منتدى سرب الحمامات
مدونات سرب الحمامات
اهتمامات ستات البيوت
(للسيدات فقط)


منتدى سرب الحمامات

تجارب ستات البيوت الشاطرين
 
الرئيسيةسرب الحماممكتبة الصورس .و .جبحـثالمجموعاتالتسجيلدخول
بحـث
 
 

نتائج البحث
 
Rechercher بحث متقدم
المواضيع الأخيرة
» المكنسة اللاسلكية
الجمعة 8 أغسطس - 21:17 من طرف فوات الاوان

» طريقه عمل غطاء تربيزة المكوى بالصور
الخميس 7 أغسطس - 3:01 من طرف فوات الاوان

» ازاي تنظمي وقتك و بيتك وف نفس الوقت كلك دلع وانوثه
الخميس 7 أغسطس - 2:34 من طرف فوات الاوان

» الابتلاء نوعان
الأحد 22 يونيو - 19:23 من طرف samar wahabi

» نصائح غاليه للنساء
الأحد 22 يونيو - 19:20 من طرف samar wahabi

» اذاعة القران الكريم المصرية
الأحد 22 يونيو - 19:15 من طرف samar wahabi

» شوربة الربيع والكمون
الأحد 22 يونيو - 18:15 من طرف samar wahabi

» ماكينة حقن الكرواسون من تايجر باك
الأربعاء 28 مايو - 9:55 من طرف تايجر باك

» ماكينة فرد العجين من تايجر باك
الأربعاء 19 فبراير - 14:43 من طرف تايجر باك

» موسوعه لاطفال الروضه والابتدائى
السبت 2 نوفمبر - 22:43 من طرف جاكلين

» سينابون سرب الحمامات
الجمعة 20 سبتمبر - 20:07 من طرف asmaabhr

» عايزين نبقى انثى بجد
الإثنين 16 سبتمبر - 10:12 من طرف أم عبده

» لسة ما جربتيش كيكة السفن لام حازم ...طب بتستنيه ايــــــــــــــــــــه
الأربعاء 11 سبتمبر - 17:01 من طرف asmaabhr

» وردة البريوش وممكن تعملي بنفس الطريقه كرواسون ولاااااااااا احلي ولا اسهل من كده
الأربعاء 11 سبتمبر - 16:57 من طرف asmaabhr

» خلية النحل بطعم غيررررررررررررر
الأربعاء 11 سبتمبر - 16:55 من طرف asmaabhr

» اسرار و فنون التعامل مع الشرقي
الأربعاء 4 سبتمبر - 21:03 من طرف yanboa alzman

» جدول تنظيف البيت
الثلاثاء 18 يونيو - 14:06 من طرف ام البنات المصريه

»  أفلا شققتَ عن قلبِه ؟
الخميس 30 مايو - 2:12 من طرف mado

» اصناف مختارة لتادو
الأحد 12 مايو - 11:01 من طرف ام الابطال

» كيكات للشاى والقهوة
الجمعة 10 مايو - 15:25 من طرف ام الابطال

Free counters!
شاطر | 
 

 ازاي تنظمي وقتك و بيتك وف نفس الوقت كلك دلع وانوثه

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : 1, 2  الصفحة التالية
كاتب الموضوعرسالة
shaymaa-m
Admin


عدد المساهمات: 479

مُساهمةموضوع: ازاي تنظمي وقتك و بيتك وف نفس الوقت كلك دلع وانوثه   الإثنين 20 يونيو - 14:59

طبعا علشان ما تقولوش عليا زي دوللي حبيبتي
المشاركة دي منقوله ههههههههههههه

و ده رابط الموضوع الاساسي

بس انا لخصت
[ندعوك للتسجيل في المنتدى أو التعريف بنفسك لمعاينة هذا الرابط]



بســم الله نبــــــدأ


الاول احب اتكلم عن الجدول

حنزلكم الجدول وبعدين حتكلم عنه نقطة نقطة ، وبعدين حتكلم ان شاء الله عن حركات حلوة تعمليها في المطبخ ، عشان دة يعتبر دليل نظافتك ، وحتكلم ازاي تستني جوزك كل يوم بحركات جديدة ، عشان الرجالة بتحب ان مراته تكون مهتمية بية


دة الجـــــــدول


السبت
[center]اعمل اكل الاسبوووووووع

[/center]
الأحد
تنظيف غرفة النوم



الاثنين
تنظيف الغرفة الصغيرة
الحمام
غسيل

الثلاثاء
تنظيف الصالة



الاربعاء
تنظيف المطبخ



الخميس
عمل الشقة كلها
الحمام
غسيل

الجمعة
[center]راحـــــــة

[/center]


v يوم الأحد: بنظف غرفة النوم بضمير ، يعني بوضب الدواليب والكومدينات، والتسريحة ، والمع الشبابيك والمع المرايات (والارضية بدعكها بالفرشة بس كل اسبوعين مرة ) ، وما بغيرش الفرشة الا كل خميس. صدقيني الحاجات دي مش حتأخد منك اكتر من ساعة ونص لانك بتعملي نفس الحاجات كل اسبوع فبتبقى الحاجة متوضبة .

