استشارات للدكتوره هبه

سؤال عن اثار الحروق




ولا يهمك يا قمر كلنا هذا الرجل شوفى يا ستى هو الموضوع بس عاوز صبر وبعدين عاوزه اقولك ان العلاج بالكريمات مش بيشيل اللون نهائى بس بيخف كتيييييييير عن الاول عشان كده فى دلوقتى الليزر والتقسير الكيميائى عند دكتور دول اكثر فعاليه من العلاج بالكريمات ولكن طبعا غالييييييييييييين [ندعوك للتسجيل في المنتدى أو التعريف بنفسك لمعاينة هذه الصورة]
عشان كده خلينا فى الكريمات شوفى يا ستى هتجيبى كريم اسمه avalon whitening cream
ودى صورنه عشان فى كذا نوع [ندعوك للتسجيل في المنتدى أو التعريف بنفسك لمعاينة هذه الصورة]
ده يا ست الكل هتحطى منه قبل ما تنامى يعنى مره واحده فى اليوم المغروض انه النتيجه تبدا تبان بعد شهر من مداومه الاستعمال فان شاء الله انتى هتقوليلى كمان شهر ايه الاخبار لان لو النتيجه يعنى بطيئه شويه هنجيب معاه كريم تانى بس هنبدا بده الاول ماشى يا قمر
وبعدين يا ستى انتى كل يومين هتعملى تقشير للمناطق الغامقه دى بالمقشر الخاص بالوجه او الجسم اللى انتى متعوده عليه لو مش عندك هاتى بتاع كلين اند كلير روعه
وعلى فكره ده للمناطق الغامقه فى الوجه والجسم كله والمناطق الحساسهيعنى مش للايد بس
يارب ان شاء الله تشوفى نتيجه تعجبك

بما انك يا حبيبتى عديتى الثلاثين يبقى المجموعه اللى هى ريفيتاليفت هى المناسبه ليكى وبما انها دهنيه يبقى هنستعمل اللوشن مش الكريم وهنبعد عن منطقه العين
بالنسبه لاسماء المنتجات
لوشن النهار revitalift compelet 30 spf day lotion

كريم الليل revitalift night cream

الغسول ideal skine genesis pore minimizing gel cleanser

لو عاوزه كريم للعين عشان التجاعيد والمحافظه عليها يبقى revitalift eye cream
اللوشن مش بتحطيه ابدا على العين بتحطيه حواليها العين ليها الكريمات الخاصه بيها
انا كاتبالك اسم كريم العين وعلى فكره كريم العين لويس ويدمر حلو قوى احلى كمان من لوريال
اسمه louis widmer eye contour gel بس ده للعنايه بيها وعلاج للانتفاخات والخطوط الرفيعه مش الهالااااااااااااااااااااااات السودا

عندى بنوتة عندها 11 سنة بتطلع لها حبوب كتيرة فى جبهتها لونها احمر ورفيعة لما تحطى ايدك على جبهتها بتكون خشنة وقريب بدا يظهر فى بعضها راس بيضاوبتكون اكبر من التانيين
الحبوب قبل كده كانت بتظهر بس مع كتر الك المقليات بس دلوقتى لا
المقليات تزيد غير كده موجودة اعمل لها ايه عروستى وشكر



ا دى يا حبيبى حب الشباب هى البنت ما شاء الله دلوقتى وقت البلوغ وده طبيعى جدا مفيش مشكله خالص هى بس متلعبش فيها وتقلل من المقليات واللب والسودانى
وخلينا نتفق الاول على ان حب الشباب فى السن ده عادى جدا وخصوصا ان بشرتها دهنيه والحاله دى هتخف من تلقاء نفسها مع الكبر ولكن فى بعض الناس الموضوع بيزيد وبيحتاج علاج مكثف
طبعا هى سنها صغير على اى علاج قوى لحب الشباب فان شاء الله اكتبلها حاجات خفيفه مناسبه لسنها وتجيب معاها نتيجه ترضيها
اولا تستعمل الغسول ده بدل الصابون صباحا ومساءا وده اكثر من رائع لحب الشباب وللرؤوس السوداء بيعالجها وقى نفس الوقت بيقلل من ظهورها مره اخرى avene cleanance gel

[ندعوك للتسجيل في المنتدى أو التعريف بنفسك لمعاينة هذه الصورة]


