااا

الله يسلم هالايادي