منتدى سرب الحمامات
مدونات سرب الحمامات
اهتمامات ستات البيوت
(للسيدات فقط)

منتدى سرب الحمامات
مدونات سرب الحمامات
اهتمامات ستات البيوت
(للسيدات فقط)

منتدى سرب الحمامات
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتدى سرب الحمامات

تجارب ستات البيوت الشاطرين
 
الرئيسيةسرب الحمامأحدث الصورالتسجيلدخول
بحـث
 
 

نتائج البحث
 
Rechercher بحث متقدم
Free counters!

 

 افكار وتجارب ميرو السريع

اذهب الى الأسفل 
+10
دوللى
أم جميلة
um susu
مها
rawanyo
omyosef
ام مريم العسل
mado
roshana
miro
14 مشترك
انتقل الى الصفحة : 1, 2, 3, 4, 5  الصفحة التالية
كاتب الموضوعرسالة
miro
سوبر مامى
miro


عدد المساهمات : 155

افكار وتجارب ميرو السريع Empty
مُساهمةموضوع: افكار وتجارب ميرو السريع   افكار وتجارب ميرو السريع Icon_minitimeالثلاثاء 5 أكتوبر - 15:15

أفكار وتجارب ميرو السريع


صباحو نادي لبن زبادي





مش قادرة اقلكوا بحب القسم هنا ازاي ............. ومش هنا بس في اي منتدى بدخل عدل على التنظيم والتنظيف
ال يعني مقطعة الدنيا نظافة
لا هو بصراحة انا بعشق التنظيم واحب اعمله لكن التنظيف احبه جدا لكن حد يعملهولي هههههههههههههههه
المهم ان الموضوع ده هيكون متجدد وفيه افكار وتجارب ميرو السريع
ولا ادعي شرف انها كلها من بنات واولاد افكاري
لا هي خلاصة لف وتدوير في المنتديات ومعلومات عامة كتير اكتسبتها وفي جزء صغير من بنات افكاري لوحدي



طبعا شكر خاص لمادو الحبيبة اللي لولا تشجيعها مكنتش عملت الموضوع ده خالص
وطبعا عايزين افكاركوا معايا


المهم عايزين تصقيفة اومال .....تشجيعة اومال..............هههههههههههههه



ولا هتاخدوا الافكار على الجاهز وانا مش هينوبني من الحب جانب


لا بجد كل اللي عايزاه دعوة حلوة ربنا يوسعها عليا ويهديلي جوزي ويخليهولي ويخليلي ولادي ويبارك فيهم ويخليلي اهلي وامي وابويا يا رب العالمين
[right]
الرجوع الى أعلى الصفحة اذهب الى الأسفل
miro
سوبر مامى
miro


عدد المساهمات : 155

افكار وتجارب ميرو السريع Empty
مُساهمةموضوع: رد: افكار وتجارب ميرو السريع   افكار وتجارب ميرو السريع Icon_minitimeالثلاثاء 5 أكتوبر - 15:17


لما تيجي تغسلي اطقم ملايات السرير
تتطبق الملاية الاول وبعدين تتحط في الغساله
لان لما بتتطبق وهي ناشفة اسهل من لما تتطبق وهي مبلولة علشان النشير وبتنظف زي العادي طبعا وبتطلع من الغساله متطبقة
وبعدين لما تنشف
واحنا بنشيلها من على الحبل نطبق الملاية ونحط جواها الاكياس بتاعتها
بيكون الدولاب مترتب ولما تسحبي ملاية بيبقى معاها اكياسها مرة واحدة
الرجوع الى أعلى الصفحة اذهب الى الأسفل
miro
سوبر مامى
miro


عدد المساهمات : 155

افكار وتجارب ميرو السريع Empty
مُساهمةموضوع: رد: افكار وتجارب ميرو السريع   افكار وتجارب ميرو السريع Icon_minitimeالثلاثاء 5 أكتوبر - 15:18