v يوم الاثنين: بعمل الغرفة الصغيرة والحمام برضة بعملهم بضمير، وبعد ما اخلصهم انشر الغسيل

v الثلاثاء: تنظيف الصالة، برضة تعمليها بضمير.

v الاربعاء: دة اللي بيأخد وقت ، عشان كدة بعمل اكل خفيف في اليوم دة ، وانا اختارت يوم الاربعاء عشان الثلاجة اانا بجيب الخضار والفاكهة كل جمعة فبحب انظفها كويس قبل ما احط فيها الحاجة، وبحط ساعات فحمة في طبق صغير او قشر ليمون وبرتقال بتدي ريحة حلوة في الثلاجة وبعدين حاولي توضبيه بطريقة شيك وحلوة، اعملي للخضار رف ، وللفاكهة رف والرف الثالث للاجبان واللانشون والزيتون واللبن يعني حاجات الفطار، والفريزر اناعاملة الرف الاول للعيش واكل الاسبوع ( انا بعمله واحطة في علب بلاستيك يعني اتبل البانية بالبيض والبقسماط واشيلة، اعمل اللوبيا او البسلة واعبيها واشيلها، طبعاً البطاطس ما تنفعش عشان حتتهري، واللحوم والفراخ بحب اعملها طازة احسن ولو اتبقت شوربة بشيلها في الفريزر، وبتبل الفراخ المشوية والكفتة وبشيلها برضة) ، عارف انتي نفسك لما تلاقي الفريرز كلة علب ومترتبة كدة بتفرحي قوووي ، والرف االتاني بتاع الفريزر حاطة فيه اللحوم والخضار النية.

v الخميس: بعمل الشقة كلها والمعها بس يعني بكنسها والمع الارضية بالمساحة الفتل والمع الخشب عاادي واغير الفرشة بتاعتة الغرف وابخرها او اشغل الفواحة، وبالنسبة للحمامات هاتي الفواحة بتاعتها حلوة قوووي ، هى بترش لوحدها كل نص ساعة او ساعة حسب ما انتي عايزة، حلوة قوي ريحتة الكنتلوب والبنفسج وعلى ضمانتي.

v طبعاً الحمامات والمطبخ: المفروض بيتعملوا كل يوم بصي انا بعمل اية ، بعد ما اخلص طبيخ والمع البوتجاز والرخام وكل حاجة بمسحها بالمساحة الفتل او ابل الخيشة والمعها على حسب ووقتي بس اهم حاجة تحصي في المية صابون وديتول عشان تنظف الارضية معاكي.

وبالنسبة للحمامات: انا بعملها مرتين في الاسبوع الاثنين والخميس وباقي الايام قبل ما استحمى اغسل الحوض والمع المراية وخلاص والمع التاندا اللي عليها الحاجات بس.

بالنسبة للمكواه: انا بكوي مرة في الاسبوع بس لاني بغسل مرتين في الاسبوع

بصي بقى يا سيتي: يوم الجمعة دة بعتبره يوم الراحة بتاعي يعني ما بعملش فيه حاجة خاااالص غير الاكل يعني بروح انام شوية او اتفرج على التليفزيون او بعمل أي حاجة بحبها والاكل بيبقى مثلاً مكرونة وكفتة، تونة أي حاجة بس بتبقى سهلة وما فيهاش تعب ،انا عاملة يوم لنفسي استريح فية

بالنسبة للاكل بصي بقى
ااولاً انا وجوزي بنعمل اكل الاسبوع ، بمعني بنقعد كل يوم خميس وبنختار حنأكل اية مثلا يوم السبت مكرونة وكفتة ، الاحد فراخ ورز ، الاثنين مشاوي وكدة ، (عشان لما اصحى كل يوم الصبح ابص على جدول الاكلات واشوف حنأكل اية النهاردة واطلعة من الفريزر قبل ما انزل الشغل)، وانا أبدا اوضب بعد ما رجع يوم السبت من الشغل فأنا ابدأ اعمل الحاجة ، واكون مطلعة اللحوم والحاجات الصبح قبل ما انزل الشغل عشان ابدأ على طول لما ارجع اتبل البانيهات وممكن اعمل بزيادة عشان الاسبوع اللي بعدة ، اسوي الخضار وبرضة اعمل بزيادة يعني بدل ما اعمل اكلة واحدة لا اعمل اكلتين او ثلاثة عشان حيريحني في يووم وكدة وطبعاً قبل ما جووزي يجي من برة يلاقيني مخلصة ومستحمية وقاعدة زي البرنسيسة
قبل ما اتكلم عن تفاصيل الجدول ، عاوزة الاول نتكلم عن كذا نقطة

النقطة الاولى: اعملي قمصين لشغل البيت ، يكونوا مريحين ومش بتلبسيهم قدام جوزك ، عشان تحافظي على باقي هدومك ويتبهدلوش في شغل البيت والطبيخ

النقطة التانية: اول ما ترجعي من الشغل وتدخلي البيت ، ارمي السلام ،حتى لو ما فيش حد موجود ، وقولي السلام عليكم ورحمة الله وبركاته ، عشان بتطرد الشياطين واقري سورة الاخلاص (قل هو الله واحد) عشان بتجلب الرزق.

