mado
عدد المساهمات : 2612
 |  موضوع: سمك مشوى وكابوريا وجمبرى لميرو كيدز  الأربعاء 10 نوفمبر - 1:13 | |
|
عملت النهاردة سمك مشوي والحمد لله بالصدفة لقيت في التلاجة شوية رده صغننين
وشويت الكابوريا والجمبري في الفرن زي ماكانت ام مريم او هبة مش فاكرة نزلتها مرة
جزاهم الله خير
وسلطات طحينة وخضرا وطلع الاكل كله جميل والحمد لله
ودي الصور
[ندعوك للتسجيل في المنتدى أو التعريف بنفسك لمعاينة هذا الرابط]
[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذا الرابط]
[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذا الرابط]
[ندعوك للتسجيل في المنتدى أو التعريف بنفسك لمعاينة هذه الصورة]
| السمك المشوي بالرده
سمك بلطي او بوري او اي نوع تحبوه بس انا بحب النوعين دول اكتر
بفتح بطنه لو كان بلطي واغسله كويس وانقعه في ميه وخل شويه
لو بوري مش بفتح بطنه
بعد كده بحضر التتبيلة توم وفلفل اخضر واحمر حراق وليمون وكمون
وقرفة وملح
واحشي بطنه بالخلطة دي وارش رشة ملح بسيطة على السمك
وبعدين اغطيه بالرده واشويه على صنيه على البوتجاز من فوق
بعد مايستوي نكون مجهزين صنيه فيها ميه سخنة وشويه من
التتبيلة اللي فاتت وليمون كتير يادوب نحط السمكة ونقلبها في المية
ونطلعها على سرفيس ونغطيها من فوق بشويه من التتبيلة
الكابوريا والجمبري
غسلتهم كويس ونضفت الجمبري و الكابوريا وقطعتها نصين ونقعتهم في مية وخل
قطعت بصلة حلقات وفلفل اخضر وفصين توم وطمطماية وبهارات ولمون وقلبتها
وحطيتها في صنيه وغطيتها بفويل وحطيتها في الفرن لحد ما نزلت ميتها واستوت نص
سوا وبعدين شيلت الفويل وسيبتها تاخد وش
الصوص بتاعها بيبقى خطير هو اللي كنت حطاه في الطبق الصغير وممكن تاخديه
تحطيه مع مية الرز بيخلي طعمه روعة
جربوها هتعجبكم ان شاء الله احلى كتير من المشوي من بره لان التوابل طبعا مختلفة
وبالف هنا
|
| |
|