فكرة تانيه بمية الورد برضه
حطيت شوية صغيرين على علبه الفازلين
ياه اخدت فايدة الفازلين وريحة الورد
وبقى يجنن
يلا اي خدمة
الرجوع الى أعلى الصفحة اذهب الى الأسفل
miro
سوبر مامى
miro


عدد المساهمات : 155

افكار وتجارب ميرو السريع Empty
مُساهمةموضوع: رد: افكار وتجارب ميرو السريع   افكار وتجارب ميرو السريع Icon_minitimeالثلاثاء 5 أكتوبر - 15:18

عملت فكرة كمان افتكاسه


كان عندي برواز حلو اوي بس كان فيه حته مكسورة
فجت معجون السنان وكملت بيه الحته دي واستنيت شوية كان ابتدي ينشف وقعدت اشكله على نفس شكل الحتة المكسورة وسبته لما شف خالص بقى زي الحديد هههههه
رحت ملوناه لون قريب من لون البرواز
وفعلا مبقاش باين انه كان مكسور
معجون السنان ده رائع بس المهم يكون لونه ابيض
وكمان بعمل بيه الحيطة لو مكان مسمار او اي كسر بحطه واسيبه ينشف بيبقى زي معجون البياض
الرجوع الى أعلى الصفحة اذهب الى الأسفل
miro
سوبر مامى
miro


عدد المساهمات : 155

افكار وتجارب ميرو السريع Empty
مُساهمةموضوع: رد: افكار وتجارب ميرو السريع   افكار وتجارب ميرو السريع Icon_minitimeالثلاثاء 5 أكتوبر - 15:20


وكان عندي بلوزة جديدة سودا لكن كانت بتبهت حتى على البدي اللي تحتيها نقعتها في خل ومية ماشاء الله اللون ثبت وغسلتها على ايدي ونشرتها


في فكرة كمان من هدى وريهام دمست فول نقعته من بالليل وحطيته في البرستو ومعاه طماطم وعدس اصفر وليمون
ربع ساعة وكان تمام رائع رائع
الرجوع الى أعلى الصفحة اذهب الى الأسفل
miro
سوبر مامى
miro


عدد المساهمات : 155

افكار وتجارب ميرو السريع Empty
مُساهمةموضوع: رد: افكار وتجارب ميرو السريع   افكار وتجارب ميرو السريع Icon_minitimeالثلاثاء 5 أكتوبر - 15:20



الدولاب لما بيتوضب بيبقى يفتح النفس
انا بحب احط الطقم على شماعة وكل طقم اعلق معاه الطرحة بتاعته
على اساس مخدش وقت لما اجي البس الصبح اسحب الطقم كامل البلوزة والجيبة بتاعتها والطرحة

كمان لبس البيت والانجري بيبقى كله ستان وقماش طري اوي صعب تطبيقه ومفيش مكان لتعليقة
فكرة الرولات دي فكرة نيرة
لو قميص نوم او بيبي دول بلفه رول ولو بيجاما بحط البلوزة والبنطلون في بعض والفهم على بعض روول برضه
بكده بيدي شكل حلو والهدوم بتبقى باينه بدل مهم فوق بعضهم مش منظمين

كمان شماعة الطرح هايلة لو في طرح زيادة او بتتلبس على كذا طقم بحطها في شماعة الطرح بتوفرلي اوي في المساحة وشكل رائع
الرجوع الى أعلى الصفحة اذهب الى الأسفل
miro
سوبر مامى
miro


عدد المساهمات : 155

افكار وتجارب ميرو السريع Empty
مُساهمةموضوع: رد: افكار وتجارب ميرو السريع   افكار وتجارب ميرو السريع Icon_minitimeالثلاثاء 5 أكتوبر - 15:21

فكرة صغننه وتافهة بس انا حباها اوي

عندي برطمان عسل نحل حطاه على رخامة المطبخ
وعلشان مشغلش طبق واخلي الشكل حلو لاني لازم احط طبق تحت البرطمان علشان ميلزقش الرخامة مهما كان اكيد بينقط

جبت غطا الجبنة النستو حطيته تحتها ولانه صغير فيادوب حوالين الرطمان وشكله حلو ومش منتقد