النقطة الثالثة: قبل ما تنامي سبحي الحمدلله (33 مرة) سبحان الله (33 مرة) الله اكبر (33 مرة) واختميها بلا اله الا الله وحده لا شريك له ،له الملك وله الحمد وهو كل شئ قدير ، (دي كانت مرة واحدة راحت تشتكي للرسول علية الصلاة والسلام انها تعبانة ومش بتقدر على شغل البيت فقالها عليكي بهذا )، فانتي اتعودي تقريهم قبل النوم وحتلاقي نفسك نشيطة بشكل غير طبيعي ، بس اهم حاجة تكوني مقتنعة وحاسة بكل كلة بتقوليها ، مش بتقوليها وبس

النقطة الرابعة:وانتي بتشتغلي ، حاولي تقري قران او تشغلي قران او تسبحي ، المهم حاولي تذكري الله دايماً ، تعرفوا اية اللي بيحصل بعد كدة

حتلاقي الاكل ولا احسن من كدة ، جوووزي بيقولي بتعملي اية في الاكل ، دة طالع زي السكر وعمري ما اكلت اكل حلو بالشكل دة ، حتلاقي نفسك بتخلصي شغل البيت بسرعة قبل ما يجي جوزك ، كأن فيه حد بيساعدك في البيت

الحركة دي قريتها في منتدى ونفذتها ، في الاول قلت عاادي مش حاسة بحاجة ، دة عشان انا كنت بعملها عشان عاوزة اشوف النتيجة بسرعة ، لكن لما تعملي الحاجة دي خالصة لوجه الله ونيتك ترضي جوزك وربك ، ربنا بييسرهالك وتحسي بيتك فيه حاجة روحانية وسكينة غير طبيعية.


خلي دايماً معاكي نوتة صغيرة ، وانتي قاعدة في الشغل ، اكتبي اية الحاجات اللي عاوزة تعمليها اول ما تروحي ، وخلي النوتة دي معاكي في الشنطة دايماً، عشان كل ما تفتكري حاجة ، تدونيها على طول وما تنيسش ، واول ما تروحي ،اقطعي الورقة اللي في النوتة والزقيها في الثلاجة ، وكل ما تخلصي حاجة اشطبي عليها ، عشان تحسي انك انجزتي حاجة .


[ندعوك للتسجيل في المنتدى أو التعريف بنفسك لمعاينة هذه الصورة]


[ندعوك للتسجيل في المنتدى أو التعريف بنفسك لمعاينة هذه الصورة]



[ندعوك للتسجيل في المنتدى أو التعريف بنفسك لمعاينة هذه الصورة]




- اول ما تدخلي البيت غيري هدومك والبسي قميص الشغل ، وانتي بتغيري هدومك ،حطي كل حاجة مكانها ، يعني علقي الهدوم في الشماعة ، واذا كانت الهدوم مش نظيقة ، على طول حطيها في باسكت الغسيل

[ندعوك للتسجيل في المنتدى أو التعريف بنفسك لمعاينة هذه الصورة]


[ندعوك للتسجيل في المنتدى أو التعريف بنفسك لمعاينة هذه الصورة]



بســــم الله نبـــدأ

فيه حاجات مهمة حتتحط على الثلاجة ، زي اية
جدول تنظيم الوقت ، الورقة اللي كتبتيها في الشغل اللي فيها المهمام اليومية اللي عاوزة تعمليها لما تروحي ، جدول باكل الاسبوع ، جدول بالحاجات الناقصة في البيت

طب حتقولولي اية الدوشة دي ، هو احنا في مدرسة

بصو معاااية

جدول تنظيم الوقت ، هاتي ورق كرتون مقوي ، واعملي علية الجدول ، والزقي على الورق استيكرات وارسمي علية باللالوان ، عشان يبقى شكله شيك ويفتح نفسك على شغل البيت .

جدول المهمام اليومية ، حتكتبي فيه مثلاً اشغل الغسالة، تكتبي اكل اليوم ، اطلع لبس بكرة ، اكلم ماما ، اطمن على صحبتي .

جدول باكل الاسبوع: عودي جوزك كل يوم جمعة بالليل ، تعملي اكل الاسبوع ، ما تخلهوش يقولك ما اعرفش ، لالالالالالالا، عودية انكم تعملوا الاكل مع بعض ، ودة حيوفرلك وقت كتير ، بدل ما تقعدي تفكري حتعملي اية ، ودايماً اعملي الاكلات وتكون كل مكوناتها موجودة في البيت ، مش تقولي وانا راجعة من الشغل اعدي اجيب فراخ ،لالالالالالالالا مش حينفع

جدول بالحاجات الناقصة في البيت: دي ورقة بتكتبيها على الكمبيوتر ، وبتكتبي فيها كل الحاجات اللي بتستعمليها في البيت ، وكل ما تخلص حاجة تعلمي عليها بالقلم الرصاص ، عشان لما تنزلي تشتري حاجة الشهر تعرفي اية اللي ناقص عندك ، وما تنسيش حاجة .


