ساندوتشات بكل الطرق ..للمدرسة ..فطار وعشا و حتى غدا فى السريع

السلام عليكم ورحمة الله وبركاته
لقيت القسم الغلبان
دا محدش كاتب فيه حاجة قولت لما افكرله كدا فى موضوع حيوى وافتكاسة [ندعوك للتسجيل في المنتدى أو التعريف بنفسك لمعاينة هذه الصورة]

السندوتشات ...بما اننا لسه فى موسم المدارس وكمان الصيف داخل علينا فبنحتاج تجدييد فى الفطار والعشا ...
حنحاول بقدر الامكان اننا نعمل من نفس المكونات اللى عندنا فى البيت بتاعة السندوتشات التقليدية..ساندويتشات بطعم جديد [ندعوك للتسجيل في المنتدى أو التعريف بنفسك لمعاينة هذه الصورة]
ونحاول برضو ...يبقى فيها اصناف تنفع كا غدا من باب التجديد ..وطبعا يبقى جنبها نوع من السلطات المفتكسة برضو ...وكاننا روحنا المطعم

انا حاقولكو على كام حاجة جربتها ...وانتو بقى تبدعو بعد كده
بصوا بقى كل واحدة تكتب مشاركة لازم يبقى فيها ساندويتش ...ماليش دعوة ..تتصرف بقى يا اما من خلاصة تجاربها ..يا اما من الحاجات الكتييرة اللى مالية المنتديات ...انا رزلة صح.
.ههههههههههههه
المهم ان كل مشاركه يبقى فيها نوع واحد بس من السندوتشات علشان اللى بيقرا مش يتوه
..معلش انا عارفة انى بغلس بس انا عارفة ان انتو بتحبونى ومشحاهون عليكو
يلا نبدا... [ندعوك للتسجيل في المنتدى أو التعريف بنفسك لمعاينة هذه الصورة]

ساندوتش البطاطس المحمرة يالجزر المبشور
نحمر بطاطس نكون مقطعنها رفيع شوية ..وبعدما تطلع من الزيت وهى سخنه نرش عليها ...ملح +فلفل اسود+كمون.+توم بودرة...ونسيبها على جننب
فى ازازة مستردة قديمة"لما بتخلص انا بغسلها واحتفظ بيها وحتعرفوا ليه دلوقتى"
حنحط ..2معلقة كاتشاب وزيهم مستردة وزيهم مايونيز..وممكن معلقة خل صغيرة اوى ...نقفل العلبة ونرج
نجيب العيش الشامى او اللبنانى او حتى الفينو العادى ....جو العيش نحط جزء من صوص الكوكتيل الل احنا عاملينه فى ازازة المستردة ونوزعه كويس جوه العيش..وبعدين نحط البطاطس المحمرة,,,وفوقيها خط من نفس الصوص.ورشة جزر مبشورصغير اوى ورفيع...واخيرا رشة جبنة رومى مبشورة
ممكن تتاكل على طول ...او لو عندك ساندوتش ميكر ..ممكن تحطى فيه الساندوتشات لحد ما الجبنة تسيح
طريقة تانية لنفس الساندوتش ...ودى انا اكلتها فى مطعم ...كانو حاطين مع البطاطس ونفس الخلطة اللى فتت بصل متقطع رفيع اوى وتقريبا منقوع فى خل من قبلها علشان كان طرى وطعمه زى المخلل شوية
ممكن اضافة اكتر من نوع جبنة ..ولول موتزاريلا بقى ومعاها شيدر كمان يا سلاااااام

ساندوتش التونة بالزبادى والجزر المبشور والفلفل الخضر والبصل
علبة تونة تتصفى من الزيت..ونخلط عليعا علبة زبادى ومعلقة مستردة وفلفل اسودوملح
ونبشر عليهم جزرة رفيع وشرايط رفيعة من البصل "ويا ريت ننقعه فى شوية خل وبعدين نصفيه ونستعمله
وكمان فلفل رومى متقطع بردو شرايط رفيعة..نخلطكل دا مع بعضه ..ونحشي بيه العيش الفينو او البتى بان..لان انواع العيش التنية مش تستحمل الخلطة دى وحتفرفت
..اضافات اخرى...ممكن زيتون اخضر او اسود حسب الرغبة..ممكن نعصر ليمون برضو مافيش مشاكل
جبنة اسطانبولى ..تتهرس بالشوكة وتحطى منها رشة مع الخلطة دى ...تحفة