فكرة هايفة بس انا مبسوطة بيها
الرجوع الى أعلى الصفحة اذهب الى الأسفل
miro
سوبر مامى
miro


عدد المساهمات : 155

افكار وتجارب ميرو السريع Empty
مُساهمةموضوع: رد: افكار وتجارب ميرو السريع   افكار وتجارب ميرو السريع Icon_minitimeالثلاثاء 5 أكتوبر - 15:22


فكرة كمان اي باب بيزيق بيكون بيضايق اوي
بجيب قطنة وابلها باي زيت طعام وامشي على المفصله من حواليها كده بالقطنه على خفيف لغايه ما يروح التزييق خالص


- طبعا ملح الليمون مذهل فيالحمامات وخصوصا الفروق البيضا اللي بين السيراميك
انا برشه وارش عليه ميه في ارضيه الحمام واسيبه شوية وبعدين امسح عادي بلاقي الارض رجعت كانها جديدة ولسه السيراميك متركب


-لسان العصفور والشعرية بحطهم في صينيه في الفرن واولع الشواية بس يتحمروا واحطهم في التلاجة وبيكونوا جاهزين لاي استخدام
وبيقعدوا بالشهور منغير ما يبوظوا
الرجوع الى أعلى الصفحة اذهب الى الأسفل
miro
سوبر مامى
miro


عدد المساهمات : 155

افكار وتجارب ميرو السريع Empty
مُساهمةموضوع: رد: افكار وتجارب ميرو السريع   افكار وتجارب ميرو السريع Icon_minitimeالثلاثاء 5 أكتوبر - 15:22


في فكرة حلوة اوي لما اكون بغسل الستاير بحطها في كيس مخدة طويل واربطة من الجنبين واحطها في الغساله وبعد ما تخلص الغساله بعلقها علطوول وهي مندية لانها كده بتنشف مفرودة
وبكده بختصر خطوات كتير وكمان الستاير بتتنظف كويس
الرجوع الى أعلى الصفحة اذهب الى الأسفل
miro
سوبر مامى
miro


عدد المساهمات : 155

افكار وتجارب ميرو السريع Empty
مُساهمةموضوع: رد: افكار وتجارب ميرو السريع   افكار وتجارب ميرو السريع Icon_minitimeالثلاثاء 5 أكتوبر - 15:24


الملوخية المفروض مش تبات فانا بعد ما اعملها بقسمها نصين نص ناكله والنص التاني في عليه على الفريزر
ولما بطلعها بتبقى زي الطازة بالظبط


ثانيا بواقي العيش الفينو
وما اكترها عندي ولادي مجننيني
لو كان العيش نظيف بجمعها واسيبها تنشف واطحنها وتبقى احلى بقسماط وبضيف كمان عليا نشا وتوابل بتبقى حلوة اوي في التحمير بتنفش البانيه وبتخليه حلو
الرجوع الى أعلى الصفحة اذهب الى الأسفل
miro
سوبر مامى
miro


عدد المساهمات : 155

افكار وتجارب ميرو السريع Empty
مُساهمةموضوع: رد: افكار وتجارب ميرو السريع   افكار وتجارب ميرو السريع Icon_minitimeالثلاثاء 5 أكتوبر - 15:25


للقضاء على مشكلة وجود الابراص في البيت نرش في الاركان الخارجيه شيح من عند العطار
يعني على الشبابيك والبلكونات ده بيبعده نهائيا
الرجوع الى أعلى الصفحة اذهب الى الأسفل
miro
سوبر مامى
miro


عدد المساهمات : 155

افكار وتجارب ميرو السريع Empty
مُساهمةموضوع: رد: افكار وتجارب ميرو السريع   افكار وتجارب ميرو السريع Icon_minitimeالثلاثاء 5 أكتوبر - 15:26



ممكن الاستفادة من الادوات الموجودة في البيت لصنع اشياء اكثر قيمة
كان عندي طبق مسطح كرستال للتورتة وانا كنت عايزاه عالي فقريت موضوع في النت عن كده ونفذته والحمد لله طلع رائع
جبت طبق غويط مكنتش محتجاه وقلبته ولزقته في الطبق المسطح اداله شكل تحفة ووفر عليا كتير وممكن استبدال الطق الغويط ده باي فازة صغيرة او شمعدان افكار وتجارب ميرو السريع Attachment