وبعدين يا ستى ده مقشر خفيف تستعمله مره فى الاسبوع تبلل وشها وتاخد جزء منه وتدعك بيه الوجه على خفيف خالص بحركات دائريه وخصوصا على الرؤوس السواء واه حاجه بالراحه مش بعنف
clean & clear blackheads scrub
[ندعوك للتسجيل في المنتدى أو التعريف بنفسك لمعاينة هذه الصورة]

وممكن كمان تستخدم dalacin _T على حب الشباب هو عباره عن مس
[ندعوك للتسجيل في المنتدى أو التعريف بنفسك لمعاينة هذه الصورة]

ترجى الزجاجه قبل الاستعمال وتحطيه على الحبوب فقط مش على الجلد ده مضاد حيوى موضعى بينشف الحبايه وبيمنع انتشارها لو حست بحرقان غير محتمل او التهاب توقفه فورا لان بعض الناس مش بتستحمله ولكنه فعال ولان طبعا سنها صغر على انها تاخد مضاد حيوى بالفم مده طويله
تستعمل المس ده لغايه ما تلاقى الحبوب نشفت توقف استخدامه او فى مده اقصاها شهر ونص
لو حسيت بحرقان خفيف بس محتمل بقى تحطه ربع ساعه وبعدين تغسل وشها بالماء
وطبعا فى وصايا عامه ان شاء الله هكلمك عليها فى موضوع مستقل عشان الاستفاده نبقى للجميع

هى تداوم على الغسول والمقشر والمس

انا بشرتى دهنية حرف تى

وكان كل فترة فقبل البريود تتطلعلى حبة واحدة تكبر وتوجعنى وبعدين تنشف وتصغر وتختفى

بس بقالى شهر طلعلى 3 حبات من النوع ده ورا بعض ابتدينت اقلق

هو فى الغالب توتر نفسي بس عايزة اسالك اجيب اية كريم او مرهم ادهن بيه الحبات دى عشان تختفى بسرعة
فيوسدين كويس؟؟



معلش يا روشى هى الحبوب دى عادى خالص بس طالما فضلت فتره يبقى نستعمل مضاد حيوى والفيوسيدين حلو مفيش مشكله استعمليه يا حبيبتى 3 مرات يوميا على الحبوب لغايه ما تخف والكريم افضل من المرهم فى الحاله دى
وفى اغلب الامور زى ما انى قلتى التوتر النفسى بياثر قوى فى البشره فهونى على نفسك يا حبيبتى


شوفى يا ستى بالنسبه للحبوب اللى بتطلع اللى ليها راس بيضاء بعد الفتله دى بتكون نتيجه عدوى لان المسام مفتوحه والبكريا بتدخل براحتها خالص فانتى استعملى فيوسيدين كريم حطيه بعد ما تعملى فتله على طول ده بيحميكى من العدوى والحبوب وبعديين كرريه انى فى اخر اليوم واسعمليه بالطريقه دى مع كل مره تعملى فيها كنوع من الوقايه
اما بالنسبه للحبوب بقى لوطلعت استعملى نفس الكريم على الحبوب تلات مرات يوميا
بالنسبه للبشره المشدوده بين الفصول لان الدهون فعلا بكون فى الوقت ده قليله فاهتمى بترطيب وجهك سواء بالمسكات الطبيعيه او المرطبات
اما الغسول وكريمات الوجهه استعملى النوع اللى انتى بتحبيه بس يكون للبشره المختلطه لانه بيكون اقل فى تاثيره على البشره من اللى بيستخدم فى البشره الدهنيه واوريفليم مفيش مشكله فيها استعملى منها زى ما انتى عاوزه
ولو عاوزه فى الصيف ترجعى لمجموعه التى ترى مفيش برضه مشكله براحتك يا قمر

وكريم العين يا قمر هتحى مره واحده بس بالليل برضه لما تيجى تنامى بس خلى بالك وانتى بتحطيه بتستخدمى الاصبع الوسطى او الاصبع الخنصر لانهم اضعف اصابع اليد وبتحطى بحركات نص دائريه من الداخل الى الخارج
الصوره دى بتوضحلك ازاى تحطيه يا قمر
[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

هذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 768x783 و بحجم 230KB.

