البط بالمرته

منقول لسما


البط بالمرته

زمان كنا بنسميه مرته علشان كنا بنمرت البصل مع الكمون والملح لحد ما ينزل ميته ويطرى شويه وبعدين نرفعه

على النار يستوي دلوقتي البصل بينزل ميه وبيستوي بسرعه فممكن نستغنى عن خطوة المرت او الفرك

دي طريقة من فتكات

ورده

المرته بتاعتي مش كده خالص
فيها شبه منها بس انا بعملها مختلفه و بيطلع البصل ناعممممممممممممممم و يتظلط كده

بصي بجيب البصل و افركه مع فلفل اسود كتيرررررررررر و كمون كتيرررررررررررررررررررررررررر
و ملح و البصل يكون مبشور
و احط نقطه زيت و شويه ميه و علي النار كله علي بعضه ف مقلايه مثلا بس الميه تكون اقل من كميه البصل يعني نصها مثلا
و اسيبها لحد ما الميه تنشف و البصل يبقي طري و احشي بيه الحمام و البط طبعا و اي طيور بصراحه
و ف العزومات بزود زبيب و مكسرات علي المرته دي
و في ناس بتزود كبد و قوانص كمان بس مش جربتها بصراحه
و اسلق الطيور دي و بعدين احمرها تاخد لون بس
و بالشوربه اعملي احلي باميه و ملوخيه و بطاطس بالدمعه و محشي كمان