عدل سابقا من قبل miro في الثلاثاء 5 أكتوبر - 15:30 عدل 2 مرات
الرجوع الى أعلى الصفحة اذهب الى الأسفل
miro
سوبر مامى
miro


عدد المساهمات : 155

افكار وتجارب ميرو السريع Empty
مُساهمةموضوع: رد: افكار وتجارب ميرو السريع   افكار وتجارب ميرو السريع Icon_minitimeالثلاثاء 5 أكتوبر - 15:26


طبعا لتقطيع الفراخ انا بستخدم مقص مخصصاه لكده ويكون نوعه كويس
وبقطع بيه الفراخ بسهولة وبتتقطع منتظمة مش مهرية زي السكينة كمان بيزبطلي الاربع كويس وبشيل بيه الاجنحة والرقبة بمنتهي السهوله
الرجوع الى أعلى الصفحة اذهب الى الأسفل
miro
سوبر مامى
miro


عدد المساهمات : 155

افكار وتجارب ميرو السريع Empty
مُساهمةموضوع: رد: افكار وتجارب ميرو السريع   افكار وتجارب ميرو السريع Icon_minitimeالثلاثاء 5 أكتوبر - 15:31


عندي فكرة صغنونة بس حلوة اوي
كان عندي لولي طبيعي عملت عقد لنفسي وفضل شوية

فكان عندي خيط سيرما دهبي من كل شئ لضمت اللولي فيه وفي النص حطيت دلاية دهب بتاعة بنتي وكملت العقد بقى جميل خالص عليها وعملتلها كمان غويشة لولي وطبعا اللولي سعره ارخص كتير من السلاسل الدهب

وبس

الطقم بقى تحفة وجديد وبناتي خالص
الرجوع الى أعلى الصفحة اذهب الى الأسفل
miro
سوبر مامى
miro


عدد المساهمات : 155

افكار وتجارب ميرو السريع Empty
مُساهمةموضوع: رد: افكار وتجارب ميرو السريع   افكار وتجارب ميرو السريع Icon_minitimeالثلاثاء 5 أكتوبر - 15:33


للقضاء على صرير الابواب المزعج
حتة قطنة مغموسه في اي نوع زيت طعام ممكن زيت ذرة او ما شابه ونمسح بيها على المفصلات بتاعة الباب
هتلاقي الاصوات اختفت نهائيا


بجد عن تجربة شخصية متكررة
لو الطفل سخن وتعبان بالليل ندهن بطن رجله بالفيكس ويلبس شراب وينام وباذن الله هيصحي الصبح تمام والبرد مسحوب من جسمه
الرجوع الى أعلى الصفحة اذهب الى الأسفل
miro
سوبر مامى
miro


عدد المساهمات : 155

افكار وتجارب ميرو السريع Empty
مُساهمةموضوع: رد: افكار وتجارب ميرو السريع   افكار وتجارب ميرو السريع Icon_minitimeالثلاثاء 5 أكتوبر - 15:34


للوقاية من الالتهابات النسائية يتم تجميع الغيارات الداخلية وتغسل بمطهر جيد مثل الديتول او السافلون ومثلها في ذلك الغيارات الداخليه للزوج حتى لا تنتقل للزوجةا العدوي ثانيا
ولا تغسل ابدا مع اي ملابس اخري ايضا منعا لانتقال العدوي
الرجوع الى أعلى الصفحة اذهب الى الأسفل
miro
سوبر مامى
miro


عدد المساهمات : 155

افكار وتجارب ميرو السريع Empty
مُساهمةموضوع: رد: افكار وتجارب ميرو السريع   افكار وتجارب ميرو السريع Icon_minitimeالثلاثاء 5 أكتوبر - 15:34