[ندعوك للتسجيل في المنتدى أو التعريف بنفسك لمعاينة هذا الرابط]
[ندعوك للتسجيل في المنتدى أو التعريف بنفسك لمعاينة هذه الصورة]

بالنسبه بقى لكريم تفتيح الجسم بعد الشاور يا قمر تحطيه على المنطقه اللى عاوزه تفتحيها وتسيبيه على جسمك شويه قبل ما تلبسى عشان الجلد يتشربه وحاولى ده يكون بالليل عشان مش تعرقى
طبعا ده فى الصيف على اساس انك بتستحمى يوميا اما بالنسبه للشتا فطبعا الواحد بيستحمى مرتين فى الاسبوع بالعافيه [ندعوك للتسجيل في المنتدى أو التعريف بنفسك لمعاينة هذه الصورة] فانتى قبل ما هتنامى تغسلى كويس المنطقه اللى عاوزه تفتحيها وتحطى الكريم وتنامى وتحلمى احلام سعيده ان شاء الله

الشيفنج ده اسلم طريقه لازاله الشعر بس مشكلته انه بيطلع بسرعه الصاروخ لو هتقدرى على كده خلاص استعملى الشيفنج ده هيقلل كتير من البقع البنيه دى لو مش هتقدرى يبقى ارجعى استعملى اكيرات الحليب تانى وفى كمان ملح الحليب يوكو اللى هو اسود فى ابيض ومرسوم عليه بقره ده ممتاز بعد الشاور ادهنى جسمك بيه وسيبيه شويه وبعدين اغسلى جسمك بالميه وياريت لو تعملى اسكرب لجسمك بالليفه بتاعت زمان اللى هى صفرا وطويله دى مش ليفه لوكس عديمه الفائده دى او تفركى جسمك بالحجر الخفاف بتاع القدم بس بالراحه وبعدها ادهنى قدمك فيوسيدين وحاولى ان يكون ده فى الليل عشان تنامى على طول مش تعرقى

ولو عاوزه ستعملى الواكس برضه مفيش مشكله بس برضه هحطى فيوسيدين ومش تستعجلى هو ممكن يفضل احمر ومجدر شويه بس هيروق وبتكرار الاستعمالى ان شاء الله هيجيب نتيجه معاكى على طول بعد الازاله
وربنا معاكى انا عارفه انها مشكله كبيره وغبيه بس عاوزه طول بال وصبر طويييييييييييييل

اخر حل بقى ممكن تلجاى ليه هو الليزر بس هيكون مكلف بس هيرحمك من الشعر والنقط البنى الاتنين مع بعض
وابقى طمنينى عليكى يا قمر


يا قمر مجموعه ريفيتاليفت مش قويه قوى على البشره انها تسبب الجفاف لان مهمتها الاساسيه هى التجاعيد فمتخفيش هى ان شاء الله مش هتنشف البشره ولو حسيتى انه فيه جفاف غيرى الغسول فقط الى غسول كريمى وليس اويل فرى ولكن استمرى على لوشن النهار وكريم الليل وبالنسبه للعين فى مجموعه ريفيتاليف 3 كريمات خاصين بالعين واحد اللى اسمه التاثير المضاعف والثانى كريم عين عادى للتجاعيد دى صورته
[ندعوك للتسجيل في المنتدى أو التعريف بنفسك لمعاينة هذه الصورة]

لو تلاحظى هتلاقيه مقسوم اتنين واحد للصباح لو انتى خارجه هتحطيه هو يعتبر علاج وواقى من الشمس والثانى لفتره الليل قبل النوم مباشره ده خديه لو انتى بتخرجى
اما الثالث فلو مش بتخرجى خدى ده يقعد معاكى فتره طويله هتحطيه مره واحده فى اليوم بالليل قبل ما تنامى

[ندعوك للتسجيل في المنتدى أو التعريف بنفسك لمعاينة هذه الصورة]
واطلعى فوق شويه هتلاقى طريقه وضعه انا وصفاه

