الطرق الشهيه للفراخ المشويه

[ندعوك للتسجيل في المنتدى أو التعريف بنفسك لمعاينة هذه الصورة]



السلام عليكم ورحمة الله وبركاته


فكرت اعمل موضوع متخصص ففراخ المشويه في الفرن
ويكون فيه كل الطرق الي نعرفها ليها
وياريت كل واحده تكتب طريقتها واي طريقه جديده


طريقة غسل الفرخه

انا بغسلها بادقيق والملح وانقعها شويه في الخل
وساعات انقعها بعصير لمون وخل

الطريقه دي الفرخه بتكون سليمه وبالجلد بتاعها


التتبيله

بصل مبشور وتوم وعصير طماطم او معلقة صلصه وبهارات وملح وفلفل
ونتبلها قبل الشوي بساعتين او قبلها بليله
ونجيب زجاجة كاتشاب او بيبسي فاضيه ونملاها مايه وشوية زعتر او ريحان ونوقفها في صينيه (( انا بستعمل طبق فويل عشان ارميه بعد كده ))

وندخل الفرخه فوق الزجاجه وندخلها الفرن وكل شويه نلفها لحد ماتستوي وتتحمر تقريبا بتاخد ساعه ونصف

ماشاء الله والله بتطلع تحففففه والازازه مش بتتكسر

طريقه تالته

صويا صوص عادي وتوم مفروم وبصل وزعتر ناشف وملح وفلفل وبهارات ونتبل الفراخ
ونحطها في صينيه ونغطيها بالفويل وندخلها الفرن نفس الطريقه الي فاتت

طريقه رابعه

التتبيله

معلقتين كبار سماق ونص كوب لمون وربع كوب خل وربع كوب صويا صوص وبهارات وفلفل اسود وطبعا مش نحط ملح عشان الصويا صوص مالحه
ونتبل الفرخه ونسويها بنفس الطريقه ايل فاتت

غسيل الدجاج بخل وكركم

التتبيله المفضله

2م ك عسل

2م ك صوياصوص

2م ك معجون طماطم

ربع كاس زيت زيتون

فلفل اسود

شطه وفلفل شيري مجفف على هواكي

تخلط وتتبل الدجاجه فيها وكل ماطولت طلعت اطعم

تدخل الفرن بصينيه مغلفه بالقصدير

ولما تستوي نشغل الشوايه

التتبيله 2

زبادي وزنجبيل

وكركم وروزماري وملح وفلفل اسود

والطريقه دي لورده مفتحه

دجاج علي الطريقه الايرانيه


الاكل دي شوفتها ف منتدي تاني و عملتها و من وقتها و انا مدمنها انا و جوزي
دجاج على الطريقة الايرانية
اول شي تجيبن الدجاجه وتغسلينها زين وتحطينها بصينية فرن وتتبلينها بملح وفلفل اسود وقرفه
بعدين تذوبين ملعقة صلصه مع ماي وشوي زبده وتدهنين فيها الدجاجه بشكل كامل يعني تغرقينها
وتقطعين بصل وطماطم وبقدونس و قطع قمر الدين وشوية زعفران وملعقة عسل تخلطينهم وتحطينهم فوق الدجاجه
وتغلفينها بالقصدير وتحطين شوي زيت وتفتحين فتحه جانبيه عشان تطلع محمره وتدخلينها الفرن تستوي
انا سويت معاها رز ابيض عادي وحشوة بصل محمر مع زرشك(رمان مجفف) ورشة سكر وفلفل

ودي كمان لورده مفتحه

انهارده هشرح لكوا طريقه فراخ مشويه وااااااااااااااو
طريه و حلوه اوي
اول حاجه بنجيب الاوراك مش الصدرو
و بعد ما ننظفها كويس
بننقعها ف ميه و ملح و و سكر بني
و لو مش عندك سكر بني حطي سكر عادي و معاه معلقه صغيره عسل اسود

و بعد النقع بتسخني المقلايه اللي فيها خطوط دي لو مش عندك مش مشكله مقلايه عاديه بس تكون ممكن تدخل الفرن
و تعملي تتبيله مكونه من زيت توم زعتر و تحطي الفراخ فيها و بعدها علي المقلايه

يدوب تاخد لون من الجمبين و بعدين علي الفرن
و تعملي بقي صلصله باربكيو اللي هي
بصل يتحمر ف زيت زيتون
و نحط عليك كوبايه كاتشاب و ربع خل احمر
و كمون و كاري و بابريكا و خردل بودر و سكر
و قبل الفراخ ما تستوي بربع ساعه تطلعيها و تجيبي فرشه و تدهني الفراخ بالخلطه دي
و تحطيها ف الفرن و تطلعيها تاني
و ادعيلي