من الحجات اللي مسهلة عليا حياتي مجموعة من السلال او الصواني المدورة بجمع فيها الاجبان في صينيه للساندوتشات
وصنيه اخري عليها الزبادي
وصنيه ثالثه للفاكهة وبذلك بوفر مكان في التلاجة وايضا لسهولة الاستخدام حيث اني اسحب صينيه او سلة الجبن والمربي للساندوتشات بدلا من حمل كذا علبه
ايضا فكرة الصينيه الدورة تجعل من السهل لفها في مكانها واحضار اي نوع من الجانب الاخر مع اللف
الرجوع الى أعلى الصفحة اذهب الى الأسفل
miro
سوبر مامى
miro


عدد المساهمات : 155

افكار وتجارب ميرو السريع Empty
مُساهمةموضوع: رد: افكار وتجارب ميرو السريع   افكار وتجارب ميرو السريع Icon_minitimeالثلاثاء 5 أكتوبر - 15:35


لوعندك بقعه زيت على الهدوم حطى عليها بودره اطفال وسيبيها شوية البودرة هتمتص الزيت وبعدين نفضيها و اغسليها
الرجوع الى أعلى الصفحة اذهب الى الأسفل
miro
سوبر مامى
miro


عدد المساهمات : 155

افكار وتجارب ميرو السريع Empty
مُساهمةموضوع: رد: افكار وتجارب ميرو السريع   افكار وتجارب ميرو السريع Icon_minitimeالثلاثاء 5 أكتوبر - 15:36

عايزه اضيف فكره جاتللى دلوقتى علشان تحصللى على طعم الكفته المشويه على الفحم
بعد ما تسوى الكفته فى الفرن او مقليه تكونى مجهزه قطعة من الفحم مولعها كويس على عين البوتاجاز و الكفته تخرج من الفرن فى صينيتها تضعى الفحمه فى الصينيه و تحطي عليها حتة سمنة بلدي بدل الزيت بتدي طعم تحفة واحلي كتير من الزيت وده من اسرار المطاعم و تغطيها لمدة دقيقه و شمى ريحة الكفته بالفحم و دوقى طعمها

طريقتي المعتمدة في الكفته

بجيب لحمة مفرومة واحط عليها بصل مفروم ومعصور كويس من ميته لان الميه هي اللي بتخلي الكفته تفك وهي بتتقلي واحط عليها عيش فينو مبلول ومعصور كويس وبيضه وملح وفلفل وبهار واعجنها واصبعها على سيخ
وبعدين اقليها واكون مسخنة قطعة فحم والسر هنا بقى
الفحم نحط عليه حته سمنه بلدي م وطبعا بغطيها علشان تاخد الريحة انا عن نفسى باعملها كلهم بيفتكروا انها كفته على الفحم
الرجوع الى أعلى الصفحة اذهب الى الأسفل
miro
سوبر مامى
miro


عدد المساهمات : 155

افكار وتجارب ميرو السريع Empty
مُساهمةموضوع: رد: افكار وتجارب ميرو السريع   افكار وتجارب ميرو السريع Icon_minitimeالثلاثاء 5 أكتوبر - 15:36


بعد سلق الفراخ.بحط عليها شوية صلصة واحطها في الفرن تحت الشواية دقائق وبتبقى زي المحمرة بالزيت بس كده منغير دهون وممكن نقسم الفراخ قبل السلق اربعة.وبكده تتحمر من ناحية واحدة وخلاص على التقديم.لكن لوهتسيبها زى ماهى هتقليبها على الناحيتين
الرجوع الى أعلى الصفحة اذهب الى الأسفل
miro
سوبر مامى
miro


عدد المساهمات : 155

افكار وتجارب ميرو السريع Empty
مُساهمةموضوع: رد: افكار وتجارب ميرو السريع   افكار وتجارب ميرو السريع Icon_minitimeالثلاثاء 5 أكتوبر - 15:37

الباذنجان بجيبه واقطعه ترنشات واقليه واصفيه وبعدين بقسمه في اكياس لكل اكله واحطه في الفريزر
بعد كده بستعمله في المسقعة او سلطة بابا غنوج او في المقلوبة وبجيب كمية واعملهم مرة واحدة واقسمهم على اكياس لكل مرة
الرجوع الى أعلى الصفحة اذهب الى الأسفل
miro
سوبر مامى
miro