التانى اللى هو التاثير المضاعف ده لسن اكبر شويه والجاعيد تكون كثيره

استشاره عن استعمال الليزر لازالة الشعر





الليزر للشعر ملوش دعوه بالمسامات هو بيقلل نمو الشعر على العموم يا حبيبى طالما انتى نويى تعملى اذهبى لمكان موثوق فيه واللى يعملك تكون طبيبه معروفه او حد من اصحابك او قرايبك عارفينها وعارفين انها شاطره
بالنسبه لليزر غير مؤلم حتحسى زى نغزات خفيفه جدا غير مؤلمه وكل منطقه بحاج عده جلسات يعنى الوجه بيحتاج الى 3 او 4 جلسات والايدى والارجل حوالى 5 جلسات طبعا الدكتوره هى اللى هتكرر حسب نوع الشعر وسمكه ولونه بس نصيحه ابداى بالايدى والاقدام حتى تتاكدى من شطاره الدكتوره وحداثه الجهاز لانه احيانا بيحدث حروق بسيطه فى الجلد نتيجه ان البشره حساسه لليزر فبتعمل دوائرحرق ولكنها تزول بعد اسبوعيين تقريبا ومفيش منها مشكله فابداى بالايدى والاقدام عشان تتاكدىكمان ان بشرك مش حساسه لليزر ساعتها اعملى وجهك
وحاولى تروحى للدكتوره وانتى لسه بخيره يعنى مش فيشتى الهوامش ومشيلتيش الشعر عشان بس تشوفه على طبيعه وتقدر تقدر قوه شعاع الليزر

لكن الموضوع فى مجمله نفيد قوى لان الشعر بعد كده بيطلع ضعيف وفاتح وطبعا كل سنه بتاخدى جلسه او اتنين عارفه فى ناس بعد السنه الثانيه او الثالثه بيروح الشعر نهاااااااااااااااااااائى بس ده مش مع الكل
وربنا معاكى يا حبيبى وبالتوفيق مقدما

كنت عاوزه اسالك عن حاجه يا جميل بفكر جديا اعمل تقشير كميائي لبشرتي
لانها متبهدله من الحفر و البقع الحمرا مكان حبوب الشباب ايه رايك ف التقشير؟؟


التقشير طبعا حلو جدا بس لازم عند حد كويس وانتى بتعمليه فى جلسات وان شاء الله النتيجه تبسطك بس عاوزه اقولك لو الندبات عميقه التقشير هيفيدك بس مش بنسبه ميه بالميه اللىهيجيب نتيجه ك
اكتر معاكى الليزر يا حبيبى فانتى روحى للدكتوره الاول يا حبيبتى وهى هتحدد التقشير ولا الليزر

التقشير فى السعوديه الجلسه 150 ريال والليزر من 350 الى 450 ريال الجلسه فى مصر تقريبا نفس السعر بس بالمصرى او اغلى شويه











معلش عندي استفسار انا من كذا سنة وشعري بدأ مشوار التقصيف
ومش عارفة ايه الحل وزهقت من كتر تجارب الزيوت والشامبوهات
بس اللي قلقني اني روحت لدكتورة جلدية عشان تشوفوا قالتلي
ان تغيير طبيعة الشعر من ناعم لجاف او خشن او العكس بيكون ده معناه
بداية صلع طبعا انا من يوميها مرعوبة وكل ما يقع شوية شعر اقول خلاص
هتصلع وسالتني عن ان كان الصلع عندنا وراثة مثلا بس قولتلها لا
يا ترى المعلومة دي ايه درجة صحتها؟؟؟
واعمل ايه عشان اعالج التقصيف؟؟؟

حبيبتى فعلا احيانا تغير طبيعه الشعر بتكون دليل على بدايه صلع ولكن ده امر بعيد شويه يعنى مش ده اللى بييجى اول حاجه فى دماغنا فى كذا سبب اولا تغيير المناخ من بلد لبلد وكمان دليل على سوء التغذيه يعنى انتى مش باخدى كفايتك من الفيتامينات والمعادن المفيده للبشره والشعر وكمان بيكون نتيجه الحمل والولاده والحاله النفسيه السيئه ونتيجه الانيما
وكمان عاوزه اقولك مش ينفع ابدا فى حاجه تخص البشره والشعر نقول زهقنا ليه لانهم بياخدوا وقت طويل اننا نعالجهم والنتيجه مش بتبان من اول استعمال
انتى بس عرفينى عملتى تحليل دم وبترضعى دلوقتى ولا لا
واخبار النفسيه ايه واخبار الغذاء ايه وهل فى اى حاجه بتشتكة منها غير الشعر والتقصف وتغير حالته واخيرا انتى استعملى ايه قبل كده
مستينه ردودك يا حبيبتى

ندخل على الشعر شوية

ايه رايك فى كامينوموتو لسقوط الشعر وسورسير بالتوم

وايه افضل نوع فيتامين لسقوط الشعر من تجاربك وماله يا روشى ندخل على الشعر
شوفى يا ستى الاثنين كويسين بس نفس الهدف واحديعنى الاثنين بيوقفوا التساقط
انتى لو كنتى استعملى اى واحد فيهم ولقيتيه كويس وريحك كملى عليه وممكن كمان تكملى المجموعه يعنى تجيبى التونيك والمسرع هيدوكى نتيجه كويسه وبالنسبه لتركيبهم عباره عن اعشاب طبيعيه وبعض العناصر الغير ضاره يعنى مش زى المينوكسيديل اللى فى hair grow بيديكى نتيجه هايله واول ما توقفيه شعرك يقع تانى يعنى ان شاء الله امن
بس عاوزه انبهك فى اسباب اهم من العلاج الدوائى لعلاج الشعر سواء كان بيقع او مش بيطول اومتقصف مثلا انك مش يكون فى انيميا ويكون غذائك صحى يعنى بتاكلى خضار وسلطه وجرجير والاطعمه اللى بتحتوى على الزنك والحديد وتكون النفسيه تمام لان القلق والتوتر والزعل بيموت جذر الشعره وبيخليها ضعيفه فبتقع
ويكون ده حديث العهد يعنى مثلا مش من وانتى لسه نونو وشعرك بيقع لا يعنى بدا يقع مثلا لما خلفتى او لما بداتى ترضعى او من فتره مثلا نتيجه التقدم فى العمر ولازم برضه تعرفى ان فى سقوط طبيعى للشعر فى اليوم وفى سقوط مرضى واخيرا انه يكون فى مشكله فى الهرمونات لو كل دول تمام اوكى استعملى العلاج الدوائى ساعتها اقدر اقولك ان شاء الله فى خلال شهر هتشوفى نتيجه تفرحك لو بقى كل دول ملخبطين يبقى وفرى فلوسك لغايه ما تظبطى نفسك تظبطى النفسيه والغذاء واستعملى بقى حمام كريم او حمام زيت اللى ترتاحى عليه وطبعا شامبو كويس يكون مناسب لنوع شعرك وعلى فكره حاولى تغيرى النوع كل 6 شهور مثلا نفترض انك بتستعملى دوف يبقى لما يمر 6 شهور غيرى لهيربال اسنسيز لمده شهر مثلا وبعدين ارجعى تانى لدوف لو ده اللى بترتاجى عليه الغرض من كده انك تدى صدمه للشعر لانه بيتعود على نوع معين فاحيانا مش بيسفيد منه بيكون مجرد نظافه فقط


بالنسبه للفيتامينات الافضل طبعا هو البنتوجار بس ميكونش فى حمل ولا رضاعه بتاخدى كبسوله 3 مرات يوميا مع الوجبات ومش بتمضغيها لا بتبلعيها بالماء نتاخديه لمده شهر ونشوف النتيجه لو لاحظنا تحسن بنكمل من 3 الى 6 شهور لو لا بنوقف ونستعمل غيره لانه فى حالات قليله جدا بيكون الجسم مضاد ليه يعنى مش متقبله وبيرفضه فمش بتلاقى نتيجه لاسعماله العلبه فيها 90 كبسوله بتكفيكى شهر

سؤال عن هيشان الشعر




شوفى يا قمر هو الهيشان ده بيكون طبيعه شعر بس احنا ممكن نحلها بانها تعمل حمام كريم مره او اتنين فى الاسبوع وتستعمل كريم مغذى او سيرم يوميا بعد ما تصحى وتمشط شعرها تستعمله ان شاء الله شعرها هيكون حلو طول اليوم
ده سيرم حلو ومش غالى

[ندعوك للتسجيل في المنتدى أو التعريف بنفسك لمعاينة هذه الصورة]

هذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 578x1600 و بحجم 97KB.

كمان بيحمى شعرها لو خرجت الصبح بيحميه من اشعه الشمس الضاره اللى ليها دور كبير فى الهيشان

وده حمام الكريم بالثوم او النخاع حلوين قوى
[ندعوك للتسجيل في المنتدى أو التعريف بنفسك لمعاينة هذه الصورة]
طبعا فى انواع كتير حلوه قوى يعنى مش دول بس دى كانت مجرد اقتراحات ولو هى اساسا متعوده على نوع معين تستعمله مرتين اسبوعيا
بس انصحها تجيب السيرم لانه بجد مغذى ومفيدجدا

واى خدمه يا دوندون يا قمر انتى حبيبتى وكل البنات ربنا يعلم انى بحبكم كلكم فى الله