فراخ مشويه لفيمل

طريقة منقوله لأم كريم في الفراخ

بعد ما تغسلي الفراخ نغسيها بالسكينه وبعدين حطي علبه زبادي عليها بصله كبيره شرايح توم شرايح حوالي فصين حطي ملح فلفل كمون ولو في كاري حطي سنه بابريكا وبعدين معلقتيين حلوين كاتشي صويا صوص والمره اللي فاتت حطيت صوص الباربكيو حوالي معلقه ويعدين عصير نصف ليمونه واهم حاجه روزماري او حصي البان زي ما بيسموه حطي حوالي ربع معلقه كبيره وقلبي وحطيهم علي الفراخ وسبيها السر فيها يا مها انا بسبها 3 ايام كل يوم اديها تقليبه وارجع اغطيها في التلاجه تاني ويس 3 يوم بحط شيكه الفرن وتحتها صنيه فيها ميه تكون كبيره عشان دهون الفراخ تنزل فيها اهم حاجه بقي يا مها الخطوه اللي جايه نضفي الفراخ حالص من التتبيله مش مهم التوابل ولا الزبادي تشيليهم المهم البصل والتوم والروزماري اوعي دول يبقوا علي الفراخ وبس رصيها وسبيها ربع ساعه واقلبيها وربع واقلبيها قبل ما تحمر قوي وانا بحب احمرها قوي ولعي علي الفحمه فوق اول ما تخلصيها حطيها في حله وفي النص حطي ورقه فويل عليها شويه زيت وحطي الفحمه واقفلي وبس سبيها بتاع 10د وبالهنا ويا رب تعجبك

ودي تتبيلات دجاج لمها


+
----
-اخواتي الحبيبات عندي لكم كم تتبيلة للدجاج حلوة جدا
1- تغسل الدجاجة بالطريقة المعتادة وتصفي جيدا ثم
تبشر قطعه جنزبيل مع فصين كبار ثوم مع علبه زبادي
وعصير ليمونة وبهارات وصفار الزعفران وتتبل الدجاجه
معلش و1م ك ملح وتترك قبلها بيوم في الثلاجة ثم تدخل
الفرن حتي تنضج تماما والله الطعم روعه جربوها واخبروني

دجاجة ايضا مغسوله ونصفيها جيدا ونضع عليها
1مك ملح وعلبة زبادي مصفاة تماما من الماء وامص
بهار التندوري وعصير ليمونة ورشه صفار الزعفران
وبشر قطعه جنزبيل يتم خلط التتبيله جيدا وتتبل وتبات
في الثلاجه وتدخل الفرن حتي تحمر وتمتعي بالطعم الجميل.

3-دجاجه نفس ماسبق مع علبة زبادي و1مك ملح
وعصير ليمونة وقرفة وكركم وبابريكا ورشه صفار
زعفران وزيت زيتون وتبات في الثلاجه لثاني يوم
والله الطعم تحفه ياريت تجربوهم وتفرحوني بالنتيجه

[ندعوك للتسجيل في المنتدى أو التعريف بنفسك لمعاينة هذه الصورة]

هذي الدجاج بالاكياس

بس للاسف نسيت اصورها بعد ماخلصت

نظفت الدجاجه زين من جوا وبرا وسويت فيها شقوق

والتتبيله كانت لبن وزيت زيتون وكركم وبابريكا وكاري

وفلفل اسود وملح وصوياصوص

خلطتهم زيين ودعكت الدجاج فيها من برا

وحطيت جوا شويه

وبرضه جبت خضار كوسه وفاصوليا وبطاطس

وفلفل حار ودعكتهم بنفس التتبيله

ودخلتهم كلهم بالكيس وفتحة فتحه ضغنونه وولعت الفرن من تحت

وتركتها براحتها حوالي ساعتيين

وبعدين فتحت الكيس من فوق وشغلت الشوايه

طلعت تحفه والطعم رائع والخضار برضه

السلام عليكم ورحمة الله وبركاته
بعد ما نزلت الكنتاكي وعدتكم انزل تكا والطازج نبدا بتكا
بسم الله الرحمن الرحيم

اول حاجة التتبيلة فرخة مغسولة كويس -ملعقة زعتر-ملعقة-مسطردة- كوب زبادي-ملح وفلفل-ملعقة ثوم مفروم-ملعقة صلصة
هذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 640x480 و بحجم 47KB.

نقلب التتبيلةونتبل الفرخة كويس من كل الجهات ونسيبها في التتبيلة مدة مش اقل من 4 ساعات
هذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 640x480 و بحجم 45KB.

بعد مرور الوقت المطلوب ننقلها للشواية ولو الفرخة كبيرة ندخلها الفرن ثلث ساعة وبعدين ننقلها علي الشواية
هذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 640x480 و بحجم 55KB.


تقدم مع الرز بالكاري وعادة مع الخضار السوتيه بس انا حطيت خضار مشوي
هذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 640x480 و بحجم 58KB.



ايه رايكم
الطازج
التتبيلة:فرخةصغيرة-حفنة روز ماري -فنجان صغير عصير ليمون-ثوم مفروم-ملح وفلفل فنجان صغير صويا صوص
هذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 640x480 و بحجم 44KB.

اقلب التتبيلة انقع فيها الفرخة اقل حاجة 4 ساعات

هذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 640x480 و بحجم 56KB.

انقل للشواية
هذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 640x480 و بحجم 60KB.

نقلب علي الشوايةبحيث تشوي من كل وجه وتقدم بالف هنا وشفا
هذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 640x480 و بحجم 59KB.

وادي الطازج
هذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 640x480 و بحجم 58KB.


_________________من مها