بيتى جميل ونظيف .......شغلى بسيط وخفيف

انا لسه شايفه باقي الصور بجد ماشاء الله عليكم
ام عبدالله ورشا ايه الجمال ده والشطاره
شجعتوني اصور انا كمان

تسلم ايديكم كلكم

ما شاء الله لا قوة الا بالله

ربنا يبارك لكل واحدة فى بيتها وجوزها وعيالها ويباركلها فى صحتها ويحفظها من شر العين

ماشاء الله تبارك الله

الله يسعدكم على النظافة والنظام



يومياتى النهاردة كانت فظيعة


اول ما صحيت

حطيت فى الحمامات ملح ليمون وخل على الارضية وبعدين حطيت اللحم يتسلق على النار

كنت قبل مانام كنست الشقة كلها بالمكنسة ولمعت كل الزجاج والمرايات

قمت نفضت كل الكنب بتاع الانترية وشيلت السجاد ومسحت المجلس وغسلت حمام الضيوف

مسحت الصالة والطرقة والسطح

مسحت غرفة مريم وغيرت الملايات ولمعتها

وضفت غرفتى وغيرت الملايات

عملت دورة غسيل ابيض بالغسالة

غسلت حمامنا بعمق وبسيبه للاخر عشان الخل وملح اليمون يعمل عمايلة بالترويبة وبقت فل الفل


طبعا المطبخ اخر حاجة

انا خلصته كله امبارح بس غسلت الارضية تمام النهاردة


وبعدين كملت الغدا

كان لحم ورز وكوسة

وجهزت بانية لعزومة بكرة وعملت كمان حلا قهوة بالفيمتو خياااااااااااااااااااااااااااااااااااال

كانت جارتى الله يسعدها ارسلتلى منه وعجبنى جدا وخت منها اللطريقة وطلعت ماشى حالهالانها اول مرة لازم ماتظبط اوى

بابانا جه وتغدينا وغسلت مواعين الغدا والبيت فل الفل

انا هقوم دلوقت اظبط نفسي

لان بابانا برة

هعمل سويت وحمام مغربى وحمام زيت لشعرى لان اليوم اخر يوم فى البريود

وهعمل ماسك لوجهى كمان

عشان يبقى البيت وصاحبة البيت 100 100


بكرة عندى طوارئ اخت زوجى واولادها جايين من مصر وهيقضو عندنا بكرة

وطبعا لازم عزومة تشرف

ادعووووووووووووووووووووووووووووووووووووووولللللىىى ىىىىىىىىىىىىىىىىىىىىىىى


ان شاء الله هعمل فخدة خروف مشوية بالفرن وبانية وصينية جلاش ورز كبسة وسلطة خضرا وسلطة طحينة وشوربة لسان عصفور

وهعمل عصير مانجو فريش وكركدية وبيبسى للى يحب البيببسي والحاجات دى

ها اية رايكم كدة حلو

الله يكرمكو يا بنات
ويديكو الصحه
الواحد بيتفرج كانه بيتفرج على مناظر طبيعيه
حاجه تهدى الاعصاب
وعد لما اغير الشقه ان شااااااااااء الله
ههريكو صور هههه

ام مريم
ربنا يعينك على عزومه بكرة يا جميل
انت قدها وقدود

سموره ماشاء الله تبارك الله


شغل على ميه بيضاء الله ينور


الله يعطيك العافيه يارب

ماااشي ياست مادو اما نشوف

رح ادعي لك بالشقه علشان الصور

بسم الله ما شاء الله
ربنا يحميكوا ويباركلكوا فى بيوتكوا واولادكو وازواجكوا يارب
شجعتونى والله بس بعمل على قدى
قمت نقعت عيون البوتجاز فى مسحوق وملح ليمون ومية سخنة
وخلصت المواعين اللى فى الحوض ومسحت الحوض بصابون وكلور
وطلعت سمك للغداء ان شاء الله
وان شاء الله اعمل الفرن متاعى من بره على ما اجيب منظف افران