عدد المساهمات : 155

افكار وتجارب ميرو السريع Empty
مُساهمةموضوع: رد: افكار وتجارب ميرو السريع   افكار وتجارب ميرو السريع Icon_minitimeالثلاثاء 5 أكتوبر - 15:39


لتحمير الشعريه واللسان عصفور يفضل تحميصها في التيفال بدون اي زيت او سمنة بفتح الشواية بس واقلب لغاية ما تتحمر كلها واشيلها في علب فيالتلاجة بتفضل كتير اوي وبتوفر عليا وقت كتير



فكرة جديدة للرز كنت اكلتها في رستوران
بعمل رز احمر زي رز السمك ويتحط فوقيه تقليه بصل كتزيين للطبق
يجنن وبيدي شكل وطعم حلو اوي وممكن يعمل جنبه اي نوع فراخ او لحمة بصوص كده او نواشف زي البانيه
الرجوع الى أعلى الصفحة اذهب الى الأسفل
miro
سوبر مامى
miro


عدد المساهمات : 155

افكار وتجارب ميرو السريع Empty
مُساهمةموضوع: رد: افكار وتجارب ميرو السريع   افكار وتجارب ميرو السريع Icon_minitimeالثلاثاء 5 أكتوبر - 15:41


اللوبيا والفاصوليا البيضا او الخضرا بغسلهم كويس واحطهم في البرستو ومعاهم لحمة وعصير طماطم وملح وفلفل وبهارات وبصل مفروم واقفل عليهم تلت ساعة وافتح تكون مستوية وتجنن ومنغير سلق او نقع اللوبيا او الفاصوليا
الرجوع الى أعلى الصفحة اذهب الى الأسفل
miro
سوبر مامى
miro


عدد المساهمات : 155

افكار وتجارب ميرو السريع Empty
مُساهمةموضوع: رد: افكار وتجارب ميرو السريع   افكار وتجارب ميرو السريع Icon_minitimeالثلاثاء 5 أكتوبر - 15:42


لو السوستة بتفتح بعد غلقها نجيب شاكوس وندق بيه على ام راسها بس
هتلاقوها بقت بتفضل مقفولة بعد كده
الرجوع الى أعلى الصفحة اذهب الى الأسفل
miro
سوبر مامى
miro


عدد المساهمات : 155

افكار وتجارب ميرو السريع Empty
مُساهمةموضوع: رد: افكار وتجارب ميرو السريع   افكار وتجارب ميرو السريع Icon_minitimeالثلاثاء 5 أكتوبر - 15:43


لعلاج الكحة مجرب ومضمون باذن الله
بنقع لبان دكر في شوية مية ويتشرب منهم على الريق
بجد سحر




الاتيجير اللي بنحط فيها البصل والبطاطس
بتكون مخرمة
اخر سلة فيها بحط فيه البصل ودايما بتوقع تحتها وتبهدل الدنيا
فحطيت في قعرها كيس بلاستيك شفاف حمالي الارض من انها تتوسخ كل شوية

حلوة صح؟
الرجوع الى أعلى الصفحة اذهب الى الأسفل
 
افكار وتجارب ميرو السريع
الرجوع الى أعلى الصفحة 
صفحة 1 من اصل 5انتقل الى الصفحة : 1, 2, 3, 4, 5  الصفحة التالية
 مواضيع مماثلة
-
» حصري اكلات سريعة من مطبخ ميرو السريع
» ساندوتشات بكل الطرق ..للمدرسة ..فطار وعشا و حتى غدا فى السريع
» افكار صينى
» افكار لتنظيم المطبخ
» افكار جديده للبيت

صلاحيات هذا المنتدى:لاتستطيع الرد على المواضيع في هذا المنتدى
منتدى سرب الحمامات :: خبرات وتجارب السرب :: تجارب سرب الحمامات-
انتقل الى: