اصناف عيد ميلاد سجى

بسم الله ما شاء الله

[/img]

[img][/img]


صور بوفية عيد ميلاد سجى اتفضلوا





دي طريقة تورته الارنب
عجبتني اوي و كان طعم الكريمه بتاعتها اكتر من روووووووووووووووعه
عايزة اقوللكوا وقفت انا و جوزي ف المطبخ جنب البولة اتغدينا منها
بس طبعا انا ما عملتش الكريمه بالالوان
كريم بودر عادي انا باشتري بالكيلو من العطار بس اللبن ضربت فيه اربع حبات فراولة كبار
مع كيس جيلي فراولة بس طعمها تحففففففففففففففففففففففه بجد
و خلوا بالكوا تتاكل ف يومها علشان الجيلي طعمه بيغير شويه
انا بس اللي اخدت بالي م الحكاية دي

ماشاء الله
عقبال 100000000000000000000000سنه

هههههههههههههههه
ماشي يا مادو شغاله على طول
ماشي يا ستي
كل سنه و انتوا طيبين

دي تورته الفواكة

الكيك الاسبونج دي مقاديري مش فاكرة جايباها منين هههههههههه
زهايمر

8 بيضات
1.5 كوب سكر مش مطحون
2 كوب دقيق
ملعقة بكنج بودر
ذرة ملح

الطريقة
بنضرب البيض و السكر ف المضرب لحد ما يتضاعف حجمه
و كل ما نضرب اكتر كل ما الكيك يكون احلى
و بعدين نضيف الدقيق واحدة واحدة و نقلب بمعلقة خشب اكسات

ونصب الخليط في صينيه مستطيلة
و تدخل فرن حار ع العالي لمدة عشر دقايق
و بعدين نهدي لننار متوسطة من غير ما نفتح
عليه و بتفضل تقريبا 30:40 دقيقة

باعمل الكيك قبلها بيوم بيسهل التقطيع وا لتزيين

شراب خفيف :1كوب سكر
1كوب ماء
و يغلي غلوتين و بس

تقطع الكيك نصفين او ثلاثه زي ما تعرفي
و نقلبها على وشها علشان القعر بيكون متساوي اكتر

نسقي الكيك بالشراب
و بادهن طبقى كريمة
قطعت فاكهه فراولة و موز و بالمعلقة وزعت كريمة
و بعدين بالسباتيولا حاولت اساوي
و بعدين الطبقة التانية

و الوش
عملت الكريمه تقيلة شوية يعني تقللي اللبن شويه
باستعمل الكريمة باودر بالكيلو من عند العطار
بتفردي طبقة الاول خفيفة نوعا للتغطي
و تدخل التلاجة شويه
وب عدين تخرج
قطعت الفراولة انصاف و حاولت اساويها بمقاس واحد ف طولها
يعني الكبيرة اوي شلت حته من عند مكان الحته الخضرا فاهمين قصدي
و الكيوي شرايح رفيعة اوي
بس و عملت الاول دور فراولة و بعدين دور كيوي بس الكيوي مرصوص فوق بعضه شويه
مش عارفه اصورة مش واضحة اوي
و بعدين حواليها من الطروف وردات كريمة علشان تدي شكل متساوي
والجناب شيكولاته الوان بردو من عند العطار

دي تورته الكمبوت






نفس طريقة الاسبونج
و الشربات


بس ف النص كريمة و قطعت شرايح كمبوت خوخ
و الوش كريمة بيضا
و عليها صوص شيكولاته كان فاضل بالمعلقة كده عملت منه خطوط سيرياليه هههههههههه
و قطعت فرولة شرايح رفيعة و داير حوالين الكيك
و ف النص واحدة من الكمبوت شرايح و عملتها مروحه و معاها كام شريحة كيوي
و 2 كريزة حمرا
و الجوانب شيكولاته مبشورة

دي تورته كان طعمها فظييييييييييييييييييييييييع

استبدلت ربع كوب دقيق بربع كوب كاكاو
و نفس الخطوات
ف النص كريمة بمبي بتاعة الفراولة و الجيلي
اللي كانت فاضلة من تورته الارنب
و ع الوش صوص شيكولاته
عملته بالويم كده
كوب لبن مكثف بطريقة ام خالد
حطيته يغلي ع النار
و ضفت عليه كوب ونص شيكولاته مبشورة و قلبت لحد ما ساح
و سبته يبرد تقل جداو بقى وااااااااااااااااااااااااااو
بس كان مسكر شويه
عايزين نقلل السكر او الشيكولاته تكون بدون سكر

و ع الوش صبيتها لما بردت بس من غير ما اعملها بالسباتيولا
كل ده على سلك علشان تصفي الزيادة
و بعدين بقمع التزيين كتبت اسم سجى
و الجناب عملت شرايط بالكريمة البيضا
هههههههههه بس كانت بتتزحلق
يعني لو حد ح يجرب بلاش الشرايط دي
و اعملي كريمة بيضا مبشورة مثلا

كدة الاربع تورت

ندخل بقى ع البسبوسة:
1.5كيلو دقيق بسبوسة
2كوب جوز هند
1.5كوب سكر
2كيس بكنج بودر
و باعجن بالويم اللبن يعني زي ما تدي معاكي
و كام معلقة سمن بالويم بردو يا جماعه ههههههههههه
يعني تقريبا 6 ملاعق سمن و شوية زيت ههههههه بالويم بردو
يعني مثلا ربع كوب
و نقلب و المقدار ده عمل 3 صواني كبيرة
و طريقة الشربات العادي

الكنافة
كيلو كنافة
باقطعها و تتعمل عادي
بس الفكرة ف البشامل الحلو
بشامل عادي زي بتاع المكرونه بس باضيف ع اللبن سكر و باحذف البيض
و دي بتتاكل دافية بتبقى رووووووووووووووووووعه

سلام بقى

ماشاء الله يا قمر..ربنا يخليلك سجى وتفرحى بيها وتعملى اعياد ميلاد اولادها

استاذ ورئيس قسم
هههه ما شاء الله عليكى بجد

البيتزا كمان اهى بطريقتك
الميني بيتزا :
عملتها بمقادير الكيلو علشان ربنا كان مبارك ف المعازيم
(كيلو
دقيق+معلقة ملح صغيرة+2 بيضة +قطعة زبد تقريبا معلقتين /خميرة معاها شوية
سكر و مية دافية ) و تعجبن و تتلم ف الاخر بالزيت تقريبا نصف كوب زيت و
تخمر
بس السر يا جماعة انها ترتاح ف التلاجة باحب عجينه البيتزا اسيبها في الثلاجة يوم قبل العمل

ما شاء الله عليكي ياشيمو عقبال ما تعملللها في فرحها يارب

مشمش
ماشاء الله لا قوه الا بالله
تسلم اييييييييييييييييييدك
و عقبال فرحها يارب
بجد الله ينور الله اكبر عليكي
مكنتش فاكره الشطاره كدا ماشاء الله
طب انا عايزه حاجه بالكريمه اتصرفي بقى هههههههه

ماشاء الله تبارك الله ربنا يبارك فيها وعقبال ما تعملي بوفيه اعياد ميلاد اولادها ان شاء الله يا شيمو

شكرا يا بنات ع التشجيع
و من عينيي اي طلبات واوردرات انا جاهزة
اديتوني قلم جامد ف نفسي

تطبيقى لتورته شيماء
بس انا سقيتها بشربات الكمبوت وزينت بيها

[img]