منتدى سرب الحمامات
مدونات سرب الحمامات
اهتمامات ستات البيوت
(للسيدات فقط)


منتدى سرب الحمامات

تجارب ستات البيوت الشاطرين
 
الرئيسيةسرب الحماممكتبة الصورس .و .جبحـثالمجموعاتالتسجيلدخول
بحـث
 
 

نتائج البحث
 
Rechercher بحث متقدم
المواضيع الأخيرة
» فرن كهرباء بلت ان - افران غاز بلت ان (شركة تراست جروب لاجهزة البلت ان والمطابخ 01210044703)
الإثنين 20 أكتوبر - 14:39 من طرف فيتاجرين لاند

» احسن صور مطابخ لعام 2015 _ تراست المهندسين 01210044703
الإثنين 20 أكتوبر - 14:31 من طرف فيتاجرين لاند

» مسطحات غاز بلت ان – مسطحات كهرباء بلت ان (شركة تراست جروب لاجهزة البلت ان والمطابخ 01210044703)
الخميس 16 أكتوبر - 13:44 من طرف فيتاجرين لاند

» شفاط زجاج - شفاطات هرمى – شفاط مطبخ (شركة تراست جروب لاجهزة البلت ان والمطابخ 01210044703)
الثلاثاء 14 أكتوبر - 13:18 من طرف فيتاجرين لاند

» الشوريك ل دوللي
السبت 20 سبتمبر - 1:40 من طرف Egypty

» خلية النحل بطعم غيررررررررررررر
السبت 20 سبتمبر - 1:35 من طرف Egypty

» المكنسة اللاسلكية
الجمعة 8 أغسطس - 21:17 من طرف فوات الاوان

» طريقه عمل غطاء تربيزة المكوى بالصور
الخميس 7 أغسطس - 3:01 من طرف فوات الاوان

» ازاي تنظمي وقتك و بيتك وف نفس الوقت كلك دلع وانوثه
الخميس 7 أغسطس - 2:34 من طرف فوات الاوان

» الابتلاء نوعان
الأحد 22 يونيو - 19:23 من طرف samar wahabi

» نصائح غاليه للنساء
الأحد 22 يونيو - 19:20 من طرف samar wahabi

» اذاعة القران الكريم المصرية
الأحد 22 يونيو - 19:15 من طرف samar wahabi

» شوربة الربيع والكمون
الأحد 22 يونيو - 18:15 من طرف samar wahabi

» ماكينة حقن الكرواسون من تايجر باك
الأربعاء 28 مايو - 9:55 من طرف تايجر باك

» ماكينة فرد العجين من تايجر باك
الأربعاء 19 فبراير - 13:43 من طرف تايجر باك

» موسوعه لاطفال الروضه والابتدائى
السبت 2 نوفمبر - 21:43 من طرف جاكلين

» سينابون سرب الحمامات
الجمعة 20 سبتمبر - 20:07 من طرف asmaabhr

» عايزين نبقى انثى بجد
الإثنين 16 سبتمبر - 10:12 من طرف أم عبده

» لسة ما جربتيش كيكة السفن لام حازم ...طب بتستنيه ايــــــــــــــــــــه
الأربعاء 11 سبتمبر - 17:01 من طرف asmaabhr

» وردة البريوش وممكن تعملي بنفس الطريقه كرواسون ولاااااااااا احلي ولا اسهل من كده
الأربعاء 11 سبتمبر - 16:57 من طرف asmaabhr

Free counters!
شاطر | 
 

 احسن نوع غساله اطباق وميكرويف

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
mado



عدد المساهمات: 2738

مُساهمةموضوع: احسن نوع غساله اطباق وميكرويف   الجمعة 24 يونيو - 3:07

بتفكري تجيبي ميكرويف او غساله اطباق..الموضوع ده هيفيدك ان شاء الله**
يافتوكات هقولكم الخلاصه في الميكرويف وغساله الاطباق عن تجارب (عائلتي واصحابي
هقولكم الحجم المناسب والماركات الحلوه وكمان استخداماتهم علشان لقيت بنات كتير بتسال.
هما الاتنين تحفه والله..انا بموت فيهم وعندي من 8 سنوات .
اول حاجه الميكرويف.
الميكرويف مش مضر وخالص..مضر لوبنسوي فيه لحمه وفراخ..هو مش المفروض نطبخ فيه لحمه وفراخ وسمك ني ...
(وده الفرق بينه وبين الفرن الكهرباء )
هو للتسخين..للتسيح (انا بحثت في الموضوع ده كويس قوي..وكنت عايشه بره وكل
الناس بيستخدموه وانتم عارفين بره هما بيهتمو بالصحه ازاي) الميكرويف تسخين
..تعملي فيه احلي ساندوتش جبنه رومي سايح في 30 ثانيه..تسخني فيه العيش
بدل ماتسخني علي البوتجاز (والكربون)..ممتاز في تسخين المحشي
البايت..اللحمه ..الفراخ ..البيتزا. تعملي الفيشار .الكرواسان اللي خلاص
ماكنش منه امل!!..طبق شوربه..طبق فيه من كل حاجه شويه

والرز وكده وكله في دقيقه ودقيقتين!! زي السحر[ندعوك للتسجيل في المنتدى أو التعريف بنفسك لمعاينة هذه الصورة].طبعا استخدامك للحلل هيقل كتير لانك كنتي كل ماتعوزي تسخني غدا هتسخني الرز في حله والطبيخ في التانيه والبروتين..ألخ.[ندعوك للتسجيل في المنتدى أو التعريف بنفسك لمعاينة هذه الصورة]
كمان جربي تحطي فيه قطعه تشوكلت كيك 15 ثانيه..تحفه[ندعوك للتسجيل في المنتدى أو التعريف بنفسك لمعاينة هذه الصورة]!
شوفي
هو عملي موت وكل العائله عندي اقتنعو بيه لما شافو استخدامه..وبيفيد كل
يوم وكمان العزايم.الماركات الحلوه واللي سعرها معقول (حوالي 800-850)

اوليمبك ..هيونداي السلفر..(شيك جدا احلي من الابيض)
ال جي ..كينوود..سامسونج
وفيه شارب ممتاز بس غالي فوق الالف..وايت وستنجهاوس.فوق الالف
بلاش بلاك اند ديكر (بطئ) وبلاش جاك (باظ بعد 3 سنوات)[ندعوك للتسجيل في المنتدى أو التعريف بنفسك لمعاينة هذه الصورة]
مهم اوي انك تجيبي مقاس مش اقل من 30 لتر (علشان سرفيسات العزومات) وكمان المقاس ده مثالي لانه لاكبير قوي ولا صغير وده (عن تجارب!!)[ندعوك للتسجيل في المنتدى أو التعريف بنفسك لمعاينة هذه الصورة]
الشوايه
اللي بتبقه موجوده في بعض الموديلات مالهاش لازمه خالص.(وبيبقه معاها
استاند اوعي تحطيه مع الميكرويف وهو شغال ده للشوايه فقط!!)

كمان الميكرويف مايدخلش فيه اي حاجه بتلمه (فضي او دهبي) يعني زي المج او طبق فيه خط دهبي او فضي, ورق فويل..صنيه او حله...يدخل فيه
صيني.فخار..زجاج.بايركس..ممكن مناديا مطبخ (يعني تسخني بيتزا علي منديل مطبخ بدل طبق) غير كده لاء لان ده هيعكس اشعه الميكرويف
عليه ويعمل شراره جواه.
التنظيف
مهم وهو سهل جدا بمنظف خفيف وحته مبلوله ومعصوره بعد ماتغلي فيه ماء فيه
ليمونه مقطعه كام دقيقه جواه وبعدين تمسحي بالحته من جوه.

الميكرويف مابياخدش كهرباء كتير خالص..تقريبا الفتوره هتفضل زي ماهيه.(بتكلم بناء عن8 تجارب في العائله وصحباتي)
كلهم ندمو انهم ماجبوش الميكرويف في الجهاز من الاول..لانه غير مطابخهم خالص.[ندعوك للتسجيل في المنتدى أو التعريف بنفسك لمعاينة هذه الصورة]
بالنسبه للغسالات الاطباق ده حكايه تانيه.
فاصل ونواصل[ندعوك للتسجيل في المنتدى أو التعريف بنفسك لمعاينة هذه الصورة]

_________________
اللهم اهدِنا فيمَن هديت .. وعافنا فيمن عافيت .. وتولنا فيمن توليت .. وبارك لنا فيما أعطيت
وقِنا شر ما قضيت تباركت ربنا وتعاليت لك الشكر على ما أعطيت نستغفرك اللهم من جميع الذنوب والخطايا ونتوب اٍليك
الرجوع الى أعلى الصفحة اذهب الى الأسفل
mado



عدد المساهمات: 2738

مُساهمةموضوع: رد: احسن نوع غساله اطباق وميكرويف   الجمعة 24 يونيو - 3:08

رد: ** بتفكري تجيبي ميكرويف او غساله اطباق..الموضوع ده هيفيدك ان شاء الله**
قبل ماندخل علي غساله الاطباق..
نقول ان كل الماركات اللي قولنا عليها في الميكرويف هتلاقيها في كارفور او سبينيس..بي تك اغلي شويه.
غساله الاطباق
دي بقه تحففففه واختراع يجنن..المهم تجيبي الحجم الصح والماركه الصح وكمان الصيانه..هقولك!
هي
بتاخد اطباق صيني , زجاج ,فخار , بيركس .اركوبال ,مجات ,كوبايات ,اي حاجه
صيني, صواني وحلل تيفال واستانلس وبيركس.وطبعا المعلق والشوك
وبالنسبه
لعلب التلاجه بيبقه فيها من الظهر علامه (زي المطر)العلامه دي معناها ان
العلبه(البلاستيك) دي تدخل غساله الاطباق وتتحمل حرارتها
شوفي ياجميل لو
عندك مكان كفايه (لازم تقيسي بالسنتمر) هاتي الكبيره خصوصا لو كنتم 4
افراد او اكتر..وهي في حجم الغساله الاتوماتيك بالظبط
ودي هتاخد حلل اكتر..وصاحبتي عندها 3 اولاد وجابت الوسط لكن هي الصراحه كان نفسها في الكبيره.
اما
لو مفيش مكان للكبيره او مش بتستهلكو موعين كتير هاتي الوسط (اصغر من
الغساله الاتوماتيك ) ودي اللي عندي دلوقتي وبتاخد حله او اتنين وسط.
فيه بقه الحجم الصغير..ابعدي عنه خالص[ندعوك للتسجيل في المنتدى أو التعريف بنفسك لمعاينة هذه الصورة] ده كل اللي جابوه ندمو جدا!(اللي بيتحط علي الرخامه.ده بيعمل زحمه من غير لازمه اصلا!
وبعد سنتين من الاستخدام بيبقه عامل زي لعبه الاطفال.واصلا مابيخدش حاجه. الخلاصه اختاري الكبيره او الوسط وبس!
لو قررتي تجيبي الكبيره
دي احسن الماركات
بوش الالماني ..حاجه ممتازه وصناعه الماني يعني قويه ودي اهم حاجه. بحوالي 3800 او اكتر. تستاهل!
ايديل.(ايليت او زانوسي)....ايطالي وطبعا عريقه في صناعه الغسالات.جامده ومحترمه .تقريبا نفس السعر.
وايت ويل (اتحاد اوربي)....هي في الحجم الكبير بس حلوه ..الوسط لاء..بكرر تاني.وايت ويل الحجم الكبير لان الوسط تجميع مصري
ومش قويه لكن المستورده من اوربا(الحجم الكبير) اللي جربوها بيشكرو,,علي عكس الحجم الوسط المصريه!
فريجيدير..مستورده وقويه.والسعر تقريبا في نفس الرنج.
وكل الغسالات دي فيها برنامج نص حموله..وقفل علشان الاطفال وعكرتتهم![ندعوك للتسجيل في المنتدى أو التعريف بنفسك لمعاينة هذه الصورة] وكمان برنامج كريستال (ده للي عنده[ندعوك للتسجيل في المنتدى أو التعريف بنفسك لمعاينة هذه الصورة])
اما لو قررتي تجيبي وسط
علشان اريحك من اللف والدوران[ندعوك للتسجيل في المنتدى أو التعريف بنفسك لمعاينة هذه الصورة]الوسط اللي بيتباع في مص هما 3
فريش.....انسي خالص[ندعوك للتسجيل في المنتدى أو التعريف بنفسك لمعاينة هذه الصورة] ضعيفه جدا. ب 1300 تقريبا.صناعه مصريه واعرف واحده صرفت عليها قد تمانها تصليح وبرضو ضعيفه!!
وايت ويل.(ابيض او سلفر) ابعدي عنها!![ندعوك للتسجيل في المنتدى أو التعريف بنفسك لمعاينة هذه الصورة] لاتقارن بالكبير المستورده نهائي! تجميع مصري والشكوه منها كتير وهي ب 1600 تقريبا!
ايديل (ايليت او زانوسي) ودي الوحيده في مصر الوسط اللي صناعه اوربيه او ايطالي.عليكي بيها لو هتجيبي وسط.محترمه وقويه ب 2800
(بس تستاهل) ومش هتلاقيها في كارفور ولا عبدالعزيز..موجوده بس في التوكيل واسالي في التليفون الاول.ودي الحمدلله عندي وبحبها موت.
نيجي للصيانه..انتي طبعا كل شهر بتعملي دوره والغساله فاضيه بس تحطي نص زجاجه كبيره خل وتشغليها من غير موعين ولا مسحوق.
كمان
لازم تفكي الصفايه وتغسليها علي الحوض.وفيه اقراص لغسل الغساله (مش
المواعين) من فيبا برضو حلوه..وده بيحافظ علي غسلتك نظيفه دايما.
طبعا تحطي علب اللي بنحط فيه (الشاي,,الوابل وكده) وتطلعللك فله![ندعوك للتسجيل في المنتدى أو التعريف بنفسك لمعاينة هذه الصورة] والشوك هتبقه انظف لان فيه تعقيم.
اما
بالنسبه للخضار وغسله فيها..انا مش حسه ان ده شئ عملي.ربنا يبارك لينا
فيها وتشيل الموعين وكفايه.طبعا احنا بنشغلها كل يوم مره ونريحه يوم
في الاسبوع.وفي العزومات (تحفه ماشاء الله) بشغلها مرتين!
كمان اهم حاجه استخدميالمسحوق فينشده احسن حاجه.انا بجيب في الشهر علبه ب 27 جنيه.اما مساعد الشطف مش لازم فينش
وهو بحوالي 8 كل شهرين والملح كل 4 اشهر وهو رخيص .المسحوق بياثر في النظافه كتير.جيز الاطالي مش قد كده.
ربنا يكرمكو كلكم وتجيبو الغساله بس ماتستعجليش وتجيبي اي حاجه علشان الفلوس مش مكمله.لا استني وجيبي الصح علشان ماتندميش.
ممكن تجيبي واحده مستورده وحجم مناسب مستعمله (في حاله ممتازه) احسن من الجديد المضروب!
وياريت ترفعو الموضوع علشان الافاده.وماتنسونيش بدعوه حلوه زيكم.[ندعوك للتسجيل في المنتدى أو التعريف بنفسك لمعاينة هذه الصورة]

_________________
اللهم اهدِنا فيمَن هديت .. وعافنا فيمن عافيت .. وتولنا فيمن توليت .. وبارك لنا فيما أعطيت
وقِنا شر ما قضيت تباركت ربنا وتعاليت لك الشكر على ما أعطيت نستغفرك اللهم من جميع الذنوب والخطايا ونتوب اٍليك
الرجوع الى أعلى الصفحة اذهب الى الأسفل
 

احسن نوع غساله اطباق وميكرويف

استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى سرب الحمامات ::  :: -