ايج سلاط ساندوتش
بيض مسلوق..يقطع مكعبات بقطاعة البيض ...نحط البيضة على القطاعة بالعرض وبعدين بالطول ...تتطلع مكعبات
عليها
مستردة ومايونيز ومكعبات طماطم وجبنة بيضاء اسطانبولى مهروسة مع كمون وفلفل اسود....اللى عايز يزودملح ممكن بس الجبنة اساس بتبقى كافية....نخلط كل الحاجات دى مع بعض ونستخدمها كحشوة للبتى بان او العيش الشامى
اضافت اخرى...ممكن اضافت الشبت المفروم او الزعتر ..حسب الرغبة

ماشاء الله

عمرى ما جربت لا مايونيز ولا مسترده

ساندوتشات الربيان...الجمبرى
منقول من عالم حوا

http
://forum.hawaaworld.com/showthread.php?t=2463842

ساندوتشات الدجاج الميكسيكى
[ندعوك للتسجيل في المنتدى أو التعريف بنفسك لمعاينة هذا الرابط]

ما فيش تشجيع من اى حد باى ساندوتش يا جدعان فين اباطرة قسم الطبخ... [ندعوك للتسجيل في المنتدى أو التعريف بنفسك لمعاينة هذه الصورة]

واوووو تسلم ايدك يا ايناس لسه امبارح بفكر في الموضوع ده برافو عليكي هيبقي ان شاء الله موضوع تحفه وهيريحنا كتييييير
ويالا مش هادخل بايدي فاضيه هاكتب واحد في السريع عشان مخدش مخالفه وبعدين ان شاء الله ادخل بواحد بالصور

لسه امبارح كانت بنوتي شبطانه في سندوتش موز وعليه بينت بتر باخد معلقتين منها وعليه معلقة عسل ورشه خفيفه قرفه واقلبهم كويس وياسلام لو عندك علبه من بتوع المسطرده او الكاتشب الفاضيه زي ما انتي عامله كدة ونعملهم عالموز كده زي شريط المسطرده او تدهنيها طبقه في الساندوتش وبعدين ترصي عليه حلقات الموز يا ساتر رغي رغي رغي وهو بسيط خالص

روانيو....تسلم ايديكى يا قمر..وبمناسبة بقى ان انتى قولتنا ساندوتش حلو انا حاقلدك واقولكو برضه على ساندوتش طعمه خرافة وانا جربته شخصيا
ساندوتش مربى الفراولة بالطحينة
ندهن عيش التوست طحينة وبعدين عليها المربى وطبعا هى زى فكرة البينت بتر بس بمكونات مختلفة وطعمها تحفة
وممكن طبعا بالفينو
وفى ساندوتش ..بقى ادمان عندى والسبب فى رشاقتى طبعا...ههههههههههههههه
ساندوتش الحلاوة الطحينية بالموز
نعمل ساندوتش خلاوة عادى جدا بس نضيف ليه شرايح موز...وووووووووووااوووووووووو
مقولكوش بقى

عشان خاطرك بس ياجميل بس معلش اعذرينى مش حينفع انزلهم كلهم مرة واحدة
لما الدني تهدى عندى والعيال ينامو ححاول اسهر وانزلهم كلهم بالصور فى الصفحة
ساندوتش النهاردة...سانوتش القرنبيط البانية بالمستردة والبطاطس المحمرة
نسلق القرنبيط ونقطعه رفيع اوى...ونضيف ليه الخلطة التالية
2 بيضة +نص كوب لبن+3ملعقة دقيق +ملعقة نشا+ملح+فلفل+كمون+بقدونس مفروم
نضبط قوام الخلطة دى بحيث انها تكون سميكة..علشان تمسك على القرنبيط يعنى ممكن نزود الدقيق
ممكن نضيف كمان بصل متشوح وفلفل اخضر حسب الرغبة
انا بقليها بلمعبقة..فبتبقي اقراص صغيرة.
وطبعا بحمر معاه بطاطس
ونعمل بيهم سانوتشات فى العيش الشامى او البلدى العادى
ونضيف المستردة داخل الساندوتش
او ممكن صوصو الكوكتيل اللى وصفته قبل كده
مع رشة فلفل اسود