يلا يا بنات
امبارح كنت راجعه من الشغل تعبانه و ماليش مزاج اطبخ و اسبك
قلت اعمل اكله سريعه
كان عندي صدور فراخ
قطعتها
و بشرت بصله
و جزر و قطعت فلفله رومي بالطول
و قطعت الطماطم علي الفراخ و عصرت عليهم ليمون
حطيت مقلايه علي النار و حطيت شويه زيت و سنه سمنه بلدي
حمرت البصل و بعدين الفلفل
و بعدين الجزر
و قمت نازله بالطماطم و الفراخ
و حطيت معلقه صويا صوص و معلقتين خل
و معلقتين كبار طحينه
و فلفل اسود - بهار فراخ- سنه قرفه- كاري
و شويه ميه
لحد ما اتسبكت و الميه نشفت
و قمت حاشيه السندويتشات و يا سلام بقي لو حطينا رشه مزريلا او شيد ف السندويتش و الفراخ سخنه كده