بصوا الثلاجة عاملة ازاي ، انتوا لو تلاحظوا في الافلام الاجنبية حتلاقوا الاجانب عاملين كدة ، حتى لما تكون الواحدة عاوزة تسيب رسالة لجوزها بتكتبها على الثلاجة


[ندعوك للتسجيل في المنتدى أو التعريف بنفسك لمعاينة هذه الصورة]




[ندعوك للتسجيل في المنتدى أو التعريف بنفسك لمعاينة هذه الصورة]







[ندعوك للتسجيل في المنتدى أو التعريف بنفسك لمعاينة هذه الصورة]


[ندعوك للتسجيل في المنتدى أو التعريف بنفسك لمعاينة هذه الصورة]



طبعاً الورق دة مش حتلزقية بالسولتيب ، لالالالالالالالالالا، فية دلوقتي حاجة زي المغناطيس على اشكال زي القلوب والمربعات واشكال كرتون، زي ما هو موجود في الصور

انا بحاول انزلكم صور ليها بس مش لاقية ، على العموم هى عاملة زي الفواكة اللي كونا بنلزقها زمان على الثلاجة ، فاكرينها ، هى دي

وان شاء الله حكتبلكم الجدول بتاع طلبات البيت واحطة ليكم



الجدول انا كتبتة على برنامج الاكسيل ، انتي اكتبية تااني ونظمية بطريقتك ، وضيفي للجدول الحاجات اللي بتستخدميها ، وسيبي خانات فاضية بعك كل عمود ، عشان تعملي عليها بالرصاص كل ما تيجي تخلص حاجة من عندك تعملي عليها ، واخر كل شهر ، تمسكي الورقة وتكتبي الحاجات اللي عايزاها في ورق خارجية ، وامسحي بعد كدة العلامات اللي بالرصاص


المنظفات صابون لوكس - صابون حوض - كلوركس الوان - كلوركس ابيض- جلانس لتلميع الزجاج -شاور جل- شامبو - كريم الشعر زيت الشعر- كريم مرطب - بودرة جونسون - امواس حلاقة - جل حلاقة - شامبو للسجاد- اريال- كمفورت - ليفة مواعين- فيري او بريل سلك مواعين



الخضار + الفاكهة طماطم- خيار - جرجير- جز- رفلفل رومي - كرنب - كوسة - بسلة - بذنجان - ليمون- بقدونس -شبت -برتقال موز - خوخ



الثلاجة فراخ - فراخ بانية - بفتيك - لحمة - لحمة مفرومة- سمك - حمام- بط - ديك رومي



اجبان والبان لبن -زبادي -رايب- جبنة نستو- جبنة بيضة- جبنة رومي- لانشون- زيتون



بقالة رز- مكرونة- لوبيا- دقيق- لسان عصفور- شعرية- رز بسمتي- صلصة - مرقة دجاج - مايونيز- كاتشب - جيلي - كاكاو- سحلب- تونة - عيش فينو


_________________



_________________
اللهم ان فى تدبيرك ما يغنينا عن الحيل

و فى كرمك ماهو فوق الامل

و فى حلمك ما يسد الخلل

و فى عفوك ما يمحو الزلل

فاللهم تولنا بولايتك و اكرمنا بكرمك و عاملنا بحلمك و اعفو عنا بعفوك


[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
shaymaa-m
Admin


عدد المساهمات: 479

مُساهمةموضوع: رد: ازاي تنظمي وقتك و بيتك وف نفس الوقت كلك دلع وانوثه   الإثنين 20 يونيو - 14:59

بصوا يا قمرا ت، زي ما انا كاتبة في الجدول

يوم السبت بعمل فيه اكلات الاسبوع عشان تريحني باقي الاسبوع ، ويوم الجمعة مش بعمل حاجة خااااالص

زي ما قلتلكم ، بكون عاملة جدول باكل الاسبوع يوم الجمعة بالليل ، ويوم السبت الصبح قبل ما انزل من الشغل ابص على الجدول واطلع الاكلات اللي عاوزة اعملها .

واول ما برجع ما بعملش حاجة غير الاكلات بس ، الاول بمسك كل الحاجات اللي عايزة تتبل ، الفراخ ، الكفتة ، البانية ، البفتيك ، الكبدة ، بضرب البصل كلة في الميكسر وبعد كدة ابدأ ابتل بالحاجة ، واعبي في علب واشيل

ودي لينكات لمواضيع خاصة بالتفريز الاكل ، انا عن نفسي استفدت منها طحن ، ربنا يجازي الفتوكات اللي عملت المواضبع دي كل خيير ، واتمنى يارب تستفيدوا منها




[ندعوك للتسجيل في المنتدى أو التعريف بنفسك لمعاينة هذا الرابط]




[ندعوك للتسجيل في المنتدى أو التعريف بنفسك لمعاينة هذا الرابط]




[ندعوك للتسجيل في المنتدى أو التعريف بنفسك لمعاينة هذا الرابط]

_________________
اللهم ان فى تدبيرك ما يغنينا عن الحيل

و فى كرمك ماهو فوق الامل

و فى حلمك ما يسد الخلل

و فى عفوك ما يمحو الزلل

فاللهم تولنا بولايتك و اكرمنا بكرمك و عاملنا بحلمك و اعفو عنا بعفوك


[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
shaymaa-m
Admin


عدد المساهمات: 479

مُساهمةموضوع: رد: ازاي تنظمي وقتك و بيتك وف نفس الوقت كلك دلع وانوثه   الإثنين 20 يونيو - 15:00

وبكدة حتكوني فرزتي الاكل كلة ، كل يوم قبل ما انزل من الشغل ببص على جدول الاكل وبشوف حناكل اية النهاردة ، مثلاً حناكل بفتيك ومكرونة وسمبوسك ، اروح اطلع البفتيك والسمبوسك من الفريزر واخليهم في الثلاجة من تحت . ولما ارجع من الشغل يا دوب بس على التحمير والتحضير .

وبالنسبة للسلطة: انا عاملة اكياس السلطة ، بعملها بالاسبوع ، يعني اية

جايبة اكياس واحط فيها طماطية + خيار + جزر+ جرجير+ خص+ليمون واقفل الكيس ، ويكونوا مغسلوين ، وكل ما احب اعمل سلطة ، يا دوب اطلع الكيس واعمل السلطة على طول ، او ممكن تمشي عليها المية وخلاص لانها مغسولة اصلاً ونظيفة .

وبالنسبة للمكرونة ، بجهز من بالليل الحلة وفيها المية والملح والزيت والخل واخليها على البوتجاز ، عشان اول ما اجي من الشغل يا دوب افتح البوتجاز عليها ، والصلصة انتي ممكن اعمليها وتخزنيها في علب صغيرة ، بس انا عن نفسي بجبها تكون فريش ( انا بحط خل في الحلة عشان الحلة ما تسودش من جوة ، وفي نفس الوقت بتبقى نظافة للحلة ، لان الخل بيخلي الالومنيوم ابيض زي الفل)

معلومة: ولو عندك حلة مسودة من جوة حطي نص ليمونة بقشرتها وشوية فيري ومية وشوية ملح الليمون وسيبيها تغلي على النار يجي عشر دقايق وبعدين ادعكي الحلة بالسلكة وشوفي بعد كدة اللمعان ، وادعكيها من برة ومن جوة ، وممكن برضة في نفس الوقت تحطي عيون البوتجاز فيها ، وبمجرد ما تحطي السلكة وتدعكي بتلاقيها زي الفل)

اياكي تخلي المواعين عندك مسودة ، حتى طاسة القلية ، اوعي تخليها مسودة من برة وشكلها وحش زي بتوع محلات الفول والطعمية ، انتي بعد كل قلية تغسليها كويس وتدعيكيها بالسلك ، خلي مواعينك كل تبرق من النظافة

_________________
اللهم ان فى تدبيرك ما يغنينا عن الحيل

و فى كرمك ماهو فوق الامل

و فى حلمك ما يسد الخلل

و فى عفوك ما يمحو الزلل

فاللهم تولنا بولايتك و اكرمنا بكرمك و عاملنا بحلمك و اعفو عنا بعفوك


[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
shaymaa-m
Admin


عدد المساهمات: 479

مُساهمةموضوع: رد: ازاي تنظمي وقتك و بيتك وف نفس الوقت كلك دلع وانوثه   الإثنين 20 يونيو - 15:01

ممكن اضيف شيئ صغير
قريت قبل كده ان لازم فعلا يكون فيه يوم راحه ولازم يتناسب مع راحه الزوج بمعني ان مينفعش يبقي يوم اجازته جمعه واقوم انا يوم الجمعه اقلب بقي الشقه
لكن يوم الجمعه لازم يبقي فعلا رحه نصحي براحتنا نفطر سوا ونتفرج علي التي في سوا ولو فيه مشوار او زياره عائليه تعملوه سوا
ودي مهمه جدا[ندعوك للتسجيل في المنتدى أو التعريف بنفسك لمعاينة هذه الصورة]
وجربتها بس قبل الزواج ايام الشغل لان بتبقي اجازتي من الستشفي جمعه وسبت وكنت بخلي الاكل فعلا السبت الصبح مثلا وطول اليوم بقضيه هو والجمعه راحه عموما و قرايه او زيارات وبقعد مع يلتي لان الاجازة اجازة مش لشيئ تاني
كمان مش من اللطيف ان جوزك يشوفك وانتي بتنضفي التنفيض التقيل يعني مينفعش الايد اللي بيبوسها يلاقيها غرقانه في الصابون وبتنظف الحمامات مثلا[ندعوك للتسجيل في المنتدى أو التعريف بنفسك لمعاينة هذه الصورة]
لكن برضه من وقت للتاني لازم تخليه يشوفك وانتي بترتبي وبتنضفي البيت بس بصورة خفيفه عشان يحس ان الموضوع مش سهل وانك بتتعبي وبترهقي نفسك في شغل البيت وخصوصا لما تكوني بتشتغلي عموما فيبقي كده بيحس بانك بره وجو بتبذلي مجهود عشان يشوف لبيت بالصورة اللي بتوضحهلنا جولي من النظافه والتجديد الدائم ويقدرك مجهودك كتير والمهم وقتها لازم يكون مظهرك لطيف يعني بيجامه لطيفه او فستان قطني انوثي كده وتسريحه بسيطه وتكوني بترتبي مثلا المطبخ بنعومه ولا بتغسلي الاطباق مثلا وتبقي لابسه جوانتي ولا بتغيري ملايات السراير او بتطبقي غسيلك االمهم تكوني بتعملي حاجه من حجات البيت الخفيفه بس من وقت للتاني يشوفك وانتي بتحطي لمساتك للبيت بس بنعومه

_________________
اللهم ان فى تدبيرك ما يغنينا عن الحيل

و فى كرمك ماهو فوق الامل

و فى حلمك ما يسد الخلل

و فى عفوك ما يمحو الزلل

فاللهم تولنا بولايتك و اكرمنا بكرمك و عاملنا بحلمك و اعفو عنا بعفوك


[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
shaymaa-m
Admin


عدد المساهمات: 479

مُساهمةموضوع: رد: ازاي تنظمي وقتك و بيتك وف نفس الوقت كلك دلع وانوثه   الإثنين 20 يونيو - 15:03

المشاركة الأصلية كتبت بواسطة شيتوس1990 [ندعوك للتسجيل في المنتدى أو التعريف بنفسك لمعاينة هذه الصورة]
ما شاء الله موضوع جميل اوى ووقتك منظم ربنا يكرمك ويرزقك بالذريه الصالحه ان شاء الله

انا عاوزه اسال عن ايه انسب حاجه فى الحلل للطبيخ يعنى ايه الحلل الى بتطبخى فيها وصحيه لان بلاقى الى بتحب الالومنيوم والى بتحب الحلل الزنك او الصاج والتيفال وكده انا عاوزه رايك بقى
ربنا يخليكي يا قمر

بصي انا عن نفسي بحب الحلل الالمنيوم في الطبيخ وما استغناش عنها ابدا ، والصواني برضة ، بس جايبة حلة واحد تيفال عشان الرز ، بس الحلل الالمنيوم ما تتحطش في الثلاجة ، يعني ما تشليش فيها اكل ، حطي الاكل الباقي في علب بلاستيك وشيلية في الثلاجة ، عشان شكل الثلاجة يبقى حلو ، مش كله حلل وطباق

وقسمي ارفف الثلاجة ، الرف اللي تحت الفريرز على طول ،حطي العصاير والبيبيسي والاجبان
والرف التاني حطي اللبن والمخللات وبواقي الاكل في علب بلاستك او اطباق زجاج بغطيانها عشان ريحة الاكل ما تملاش الثلاجة

والرف الثالث حطي الفاكهة من غير اكياس ، ما تحطيش اكياس وتملي الثلاجة ، وغير كدة بتخلي شكل الثلاجة مش حلو

والرف الرابع حطي الخضار كلة وبرضة من غيراكياس ، ما عدا الخضرة زي الجرجير والشبت والبقدونس والخص

ودرج الثلاجة ، حطي اكياس السلاطة اللي قلت عليها

_________________
اللهم ان فى تدبيرك ما يغنينا عن الحيل

و فى كرمك ماهو فوق الامل

و فى حلمك ما يسد الخلل

و فى عفوك ما يمحو الزلل

فاللهم تولنا بولايتك و اكرمنا بكرمك و عاملنا بحلمك و اعفو عنا بعفوك


[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
shaymaa-m
Admin


عدد المساهمات: 479

مُساهمةموضوع: رد: ازاي تنظمي وقتك و بيتك وف نفس الوقت كلك دلع وانوثه   الإثنين 20 يونيو - 15:03

بصي دي العلب البلاستيك ، شوفي شكلها شيك ازاي وحتبقى اشيك لما تحطي فيها بواقي الخضار في الثلاجة ، وممكن برضة تحطي فيها الاجبان والزيتون والطرشي ، يعني بدل ما تسيبي الاجبان في علبتها ، لالالالا ، هاتي علب بلاسيتك بغطاء وحطي فيها الجبن تحفظها ليكي لفترة اطول وشكلها حلو


[ندعوك للتسجيل في المنتدى أو التعريف بنفسك لمعاينة هذه الصورة]



[ندعوك للتسجيل في المنتدى أو التعريف بنفسك لمعاينة هذه الصورة]


[ندعوك للتسجيل في المنتدى أو التعريف بنفسك لمعاينة هذه الصورة]


[ندعوك للتسجيل في المنتدى أو التعريف بنفسك لمعاينة هذه الصورة]





شوفي شكل الثلاجة عامل ازاي



[ندعوك للتسجيل في المنتدى أو التعريف بنفسك لمعاينة هذه الصورة]

_________________
اللهم ان فى تدبيرك ما يغنينا عن الحيل

و فى كرمك ماهو فوق الامل

و فى حلمك ما يسد الخلل

و فى عفوك ما يمحو الزلل

فاللهم تولنا بولايتك و اكرمنا بكرمك و عاملنا بحلمك و اعفو عنا بعفوك


[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
shaymaa-m
Admin


عدد المساهمات: 479

مُساهمةموضوع: رد: ازاي تنظمي وقتك و بيتك وف نفس الوقت كلك دلع وانوثه   الإثنين 20 يونيو - 15:05

حتبدأي شغل البيت ، زي ما الجدول مكتوب ، بس قبل ما تبدأي ، عايزاكي تعملي كام حاجة كدة لنفسك

الحاجات اللي حاكتبها دي حتقسميها على ايام الاسبوع ، كل يوم اعملي حاجة او اتنين

(1) حمام زيت لشعرك أو كريم

(2) ااغسلي رجلك كويس ورطبيها بالخلطة دي (فازلين+ مية ورد+ جلسرين سايل) أو (جلسيوليد الاحمر +مية ورد +ليمون) وبعدين لفي رجلك بالكيس النايلون اللي بنلف بية الاكل والفاكهة عشان ما يضاقيكش انتي وبتشتغلي .