ااقول يومياتى بس من غير صور
انبارح
الاكل كان رز معمر وبرام بطاطس باللحمه
وكنت نايمه وانا مروقه وكنسه الشقه صحيت مسحتها ومسحت قدام الشقه
ونشرت غسيل
ولميت اغطيه برطمانات التوابل وغسلتهم ونشفتهم
وغسلت ضلفتين بتوع الحلل ببريل وكلور ورتبتهم
وشطبت الحوض ودعكته بسفنجه وكلور مركز بسيبه دقايق وارجه ادعكه بيبقى بيبرق بجد وجميل
ودعكت رخام المطبخ وتربيزة المطبخ ومسحت الارضيه بكلور وتحت البوتاجاز بعمله اول باول
وبس خلاص

امس غسلت الظاهر غسيل الحاره كلها

شراشف وملوون وابيض

وحاجه بالشامبو

واشيل وانشر

وروقت المطبخ قبل انام

اليوم تروويق على السريع

واصلح الاكل

واجب بكرة يا قمرات


المكيف

الشباك

الحوائط

السقف والمروحة

ومفاتيح الكهرباء واللمبات نلمعها كمان

الدواليب معموله ومتصورة يا ميس ههههه
سبقتك اخيراااااا


الف سلامه على عمر
ربنا يحرصه ويشفيه يا حبيبه قلبى
ربنا يباركلك فى ولادك

خلصت الكوي كله

والغرفه بكره ان ربي عطانا عمر اخلصها مره وحده

يوم الخميس جوزى كان هيبات بره
وخرج الساعه 7 كده
قوم اعمل ايه
دخلت اوده النوم بالعيال نفضت البلكونه والشباك وشلت الملايا وقلبت المرتبه وطلعت الفرش
ونزلت كوووووووول حاجه فى الدواليب كل الضلف يعنى
ولمعت الدولاب من جوة وهو فاضى تماما ولمعت الشماعات ورجعت رصيت كل حاجه تانى
بمزاج ورشيت برفان وحطيت اشاربات دانتيل كده على الرفوف شكلها مدى رقه كده للدواليب ورصيت البرفانات واللذى منه
وخرجت المشايات نفضتها وكنست الاوده وحطيت الملايا والخداديات ورجعت المشايات وقفلت الاوده
الساعه جت واحده
وعندى ارق فظيييع
رتبت اوده العيال والصاله كنس ومسح للحاجه
ودخلت الحمام حطيت فلاش واريال وسبته شويه ودخلت دعكته بالحيطان من السقف
ورشيت منظفات تانى ودعكته يجى 3 مرات لحد ما خليته جديد بجد
وكان عندى تربيزة هى بتاعه عياده بصراحه كنت حطاها فى المطبخ غسلتها وحطيتها فى الحمام وحطيت فيها سبت الغسيل ورصيت فوقها الشامبوهات وكده بس شكل الحمام كان عاجبنى
ودخلت المطبخ شطبته
الساعه جت 5 الصبح وانا شغاله وطبعا مفيش كمبوتر
فملل فظيع
جوزى جه
قلت احكيله زى ما بحكيلكو
يمكن اسمع كلمه حلوة
ويا ريتنى ما حكيت
خت شويه تريقه معتبرين
شكرا انك بتنضفى شقتك شكرا انك بتنضفى حمامك شكرا شكرا
قلتله يعنى هما كانو مش نضاف
قالى قولى لنفسك باه
امال بتحكيلى ليه
توووووووووووووووبه
بجد افتقدتكو جداااااااااااا

مادو تسلم الايادى ي قمر

شفتى الارق حلو ازاى

لازم تحطى الصور بتاعة الدولاب عشان احنا كمان نفرج

وعادى يابنتى انه يقول كدة انا مبسألش جوزى خالص اية رأيك والا هيجيلى احباط


سمر

تسلم ايديكى يا حلوة

على النظافة والترتيب

مطبخك رايق وجميييييل ماشاء الله

------------------

لو جوزى شاف الصور دى مش بعيد يحجر عليا
مش بيقدر الهوايات ههههههههه

مادو

ماشاء الله تسلم ايديكى على الترتيب ةالتصوير ياقمر

بجد صور تفتح النفس

----------------------------------

هسيب الصور شويه والغيهم ماشى
دى دواليب ناس برده هههههههه