(3) ماسك الزبادي للوش (انا عن نفسي بعملة كل يوم ) عشان بيفتح الوش وبيخليه منور ، استعملي الزبادي المنتهي الصلاحية ، وبعد ما تغسلي وشك منه امسحي وشك بمية الورد.

(4) لفي شعرك بكر ، او لفية طاقية ، او اعملية بالاستشوار

(5) ماسك للاماكن الحساسة


الحاجات دي تعمليها وتسيبيها عليكي وانتي بتشتغلي ، وبعد ما تخلصي شغل تدخلي تأخدي الشاور بتاعك ، حتلاقي نفسك زي الفل ونظيفة كدة

يعني انا مثلاً دخلت من الشغل، حاعلق هدومي في الدولاب ، وبعدين ادخل على المطبخ اعلق الورق اللي اناكاتباها في الشغل بالحاجات اللي عاوزة اعملها ، وابدأ.

انا معودة جوزي اني بعمل حاجة حلوة كل كام يوم ، فقبل ما ادخل في الطبيخ بعمل الحلو الاول ، زي جيلي ، كريم كراميل ، مهلبية ، رز بلبن، فروت سلاط ، كيكة بسبوسة ، اي حاجة حلوة وخلاص ، وبعد ما اخلصها ادخل على الاكل

احط الاكل على النار ، واشوف الشقة ، حاعمل مثلاً الاوضة ، ادخل ارتب الدولاب ، اوضب التسريحة
وبعدين انا عاوزة اقولكم حاجة ، الحاجات اللي انا بقولها دي ما تأخدش ساعتين منك ، لان الشقة تعتبر نظيفة ، لانك بتعمليها كل اسبوع ، فا مش حتأخد منك وقت

_________________
اللهم ان فى تدبيرك ما يغنينا عن الحيل

و فى كرمك ماهو فوق الامل

و فى حلمك ما يسد الخلل

و فى عفوك ما يمحو الزلل

فاللهم تولنا بولايتك و اكرمنا بكرمك و عاملنا بحلمك و اعفو عنا بعفوك


[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
shaymaa-m
Admin


عدد المساهمات: 479

مُساهمةموضوع: رد: ازاي تنظمي وقتك و بيتك وف نفس الوقت كلك دلع وانوثه   الإثنين 20 يونيو - 15:06

كنت عاوزة اقولكم حاجة بخصوص الاكل

انا كنت اتكلمت عنها في موضوع افكار جديدة للعرايس والمتجوزين ( حتلاقوا لينك الموضوع في الامضاء بتاعتي)

اهتمي بتقديم الاكل لجوزك ، يعني اعتبري جوزك ضيف ، واهتمي وزيني الاكل ، صدقيني الموضوع مش صعب خااالص لما تتعودي علية

عشان تكسبي قلب جوزك وتبقى مميزة في نظرة ، قدمي الاكل بطريقة حلوة ، اياااكي تحطي الحلل والطاسات على السفرة ، والطباق البلاستيك ، لالالالالالالالالالا، هاتي اطقم الصييني البورسلان سكلها حلو في التقديم

بصي معاية على طباق التقديم

[ندعوك للتسجيل في المنتدى أو التعريف بنفسك لمعاينة هذه الصورة]



[ندعوك للتسجيل في المنتدى أو التعريف بنفسك لمعاينة هذه الصورة]


[ندعوك للتسجيل في المنتدى أو التعريف بنفسك لمعاينة هذه الصورة]


ودي طباق السلاطة (وبعدين اتعودي كل طبق بالمغرفة بتاعتة ، مش كل واحد يحط معلقتة في الطبق، لالالالالالالالالالالالا)


[ندعوك للتسجيل في المنتدى أو التعريف بنفسك لمعاينة هذه الصورة]





[ندعوك للتسجيل في المنتدى أو التعريف بنفسك لمعاينة هذه الصورة]



[ندعوك للتسجيل في المنتدى أو التعريف بنفسك لمعاينة هذه الصورة]


انا كنت اتكلمت عن الموضوع دة بالتفصيل بالصور في الموضوع التاني بس انا اتكلمت عنه هنا برضة لان الموضوع فعلاً مهم ،ولازم كل واحدة تأخد بالها من الموضوع دة

انا بستغرب لما الاقي واحدة بتأكل لوحدها ومش بتستنى جوزها ويأكلوا مع بعض ، كلي يا سيتي اي تصبيرة واستني جوزك ، الاكل مش حيطير يعني .

وبستغرب برضة لما الاقى واحدة تحط اي حاجة لجوزها عشان يأكلها ، او تغرفله الاكل كلة في طبق واحد ، عشان خايفة تغسل المواعين ، او تحط الحلل والصواني على السفرة

_________________
اللهم ان فى تدبيرك ما يغنينا عن الحيل

و فى كرمك ماهو فوق الامل

و فى حلمك ما يسد الخلل

و فى عفوك ما يمحو الزلل

فاللهم تولنا بولايتك و اكرمنا بكرمك و عاملنا بحلمك و اعفو عنا بعفوك


[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
shaymaa-m
Admin


عدد المساهمات: 479

مُساهمةموضوع: رد: ازاي تنظمي وقتك و بيتك وف نفس الوقت كلك دلع وانوثه   الإثنين 20 يونيو - 15:10

عشان توفري وقتك ، وفي نفس الوقت يبقى مطبخك شيك وسهل التنظيف ، هاتي علب ورصي فيها كل البقوليات
والمكرونة والرز والتوابل ، والمكسرات ، كل حاجة

يبقى احسن بكتير من االاكياس ، وحتوفرلك الوقت كمان



[ندعوك للتسجيل في المنتدى أو التعريف بنفسك لمعاينة هذه الصورة]



[ندعوك للتسجيل في المنتدى أو التعريف بنفسك لمعاينة هذه الصورة]




[ندعوك للتسجيل في المنتدى أو التعريف بنفسك لمعاينة هذه الصورة]



[ندعوك للتسجيل في المنتدى أو التعريف بنفسك لمعاينة هذه الصورة]



[ندعوك للتسجيل في المنتدى أو التعريف بنفسك لمعاينة هذه الصورة]



ودة اطقم التوابل ممكن تحطيها جنبك على الترابيذة وانتي بتتطبخي ، وبتوفر الوقت وشكلها حلو ، وممكن لما تخلصي طبيخ ، تلميعها وتشيليها في دولا ب المطبخ



[ندعوك للتسجيل في المنتدى أو التعريف بنفسك لمعاينة هذه الصورة]




[ندعوك للتسجيل في المنتدى أو التعريف بنفسك لمعاينة هذه الصورة]



[ندعوك للتسجيل في المنتدى أو التعريف بنفسك لمعاينة هذه الصورة]


[ندعوك للتسجيل في المنتدى أو التعريف بنفسك لمعاينة هذه الصورة]



[ندعوك للتسجيل في المنتدى أو التعريف بنفسك لمعاينة هذه الصورة]

_________________
اللهم ان فى تدبيرك ما يغنينا عن الحيل

و فى كرمك ماهو فوق الامل

و فى حلمك ما يسد الخلل

و فى عفوك ما يمحو الزلل

فاللهم تولنا بولايتك و اكرمنا بكرمك و عاملنا بحلمك و اعفو عنا بعفوك


[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
shaymaa-m
Admin


عدد المساهمات: 479

مُساهمةموضوع: رد: ازاي تنظمي وقتك و بيتك وف نفس الوقت كلك دلع وانوثه   الإثنين 20 يونيو - 15:11

انا قبل كدة حطيت باسكتات عشان تفصلي الغسيل عن بعضة ، الابيض لوحدة ، الالوان لوحدها ، والغامق،

دة بقى باسكت للمكواه ، لما تيجي تتطبقى الغسيل ، افصلي الحاجات اللي عاوزة تتكوي ، وحطيها في الباسكت ، وكل اخر اسبوع اسحبي الباسكت واكوي على طول ، وافصلي حاجات البيت لوحدها ، وحاجات الخروج لوحدها ، عشان تأخدي بالحاجات المهمه


[ندعوك للتسجيل في المنتدى أو التعريف بنفسك لمعاينة هذه الصورة]



[ندعوك للتسجيل في المنتدى أو التعريف بنفسك لمعاينة هذه الصورة]



[ندعوك للتسجيل في المنتدى أو التعريف بنفسك لمعاينة هذه الصورة]


واعملي خلطة مكونة من كمفورت ونشا ومية أو مية ورد ، وممكن نقط من اي برفيوم عندك ، وحطيها في قزازة رشاش ، وخليها في باسكت المكواه ، واستعمليها في المكواه ( الكمفورت ومية الورد والبرفيوم بتخلي ريحة الهدوم حلوة قوووي والريحة دي بتفضل في الدولاب ، كل مما تفتحي الدولاب تلاقي ريحتها حلوة ، والنشا بيساعد على فرد الهدوم المكرمشة قوي ، وما تخافيش مش بتبقع الهدوم

_________________
اللهم ان فى تدبيرك ما يغنينا عن الحيل

و فى كرمك ماهو فوق الامل

و فى حلمك ما يسد الخلل

و فى عفوك ما يمحو الزلل

فاللهم تولنا بولايتك و اكرمنا بكرمك و عاملنا بحلمك و اعفو عنا بعفوك


[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
 

ازاي تنظمي وقتك و بيتك وف نفس الوقت كلك دلع وانوثه

استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 2انتقل الى الصفحة : 1, 2  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
منتدى سرب الحمامات ::  :: -